1 Corintios 10:25 - Manityanati Tupax

²⁵ Aumase nanaiña nañes axɨna tabɨko aboi, tapɨ apankitio axtɨ uxia ɨmo naukɨtɨpɨ.

Manitanati Tuparrü

²⁵ Puerurrü aumane nanaiña nañese arrüna ane paventeobo. Tapü ane penarrü aboi, tapü abasiquia apanquiriu arrtü tücumanana manu numuquianrrü ümo taman santurrü.

1 Corintios 10:25 교차 참조

Hechos 10:15

Axɨmanu manityakax nantɨ tatityo ɨmoti: “Axɨba bukaɨburu nomɨnantɨ yokɨtɨpɨki uiti Tupax tapɨ ukanɨ ñome ane nomɨnantɨ yokɨtɨpɨ.”

Romanos 13:5

Sane naukiche apakokonau ɨmo axɨbama mayɨriabuka, tapɨ apisamute ui axɨna naupixhuku apisamuse ui nauxianka ɨmo axɨna uxia.

Romanos 14:14

Axɨñɨ tusiu iñemo ikokota nuraxti Yɨriabux Jesús, nanaiña uxia umane. Tapɨ axtɨ anati naki au ñakionkoxti chuxiampɨ, ɨmotiatae axɨna chuxiampɨ.

1 Corintios 8:7

Chɨtɨpɨ namanaiña tusiu ɨmoma, aboma axɨbama iñuñetema ñanaunkuxɨma ɨmoma axɨbama matupaka nisamuku mañoñɨnka, basoma takana axtɨ axɨmanu utuburiboma tyone makumanatax ɨmo matupaka nisamuku mañoñɨnka. Ui axɨna chɨkusɨurupɨ nikɨtɨpɨxɨma, au ñakionkoxɨma sɨsio kɨtɨpɨma axɨmanu iñatema.

1 Timoteo 4:4

Tyopiki nanaiña axɨba nisamukuxti Tupax ta omixhia. Tapɨ ane axɨna chuxiampɨ oemo axtɨ basutiu aɨbu numachampienkaka ɨmoti Tupax,

Tito 1:15

Axɨbama uxia nisɨborikixhimia nanaiña uxia ɨmoma. Tapɨ axɨbama isamutema nomɨnantɨ champɨ uxia ɨmoma, chixhanxɨpɨmaintyo aikokoromati Jesús, tyopiki kunauntaña axɨna chuxiampɨ xhanxɨma aisamunema, choxonenepɨ ɨmoma axɨna sane nisɨborikixhimia.