1 Corintios 14:6 - Manityanati Tupax

⁶ Supia, masarukityaiki, champɨ nanenekiche aume axtɨ yɨkatɨ tanu yasaraño nauki xhanitya aume auki kiatax manityakax, ¿isanempɨ iyebo aboi axtɨ chixhanityakapɨ aume axɨna nixhantɨmoti Tupax, takanaintyo axɨna ñemanauntu, nauki xhanunekaityo aume axɨna noñemaxti Tupax o pikiataka manunekatax?

Manitanati Tuparrü

⁶ Supia masaruquitaiqui, arrtü yeca tanu aubesa y rranitaca aume auqui quiatarrü manitacarrü uiti Espíritu Santo. ¿Aensapü ane yaserebiquirri aume? No, champü. Tapürrtü rranitaca aume auqui besüro y surapoi ausucarü arrüna tusio iñemo uiti Tuparrü, o rranunecaca aume, auqui caüma ane niyaserebiquirri aume.

1 Corintios 14:6 교차 참조

San Mateo 11:25

Au axɨmanio naneneka, nanti Jesús sane: “Taruku nɨriaka, Iyaɨ, nenaxi nanaiña axɨna ane au napes takanaintyo axɨna kɨx, ityopiki aityusiankata sukarɨma axɨbama takisɨrɨma axɨba umanekana obi pɨnanaki axɨbama taruku nipiakaxɨma.

San Mateo 16:17

Auki nanti Jesús ɨmoti: –Taikiana chiyaupɨ napukɨnunku axɨkɨ, Simón, aɨtoxti Jonás, ityopiki axɨna sane chasuputakaipɨ ui mañoñɨnka, ta uiti Iyaɨ naki anati au napes uiti nanti aemo.

San Mateo 16:26

¿Isane yachɨkoiti ñoñɨnx axtɨ enaxitenti nanaiña ikuki axɨna kɨx, axtɨ ityopiki ensoro nisɨborikixhti? ¿Isanempɨ toxiobo uiti ñoñɨnx ityobo nɨsɨborikixhti?

Hechos 2:42

Namanaiña iñatama isiuki ñanunekakaxɨma axɨbama apóstoles, iñatamaintyo nenaxixhimia ɨmo namanaiña, chepe nakaxɨma axtɨ basoma, axtɨ meabomaintyo.

Romanos 15:14

Masarukityaiki, axɨñɨ tusiu nuxia iñemo axaño ane aukɨtɨpɨ axɨna uxia axɨnaintyo napapanaunku apipiaka apanuneka aumeampatoe.

Romanos 16:17

Masarukityaiki, amasasai nuxia ñɨnana axɨbama kiatax ñapanaunkuxɨma iñatama ñakokotoxɨma axɨna uiche apiñanaño pese pɨnanaki axɨna manunekatax apasutiu. Apikiaɨbusaño axɨpekukimia,

Romanos 6:17

Chapie ɨmoti Tupax, tɨkañe axaño kumanakax año ɨmo nomɨnantɨ, kaɨma chauki tapikokota axɨmanu uxia manunekatax aume.

1 Corintios 10:33

Axɨñɨ au nisɨboriki isamute nanaiña axɨna uxia ɨmo makiataka, chiyapachetiopɨ axɨna uxia ñemoantoe ta yapachetio axɨna uxia ɨmo namanaiña, nauki ane ɨmoma maximiakatax.

1 Corintios 14:1

Apiña nuxia, nauki akuasɨrɨti kiatax aume, apankityo pɨnanakiti Tupax nauki acheti aume axɨna apachɨkoboibo ui noñemaxti Espíritu Santo, axɨnampae nauki apanuneka au noñemaxti Tupax.

1 Corintios 14:7

Axtɨ numanityaka tyone takana buxixh takanaintyo violín axtɨ champɨ kiatax nityañekixh, chɨtusiupɨ isane niñosonixh.

2 Corintios 11:6

Champɨ nɨmoche axɨna chipiakapɨ nuxia xhanitya, ta axɨna nixhapanaunku uxia. Tyone sopityusiankata nantax ausukarɨ au nanaiña axɨna sopisamute.

