1 Corintios 11:29 - Manityanati Tupax

²⁹ Tyopiki axti naki basoti chabotityo axtɨ chasaratitɨpɨ axtɨ tyone nikɨtɨpɨxti Yɨriabux Jesús, ɨmo nityakisɨrɨkɨxtiatoe basoti chabotityo.

Manitanati Tuparrü

²⁹ Itopiqui arrti naqui champü ñanauncurrti ümoti Jesús, arrtü basotiatai manu pan y chabotiatai manu vinorrü, tonenti naqui cuatü ümoti carrticurrü uiti Tuparrü, itopiqui chütusiopü ümoti, ta tone nicütüpürrti Cristo.

1 Corintios 11:29 교차 참조

San Lucas 7:34

Auki kuatati Aɨtoxti ñoñɨnx, axti naki basoti chabotityo, axaño amukanaño ɨmoti taruku niyakaxti chabo'oxtityo, ityurapata axɨbama chuxiampɨ nɨrixhimia axɨbamaintyo bakaɨburuma monixh ɨmo Roma.

Romanos 13:2

Sane naukiche axti naki chɨmakokonauntipɨ ɨmoti yɨriabux, chɨmakokonauntipɨ ɨmo yakɨpukuxti Tupax. Axɨbama chixhanxɨpɨma aikokoma nɨriakax toxio ñana ityakisɨrɨkɨboma.

1 Corintios 11:24

auki machampienkanati ɨmoti Tupax, chepesɨro uiti auki nanti: “Axɨna tyone nisɨtɨpɨ toxiobo autaku. Apisamuse axtɨ apakionkaño iyoñɨ.”

1 Corintios 11:27

Sane, axtɨ anati naki basoti axɨmanu pan axtɨ chabotityo auki nichapoxti Yɨriabux Jesús axti naki chuxiampɨ nisɨborikixhti, ane nipɨnatenti ɨmo nikɨtɨpɨxti ɨmointyo notoxti Yɨriabux Jesús.

1 Corintios 11:28

Ui axɨna sane, amasasai axtɨ ñemanauntu uxia nausɨboriki axtɨ aubaka axɨmanu pan axtɨ auchakaityo auki axɨmanu taropes.

1 Corintios 11:30

Sane naukiche, sɨrɨmanama abaxɨpekuki aboma maunxokonoma chɨkusɨurupɨ nikɨtɨpɨxɨma, makiataka tɨkoiñoma.

Hebreos 5:14

Tapɨ axɨbama tipiakama asaraimia axɨna besɨro mapanaunkux, tyopiki tɨniyachetaxɨma aisamunema, tyonema takana axɨbama mayarusɨrɨka tipiakama a'ama pemakax.

Santiago 3:1

Masarukityaiki, tapɨ namanañantai uxianka manuneka. Tyopiki axti Tupax asaratitɨ nuxia ñana oemo pɨnanaki makiataka.

Santiago 5:12

Pɨrɨkɨ nanaiña masarukityaiki, tapɨ apanityaka au nɨrixhti Tupax, au nɨri axɨna kɨx, au nobɨri pikiataka nisamukuxti Tupax. Axtɨ apanityaka amukanaño: “Sane”, axtɨ ñemanauntu. Tapɨ axtɨ chiñemanauntupɨ amukanaño: “chɨsanempɨ”, tapɨ manityomokonoti Tupax aume.