1 Corintios 12:13 - Manityanati Tupax

¹³ Tyopiki uiti kunauntañanti Espíritu Santo namanaiña osɨrikia, axɨbama judíos axɨbamaintyo chɨtɨpɨ judíos, axɨbama kumanakaka axɨbamaintyo chɨtɨpɨ kumanakaxɨma nauki chepe nusaka ui noñemaxti Espíritu Santo. Namanaiña uchaka uiti maniki Espíritu Santo.

Manitanati Tuparrü

¹³ Sane ito arroñü ichépe nurria nusaca. Champü nümoche arrtü israelitarrü oñü o arrtü chütüpü israelitarrü. Uyarrüpecu aboma bama mamosoca y bama abomantai. Numo osüriquia, arrti Espíritu Santo iñanati oñü au manu tamantai cütüpürrü ichepe namanaiña bama maquiataca icocoromati Jesús; nanaiña oñü caüma tacana nicütüpürrti Cristo. Y nanaiña oñü cuati Espíritu Santo au nuyausasü.

1 Corintios 12:13 교차 참조

San Mateo 3:11

Axɨñɨ, ñemanauntu, xhaunimiaka aume ui tuxtai, sane ityasukaño nauki abetɨ tato esati Tupax. Tapɨti naki kuatatiki isiuñɨ maunimianati ñana aume uiti Espíritu Santo uityo pes. Taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ikianio ape nipopetakixhti.

San Lucas 3:16

Tapɨti Kuan nanti ɨmo namanaiña: “Axɨñɨ, ñemanaunkuxatoe xhaunimiaka ui tux. Kuatatiki taman maunimianati ñana aume ui pes uitityo Espíritu Santo. Axti taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ityakisɨna nityomoento nipopetakixhti.

San Juan 1:16

Ui axɨna nukuasɨrɨkɨ ɨmoti Tupax namanaiña basutiu axɨba ñakumanataxti taikiana ukurusɨka uiti.

San Juan 1:33

Axɨñɨ chɨtusiupɨ iñemo ñakuti. Axti naki uiche aikɨpuruñɨ xhaunimia ui tux, nanti iñemo: ‘Axti naki onɨche astai sɨsioti Espíritu Santo, tyonenti naki maunimiana uiti Espíritu Santo.’

San Juan 3:5

Aiñumuti Jesús nuraxti: –Ñemanauntu sukanañɨ aemo axti naki chɨkuatatipɨ iku kɨx eanaki tux uitityo Espíritu Santo, chiyebopɨ uiti au nɨriakaxti Tupax.

San Juan 4:10

Aiñumuti Jesús nurax: –Axtɨ asuputakaipɨ axɨna ñakumanataxti Tupax, ñakutityo naki mankioti tux apɨnanakikɨ, axɨpɨkɨ ankikia pɨnanakiti, toxiopɨ kaɨma aemo uiti axɨna tux sɨboriko.

San Juan 4:14

Tapɨti naki chaboti axɨna tux toxiobo sobi, chanantopɨ atosɨti tato. Axɨna tux toxiobo sobi ɨmoti isamunɨ kɨtɨpɨti nantaityux uixh champɨ nityakɨru nisɨborikixhti.

San Juan 6:63

Axti espíritu uiti Tupax tyonenti naki uiche ane nausɨboriki. Axɨna naukɨtɨpɨ champɨ nanenekiche. Nanaiña axɨna tɨsukanañɨ, tyoneio espíritu tyoneintyo ausɨborikibo.

Hechos 1:5

Ñemanauntu ui tux maunimianati Kuan tɨkañe, yopɨrɨkɨ axɨba mɨmanantai naneneka axaño abɨrikia uiti Espíritu Santo.

Romanos 3:22

isiuki axɨna uikokokati Jesucristo, uiti Tupax kicheseña nakaxɨma namanaiña axɨbama ikokotama.

Romanos 3:29

¿Axti Tupax chɨtɨpɨ Tupaxti ɨmoma axɨbamantai judíos? ¿Ensapɨ chɨtɨpɨ ɨmomaintyo axɨbama chɨtɨpɨ judíos? ¡Ñemanauntu ɨmomaintyo axɨbama chɨtɨpɨ judíos,

Romanos 4:11

Pɨrɨkɨ nanaiña axti Abraham circuncidaboti, uixh atusi ta uxia nisɨborikixhti au nastaxti Tupax ityopiki ñakokonaunkuxti. Sane naukiche axti Abraham, tyonenti yaɨtoxɨma namanaiñama axɨbama ikokoromati Tupax, champɨ nɨmoche axtɨ chɨcircuncidabopɨma. Sane axti Tupax champɨ nɨmoche uiti axɨmanu tɨkañe chuxiampɨ nisɨborikixhimia.

1 Corintios 10:2

Ui axɨna sane, namanaiña amonkoma tyupekuti Moisés naukiche ɨrioma ui axɨmanu kɨsaɨbox eanaintyo axɨmanu narubaityu tux.

Gálatas 3:23

Naukiche chiñataikipɨ axɨmanu makokonaunkux amonko oñɨ amanapo oñɨ ui axɨmanu bakɨpukux, chepe niyekixh aityusiankanɨ axɨmanu makokonaunkux.

Gálatas 3:28

Champɨki nɨmoche axtɨ judío o chɨtɨpɨ judíos año, axtɨ kumanakax o champɨ, axtɨ axti ñoñɨnx o paɨx. Tyopiki axtɨ usaka chepeti Jesús, namanaiña kunauntaña nusaka.

Efesios 3:6

Axɨmanu nixhantɨmoti Tupax aisamunenti tyone axɨna: Aɨbuti Jesucristo, namanaiña mañoñɨnka ikuki kɨx nauki asuriuma, chepeti Cristo Jesús, axɨmanu toxiobo ɨmoma axɨmanu ɨriotɨ uiti Tupax ɨmoma axɨbama auki Israel.

Efesios 4:5

Anati kunauntañati Yɨriabux oemo, kunauntaña makokonaunkux, kunauntaña maunimiakax.

Efesios 5:26

Isamutenti sane nauki tapɨ ane nomɨnantɨ osoi, ikiaɨbutati nomɨnantɨ osoi ui tux oboityo nuraxti.

Efesios 6:8

Tari atusi aume, taikianati taman ñana axti naki kumanakax o axtɨ chɨtɨpɨ kumanakaxti, yasutiuti ñana uiti Yɨriabux Jesús isiuki axɨna isamutenti.

Colosenses 1:27

Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.

Colosenses 3:11

Champɨ nɨmoche axtɨ griegokɨ o judioxɨkɨ, axtɨ circuncidabokɨ o champɨ, axtɨ osekatɨ auki kiatax narɨkɨkixh, axtɨ uipiaka o chuipiakapɨ, axtɨ kumanakax oñɨ o chɨtɨpɨ kumanakax, tyopiki axti Cristo tyonenti nanaiña anatityo au nanaiña.

1 Pedro 3:21

Axɨmanu tux tɨkañe tyone axɨna tux uiche osɨrikia, tyone axɨna uiche kaɨma ane maximiakatax oemo. Axtɨ osɨrikia chɨtɨpɨ nauki uiyaxɨbi nokɨtɨpɨ, ta nauki manki pɨnanakiti Tupax uxia numapanaunku, ixhimiakatityo axɨba nomɨnantɨ osoi tyopiki ta sɨborikoti tato Jesucristo,