1 Corintios 10:19 - Manityanati Tupax

¹⁹ Ui axɨna sane chisukanapɨñɨ axti maniki Tupax nisamuku mañoñɨnka ane nanenekicheti, axɨmaniointyo numukianka makumanataka ɨmo matupaka nisamuku mañoñɨnka ane kiatax nakax pɨnanaki kiatax nañes.

Manitanati Tuparrü

¹⁹ Ui arrüna sane nisura champürrtü sucanañü que arrübama masantuca manrrü valeoma o süboricoma ni sucanañüpü que abe yupaserebiquirri arrüba macumanataca ümoma.

1 Corintios 10:19 교차 참조

Hechos 19:26

Axaño amastai amonkoityo nuraxti maniki Pablo, sɨrotitɨ au nanaiña aɨbu nuraxti axɨbama matupaka nisamuku mañoñɨnka chɨtɨpɨ matupaka. Sane sɨrɨmanama axɨbama ikokotama, chaunantaipɨ au Éfeso, au nanaiña Asia.

1 Corintios 1:28

Samamekanama uiti Tupax axɨbama chɨkuasɨrɨpɨma iku axɨna kɨx, nauki akaɨbu pɨnanakimia axɨbama ane nɨriakaxɨma.

1 Corintios 10:14

Sane naukiche masarukityaiki, tapɨ apanaunka ɨmo matupaka.

1 Corintios 13:2

Axtɨ toxio iñemo yachɨkoboiboñɨ suraboi noñemaxti Tupax, axtɨ tusiuityo iñemo noñemaxti Tupax axɨba umanekana uiti, tusiuityo iñemo nanaiña axɨba abe iku axɨna kɨx, axtɨ ikokokati Jesús axɨna uiche ikɨmɨnakanio yirityuka, ta champɨ nikuasɨrɨkɨxɨma iñemo makiataka, champɨ nanenekicheñɨ.

1 Corintios 3:7

Sane naukiche axti naki manati kɨtu chepeti naki basupiuruti tux champɨ nanenekichema, ta axti Tupax naki uiche aisamunenti nanaiña, tyonenti naki uiche asunau axɨmanu sɨro kɨtu.

1 Corintios 8:4

Axtɨ ubaka axɨba makumanataka ɨmoma axɨbama matupaka nisamuku mañoñɨnka, tɨtusiu oemo axɨmanuma matupaka nisamuku mañoñɨnka champɨ nanenekichema iku axɨna kɨx, anati kunauntañati Tupax.

2 Corintios 12:11

Xhanityaka takanati naki chuxiampɨ nityanuxti, tyopiki axaño sane nauxianka nauki isamune. Tyopiki axañopɨ tyonemampɨ axɨbama uxia napanityaka sɨtɨpɨñɨ, tyopiki axɨñɨ isiuityo niyaka takana axɨmanuma taruku nipiakaxɨma axɨmanuma amonkoma tɨkañe isiuti Yɨriabux Jesús.