1 Corintios 10:1 - Manityanati Tupax

¹ Masarukityaiki, ixhanka tapɨ takɨrusu napakionko axɨbama uyaɨtaiki tɨkañe amonkoma kiana axɨmanu kɨsaɨbox, namanaiñaintyo tompɨkana uimia axɨmanu narubaityu Tux Kɨturiki.

Manitanati Tuparrü

¹ Irranca nauqui atusi nurria aume, bama masaruquitaiqui, isane pasabo ümo bama antiburrü uyaütaiqui israelitarrü tücañe. Namanaiña aboma iquiana manu cüsaüborrü, arrüna cusürübo aübuma uiti Tuparrü. Y namanaiña tompücana uimia manu narubaitu turrü nürirri “Cüturiqui”. Acü amencoma, nauqui aitompücama, pero chüpansopüma.

1 Corintios 10:1 교차 참조

San Juan 4:20

Axɨba tɨkañe pasɨnɨtaña, axɨba auki Samaria, opiñanaunta Nixhupu Tupax auna, onɨ axɨna yirityux. Tapɨ axaño axɨba judíos amukanaño Jerusalén tyone axɨna kauta somenotɨ supanau.

Romanos 1:13

Ixhanka atusi aume masarukityaiki, taikiana nixhanka yɨrotɨ yasaraño, kaɨmainki chɨtamampɨ tyopikiche chiyɨkapɨtɨ tanu. Axɨna nixhantɨmo ta yasarai axɨna napakokonaunku ɨmo axɨna aɨbo manunekakax, takana axɨna iyebo sobi auki pikiataka kɨx.

Romanos 11:21

Tyopiki axtɨ axti Tupax chumañekanapɨ uiti axɨmanio yupakatoe, axɨkɨtyo chañekakapɨ uiti.

Romanos 4:11

Pɨrɨkɨ nanaiña axti Abraham circuncidaboti, uixh atusi ta uxia nisɨborikixhti au nastaxti Tupax ityopiki ñakokonaunkuxti. Sane naukiche axti Abraham, tyonenti yaɨtoxɨma namanaiñama axɨbama ikokoromati Tupax, champɨ nɨmoche axtɨ chɨcircuncidabopɨma. Sane axti Tupax champɨ nɨmoche uiti axɨmanu tɨkañe chuxiampɨ nisɨborikixhimia.

1 Corintios 12:1

Masarukityaiki, ixhanka atusi aume axɨba makumanataka uiti Espíritu Santo.

1 Corintios 14:38

Axtɨ chɨtusiupɨ ɨmoti, axti Yɨriabux Jesús chisuputaratipɨ.

Gálatas 3:29

Axtɨ axaño abaka aɨbuti Cristo, tyonema axɨbama aɨtoxti Abraham aume ñana toxio axɨmanu ɨriotɨ tɨkañe uiti Tupax ɨmoti.

Hebreos 11:29

Axɨbama auki Israel tyopiki onkomatɨ ɨmoti Tupax, tompɨkana uimia axɨmanu narubaityu tux kɨturiki takana axtɨ amenkoma onɨki kɨx uɨbabo. Naukiche axɨbama auki Egipto xhanxɨmaintyo aityompɨkama, chaboma tux auki koiñoma.