1 Corintios 1:20 - Manityanati Tupax

²⁰ ¿Kauta nakaxti naki taruku nipiakaxti? ¿Kauta nakaxti naki ipiakati anunekati, axtityo naki ipiakati uratokiti yokɨtɨpɨ nanaiña axɨba ikuki axɨna kɨx? ¡Nanaiña nipiakaxɨma axɨbama ikuki axɨna kɨx champɨ nanenekiche ɨmoti Tupax!

Manitanati Tuparrü

²⁰ Aboma te bama tusio nurria ümoma, bama manunecana nüriacarrü, y bama ipiacama nurria anitama. Pero arrti Tuparrü nanti ümoma: “Arraño chapipiacapü, chauqui tapanitacatai”.

1 Corintios 1:20 교차 참조

San Mateo 13:22

Axɨmanu sɨrobo kɨtu sɨro omeana kɨmeka tyone takana axɨbama onkoimia axɨba omixhia manityakax, ityopiki axɨba nenaxixhimia ikuki axɨna kɨx taruku ñakionkoxɨma yubapa tapenekoma oboi. Nanaiña axɨba sane chichebopɨ oboi aisamunema axɨba omixhia.

San Juan 12:31

Kaɨma axɨbama ikuki axɨna kɨx iñatai ɨmoma axɨna tyakɨrux nanenes, kaɨma penekoti tyɨrɨpo naki bakɨpuru iku axɨna kɨx.

Hechos 17:18

Abomaintyo axɨmanuma taruku nipiakaxɨma axɨmanuma epicúreos ichepe axɨmanuma estoicos baparioma aɨbuti Pablo. Aboma axɨmanuma namatɨ: –¿Isanempɨ axɨna sane nuraxti naki yuraxiox? Tapɨ makiataka namatɨ: –¿Kanapae manityanati ɨmo makiataka matupaka? Namatɨ sane ityopiki axti Pablo manunekanati ɨmoma nuraxti Jesús, kɨtɨpɨtyo axɨna sɨborikoti tato.

Romanos 1:20

Axɨna chubastaipɨ uiti Tupax usuputakai ñana, axtɨ makionkaoñɨ ñome nanaiña axɨba omixhante uiti.

Romanos 1:22

Namatɨ taruku ñapanaunkuxɨma, sɨsioma champɨ nipiakaxɨma.

1 Corintios 1:19

Takana nantɨ iku Nikorox: “Sobi ñana ensoro nipiakaxɨma axɨbama taruku nipiakaxɨma tari ensoroityo ñapanaunkuxɨma axɨbama taruku ñapanaunkuxɨma.”

1 Corintios 1:26

Masarukityaiki, atusi aume ta axti Tupax ityasuruti año champɨ nɨmoche uiti axtɨ mɨmanamantai abaxɨpekuki axɨbama ane napipiatɨmo, mɨmanamantaityo axɨbama ane nɨriakaxɨma axɨbamaintyo chiyaupɨ nimonixhimia.

1 Corintios 1:27

Ta nauki akɨsoma axɨbama taruku nipiakaxɨma, axti Tupax samamekanama uiti axɨbama ɨmo makiataka champɨ nipiakaxɨma. Nauki akɨsomaintyo axɨbama taruku nɨriakaxɨma, samamekanama uiti axɨbama champɨ nɨriakaxɨma ɨmo makiataka.

1 Corintios 1:28

Samamekanama uiti Tupax axɨbama chɨkuasɨrɨpɨma iku axɨna kɨx, nauki akaɨbu pɨnanakimia axɨbama ane nɨriakaxɨma.

1 Corintios 11:32

champɨ nɨmoche axtɨ manityomokonoti Yɨriabux oemo ta nauki tapɨ uisamute axɨna chuxiampɨ takana axɨbama ikuki axɨna kɨx.

1 Corintios 2:6

Axtɨ sane, manityaka nuipiaka aɨbuma axɨbama tɨñemanaunkuxatoe isuputaramati Tupax. Ta chɨtɨpɨ nipiakaxɨma axɨbama ikuki axɨna kɨx, champɨityo axtɨ nipiakaxɨma axɨbama ɨriatuxɨma.

1 Corintios 2:8

Tyone kaɨma axɨna chiyebopɨ ui mayɨriabuka ikuki axɨna kɨx, tyopiki axtɨ iyebopɨ uimia chityakubaxiromatipɨ kɨtɨpɨ kurusɨx naki yarusɨrɨx Yɨriabux ɨmo nanentax.

1 Corintios 3:18

Tapɨ autapeneka aboiyapatoe: axtɨ anati naki abaxɨpekuki au ñakionkoxti taruku nipiakaxti iku axɨna kɨx, tari aisamunenti takanati naki champɨ nipiakaxti, sane tyonenti ñana naki taruku nipiakaxti.

1 Corintios 3:19

Axɨna nipiakaxɨma axɨbama ikuki axɨna kɨx, champɨ nanenekiche ɨmoti Tupax. Sane nantɨ iku Nikorox: “Axti Tupax ane nikiubuti nauki amameso nipiakaxɨma axɨbama ipiakama iku axɨna kɨx.”

1 Corintios 6:2

¿Chɨtusiupɨ aume ta axɨbama ikokoromati Tupax tyonema ñana axɨbama uiche asaraimia nisɨborikixhimia axɨbama ikuki axɨna kɨx? Axtɨ aboi ñana amasarai nanaiña nisɨborikixhimia iku axɨna kɨx, ¿kausane chapipiakapɨ amasario axɨba mosiomankatai chɨrɨri?

Santiago 4:4

Axaño chɨkuasɨrɨtipɨ Tupax aume champɨityo axtɨ apakokonaunka ɨmoti. Unka tusiu aume axti naki nityurapataxti axɨna kɨx tyonenti naki tɨborikotiatai ɨmoti Tupax. ¡Ñemanauntu ta sane! Axtɨ axaño uxia aume axɨba nomɨnantɨ ikuki axɨna kɨx, sane naukiche autɨborikiatai kuatati Tupax.