1 Corintios 12:18 - Manityanati Tupax

¹⁸ Tapɨti Tupax omeno uiti nanaiña axɨba nenaxi nokɨtɨpɨ axɨna kauta uxia au ñakionkoxti.

Manitanati Tuparrü

¹⁸ Pero arrti Tuparrü iñaniontiño nanaiña arrüba parterrü apü nocütüpü isiu nirrancarrti, nauqui ane taman nocütüpü urria.

1 Corintios 12:18 교차 참조

San Lucas 10:21

Akamanu, taruku nipukɨnunkuxti Jesús uiti Espíritu Santo, nanti: “Chapie aemo, Iyaɨ, axɨkɨ Yɨriabuxɨkɨ ɨmo napes ɨmo kɨx, ityopiki aityusiankata isukarɨ axɨbama champɨ nipiakama axɨba aiñanekakio pɨnanakimia axɨbama ipiakama. Sane, Iyaɨ, ityopiki sane naxianka.

San Lucas 12:32

“Tapɨ aupixhuka, niyabu nobixhaka. Mɨmanantai año, tapɨti Uyaɨ, auki nipukɨruxti, toxio uiti aume nɨriakaxti.

Romanos 12:3

Ui nipukɨruxti Tupax chakuñɨ ikɨpurutiñɨ, sane naukiche sukanañɨ aume tapɨ anati naki nanti taruku nipiakaxti pɨnanakimia axɨbama ñemanauntu ipiakama. Amasasai axañoampatoe isiuki axɨna toxio aume uiti Tupax apisamuse takana axɨbama ikokoromati Cristo.

Romanos 12:6

Toxio uiti Tupax oemo uipiakabo taikiana ɨmoti taman, takana axɨna nixhankaxti aityoximiati. Sane naukiche, axtɨ toxio oemo uiti Tupax nauki usuraboi noñemaxti tari usuraboi isiuki axɨna numakokonaunku.

1 Corintios 12:11

Nanaiña axɨba sane toxio oemo ui noñemaxti naki kunauntañati Espíritu Santo, axɨna uxia au ñakionkoxti.

1 Corintios 12:17

Axtɨ nanaiñampɨ nokɨtɨpɨ sɨtox, champɨpɨ uiche oñonsape. Axtɨ nanaiñampɨ nokɨtɨpɨ umasux, champɨpɨ uiche uñuniu.

1 Corintios 12:19

Axtɨ nanaiñantaipɨ taman nakax nenaxi nokɨtɨpɨ, kautapɨ naka nokɨtɨpɨ.

1 Corintios 12:24

sane naukiche champɨ nɨmoche sane osoi yupu nenaxi nokɨtɨpɨ axɨba aneampae niñokoñopox. Axti Tupax koñokono uiti axɨna nokɨtɨpɨ nauki axɨba nenaxixh chɨbukuasɨrɨpɨapae oemo taruku niyukuax,

1 Corintios 12:28

Aboma axɨbama sɨroma uiti Tupax axɨpekuma axɨbama ikokoromati Jesús, kusɨrɨboma axɨbama amonkoma tɨkañe isiuti. Auki aboma axɨbama manityanama ui noñemaxti. Auki aboma axɨbama manunekanabo. Auki aboma axɨbama masamunuma axɨba champɨ tu bastai, makiataka axɨbama bakurarama ɨmoma axɨbama maunxokonoma, axɨbama asaramatɨ tyaku makiataka, axɨbama mayɨriabuka, makiataka tusiu ɨmoma axɨmanio aruki nanaiñantai manityakaka.

1 Corintios 15:38

Auki axti Tupax sunau uiti isiu nixhankaxti, taikiana taman niyoma chichepepɨ niyokɨtɨpɨ pikiataka.

1 Corintios 3:5

¿Isane nakaxti Apolo?, ¿isane nakaxti Pablo? Axɨbamantai baserebioma, uimia axaño apikokokati Tupax. Chepe somɨ sopisamute supachɨkoi axɨna toxio suiñemo sopisamune uiti Yɨriabux:

Efesios 1:5

Samamekana oñɨ tɨkañe nauki aɨtoxti oñɨ, auki nakaxti Jesucristo, naki esache bakɨpukux oemo, takana noñemaxti ui nipukɨruxti.

Efesios 1:9

tusiankana uiti Tupax usukarɨ axɨmanio nixhantɨmoti aisamunenti axɨba amonkio umanekana uiti axɨna kaɨma xhanxti aisamunenti aɨbuti Cristo,

Apocalipsis 4:11

“Axɨkɨ Yɨriabuxɨkɨ Tupaxɨkɨtyo suiñemo, koñotɨ aemo asuriu nanentakax, manaunkux chepe nɨriakax, tyopiki nasamuku nanaiña axɨba abe. Ui noñema omixhante uixhtyo abe.”