1 Corintios 11:27 - Manityanati Tupax

²⁷ Sane, axtɨ anati naki basoti axɨmanu pan axtɨ chabotityo auki nichapoxti Yɨriabux Jesús axti naki chuxiampɨ nisɨborikixhti, ane nipɨnatenti ɨmo nikɨtɨpɨxti ɨmointyo notoxti Yɨriabux Jesús.

Manitanati Tuparrü

²⁷ Sane nauquiche arrti naqui basotiatai manu pan y chabotiatai manu vinorrü y champü ñanauncurrti ümoti Jesús, tonenti naqui ane nipünatenti aübu nicütüpürrti Señor y aübu notorrti.

1 Corintios 11:27 교차 참조

San Mateo 22:11

“Auki axti maniki yɨriabux sɨrotitɨpo asaboriti ɨmoma axɨmanuma ɨmoche batasuruti, asaratitɨ ɨmoti maniki taman ñoñɨnx champɨ kɨtɨpɨti axɨna uxia naibixhti.

San Juan 6:51

Axɨñɨ tyone axɨmanu pan sɨboriko kuatɨ auki napes. Axti naki iñatenti axɨna pan, sɨborikoti ɨmo nanaiña naskɨbeka. Axɨmanu pan toxiobo sobi tyone axɨna nisɨtɨpɨ. Toxio ñana sobi ityobo nisɨborikixhimia namanaiña axɨbama ikuki axɨna kɨx.”

1 Corintios 10:21

Chuxiampɨ axtɨ auchaka nityɨpoxti Yɨriabux Jesús, auki amekatɨtyo aucha nityɨpo machoboreka. Chuxiampityo axtɨ aubaka chepeti Yɨriabux Jesús, auki kaɨma amekatityo auba niyarta machoboreka.

1 Corintios 11:29

Tyopiki axti naki basoti chabotityo axtɨ chasaratitɨpɨ axtɨ tyone nikɨtɨpɨxti Yɨriabux Jesús, ɨmo nityakisɨrɨkɨxtiatoe basoti chabotityo.

Hebreos 10:29

Ui axɨna sane ¿apikokota axaño yarusɨrɨx ñana toxiobo ityakisɨrɨkɨboma axɨbama ikɨmotemanti Aɨtoxti Tupax champɨityo nikuasɨrɨkɨ notoxti ɨmoma, axɨbama chuxiampɨ nuraxɨma ɨmoti Espíritu Santo uiti Tupax naki taruku naukuasɨrɨkɨ ɨmoti? Axɨmanu notox uixh uxiane axɨmanu ensɨmunu tɨkañe uiti, uixh aukunusɨankaka ɨmoti Tupax.