1 Corintios 14:34 - Manityanati Tupax

³⁴ axtɨ apiyoberabakaño au nɨrixhti Tupax, tapɨ panityana paɨka, tyopiki ui bakɨpukux uiti Moisés chichebopɨ ñome apanitya. Tari apakokonau ɨmo axɨbama ñopikianio.

Manitanati Tuparrü

³⁴ Arrtü apiyoberabacaño, tari ometayoi ba paüca, tapü panitana. Sane bacüpucurrü ümo namanaiña bama icocoromati Jesús au nanaiñantai. Tari pacoconaun ümo bama ane nüriacarrüma ñome. Sane ito nantü icu manu corobo nüriacarrü.

1 Corintios 14:34 교차 참조

1 Corintios 11:13

Amasasai aboiyapatoe axaño axtɨ uxia axɨna paɨx meabo ɨmoti Tupax champɨ nityabuxixh.

1 Corintios 11:3

Ixhanka atusi aume axti Cristo tyonenti yɨriabuxti ɨmo mañoñɨnka, axtityo ñoñɨnx yɨriabuxti ɨmo nikɨpostoti, sane takanati Tupax Yɨriabuxti ɨmoti Cristo.

1 Corintios 11:5

Tapɨ axtɨ taman paɨx, champɨ nityabuxixh axtɨ meabo axtɨ manunekana noñemaxti Tupax, champɨ ñanaunkux ɨmo nityanux. Isiukiatai takana axtɨ tapakio.

1 Corintios 14:21

Iku Nikorox nantɨ: “Xhanityaka ñana ɨmoma axɨbama mañoñɨnka auki pikiataka manityakaka aikimia axɨbama auki kiatax kɨx, ni sanempɨ axiama onkoimia nisura, nanti Yɨriabux.”

1 Corintios 14:35

Axtɨ ane isane muxianx atusi ñome, tari apankirio pɨnanakimia axɨbama ñopikianio au niyopox tato. Tyopiki chɨkoñopɨtɨ ɨmo paɨx anitya kauta oberabarama axɨbama ikokoromati Jesús.

Efesios 5:33

Axtɨ sane, tari taikianati taman akuasɨrɨ ɨmoti nikɨpostoti takana nikuasɨrɨkɨxti ɨmotiatoe, tari axɨna paɨx tari aiñanaunuti ikiana.

Colosenses 3:18

Axaño paɨka, apakokonau ɨmoma axɨbama apikianaño. Tyopiki tyone axɨna bakɨpukux aume tyopiki axaño apikokokati Jesús.

Tito 2:5

tari uxia ñupapanaunkux, uxia niyosɨborikixh, amasaratɨ tyaku nanaiña au niyopox, taikiana uxia oboi ɨmo namanaiña apakokonau ɨmo axɨbama ñopikianio, tapɨ anati naki chuxiampɨ nuraxti ɨmo nuraxti Tupax.