1 Corintios 11:17 - Manityanati Tupax

¹⁷ Iku axɨna nixhakonomoso aume, champɨ ityopikiche ñachampienka aume kanapae apiyoberabakaño nantax ɨmo axɨna chuxiampɨ tapɨ axɨna uxia chapisamutempɨ.

Manitanati Tuparrü

¹⁷ Caüma rranitaca aume icütüpü arrüna napachücoi, arrüna champürrtü urria. Canapae arrtü apiyoberabacaño chütüpü ümo urria nausüboriqui, ta ümo arrüna churriampü naburatoquiquiatai aumeampatoe.

1 Corintios 11:17 교차 참조

Romanos 13:3

Tyopiki axɨbama mayɨriabuka chabomapɨ nauki namanaiñantai aixhuma ñɨnanama axɨbama uxia nisɨborikixhimia, ta axɨbama chuxiampɨ nisɨborikixhimia. ¿Axianka uxia nasɨboriki aɨbuti yɨriabux? Aisamuse axɨna uxia, sane axti yɨriabux uxia uiti aemo.

1 Corintios 11:2

Uxia iñemo axɨna apisamute sane, masarukityaiki, tyopiki taikiana apakionkaño iyoñɨ apisamutentyo nanaiña nixhanunekaka aume.

1 Corintios 11:20

Axtɨ apiyoberabakaño, chityonenkipɨ napakionko ɨmoti Yɨriabux Jesús.

1 Corintios 11:22

¿Champɨ naupo kauta auba kautaityo auchaka? ¿Kausane champɨ napanaunku ɨmo nipoxti Tupax sane apikɨnsomokokama axɨbama champɨ nenaxixhimia? ¿Isane surapoboiboñɨ aume? ¿Uxiantai nisura aume? ¡Ui axɨna sane chuxiampɨ iñemo!

1 Corintios 11:34

Axtɨ anati naki taruku nikɨrɨpɨxti, tari yarati au nipoxtiatoe, sane champɨ tyakuche autakisɨrɨka uiti Tupax axtɨ apiyoberabakaño.

1 Corintios 14:23

Tyopiki axtɨ axɨbama ikokoromati Jesús aboma oberabarama, axtɨ namanaiña manityanama pikiataka manityakaka, auki sɨrotitɨpo tamanti ñoñɨnx axɨpekuma axti naki chikokorotipɨ Jesús, au ñakionkoxti nanti ta axɨma mameso nityanuxɨma.

1 Corintios 14:26

Sane masarukityaiki, ¿isane usurapoboibo? Axtɨ apiyoberabakaño, aboma axɨbama masonioma ɨmoti Tupax, tapɨ makiataka manunekanama, makiataka urapoimia axɨna urapoiti Tupax ɨmomantai, makiataka manityanama kiatax manityakax, makiataka urapoimia axɨna nantɨ axɨmanu manityakax. Tyoneio nanaiña omixhia nauki uxia nisɨborikixhimia axɨbama ikokoromati Jesús.

Hebreos 10:25

Tapɨ chuɨkapɨtɨ axtɨ oyoberabaka, takana aboma axɨbama isamutema sane, uisamunena aɨbu narukux oemo axɨna numakokonaunku ɨmoti Tupax, au axɨmaniampae naneneka axtɨ tɨsaimia ayetitɨ tato Jesucristo asaraiti ɨmo axɨna kɨx.

1 Pedro 2:14

apakokonauntyo ɨmo makiataka yɨriabuka axɨbama toxio ɨriakaboma uiti yɨriabux auki Roma nauki anityomokoma ɨmo axɨbama chuxiampɨ nisɨborikixhimia, nauki aityoximiamaintyo ñakumanataxɨma ɨmo axɨbama uxia nisɨborikixhimia.