2 Corintios 12:1

Champɨ iyebo osoi axtɨ oñonkatɨ oemoantoe. Ta xhanityaka kaɨma ñome axɨba ñemanauntu ñana axɨba umanekana ta mutusiankana sukarɨñɨ uiti Yɨriabux Jesús.

2 Corintios 12:7

sane namatɨ iñemo tyopiki niyarusɨrɨkɨ axɨmanu yastai au napes. Sane naukiche, tapɨ ñonkatɨ ñemoantoe, ane axɨmanu uiche ichakisɨrɨka, ñonkisio takana omeno kɨmeka sɨtɨpɨñɨ, takana nikɨmesti Chobores axɨmanu uiche ichakisɨrɨka.

Efesios 1:17

Xhankikia pɨnanakiti Tupax ɨmoti naki Yɨriabux oemo Jesucristo, pɨnanakiti yarusɨrɨx Uyaɨ, nauki uiti atoxi aume axti espíritu ɨmo mapanaunkux, nauki atusi aukɨtɨpɨ, sane ausuputarati nuxia.

Efesios 3:4

Axtɨ amastai axɨmanu nixhakonomoso, uixh atusi aume ta axɨñɨ tusiu iñemo axɨmanu anekanatai uiti Tupax tisamutenti aɨbuti Jesucristo.

Filipenses 3:15

Namanaiña axɨbama tɨkoboi uikokoroti Cristo uisamunena sane. Axtɨ ane auche kiatax napakionko. Uiti Tupax uraboiti nuxia ausukarɨ.

2 Timoteo 2:14

Urasoi sukarɨ makiataka axɨna sane, aikuansomokosoma sukarɨti Tupax tapɨ asioma uratokiakama. Tyopiki champɨ nanenekiche axɨmanu nuratokikixhimia. Uixh mameso ñapanaunkuxɨma axɨbama onsapetioma.

2 Timoteo 3:10

Axɨkɨ aisamuse nuxia isiuki nixhanunekaka, isiuki nisɨboriki, axɨna nixhantɨmo isamune, nixhakokonaunku, nipukɨru tyaku makiataka, narukux iñemo, nixhakumananaunku, niñasamunaunku aɨbu makiataka,

2 Timoteo 3:16

Nanaiña axɨba Nikorox tyone noñemaxti Tupax taruku nɨmoche ɨmo manunekatax, makuansomokokox, ɨmo axɨna besɨro mapanaunkux,

2 Timoteo 4:2

nauki anuneka axɨba omixhia manityakax, tapɨ ubata aemo nanunekaka axtɨ chebo aemo takanaintyo axtɨ chichebopɨ uimia. Apache nikiubukɨ kausane aikokoma, asamunau akuansomoko axtɨ anunekaka.

Tito 3:8

Axɨna ta ñemanauntu, ixhanka sane nanunekaka nauki axɨbama ikokoromati Tupax tari aisamunema axɨna uxia. Axɨba sane omixhia chiyaupɨ nɨmoche ɨmo namanaiña.

Hebreos 13:9

Sane naukiche tapɨ ane nɨmoche aboi pikiataka manunekataka, axɨba champɨ bastaboibo oboi pɨnanaki ñanunekakaxti Jesucristo. Uxia axtɨ aruku nuxia oemo ui nukuasɨrɨkɨ ɨmoti Tupax, tapɨ uisamute isiuki axɨmanu bakɨpukux ñome axɨba umatamoebo. Tyopiki axɨmanio bakɨpukux champɨ bastaboibo oboi.

2 Pedro 1:5

Sane naukiche apapache nikiubu año nauki ñemanauntu axɨna napakokonaunku ɨmoti Tupax, apiña nuxia nauki besɨro nausɨboriki, apapache nikiubu año ausuputarati nuxia Tupax,

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.

2 Juan 1:9

Axti naki xhanxti aiñanti pese ñanunekakaxti Cristo, champɨti Tupax chepeti. Tapɨti naki sɨsioti aɨbu axɨmanu ñanunekakaxti, anati chepeti Yaɨtoti chepetityo Aɨtoxti.