1 Corintios 1:13 - Manityanati Tupax

¹³ ¿Ensapɨ chepesɨroti Jesucristo? ¿Tyonenti Pablo naki takubaxioti kɨtɨpɨ kurusɨx autopiki? ¿Ensapɨ abɨrikia au nɨrixhti Pablo?

Manitanati Tuparrü

¹³ ¿Taqui arrüna napaquionco chepesüroti Jesucristo? ¡No, chüpuerurrüpü achepesüti! ¿Ñacuti coiñoti autacu apü curusürrü? Napaquionco ta arrüñü isonca autacu. ¿Taqui abüriquia au nisüri? Champü te.

1 Corintios 1:13 교차 참조

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

San Mateo 3:6

Urapoimia axɨba nomɨnantɨ uimia tapɨti Kuan ɨrioma uiti au axɨmanu nusɨrux Jordán.

Hechos 10:48

Auki bakɨpuruti nauki ɨrimia au nɨrixhti Jesucristo. Auki axɨma ñankitioma pɨnanakiti, Peru asamuti nuxia nauki asioti akamanu ichepema ñome mɨmanantai naneneka.

Hechos 19:5

Naukiche onkoimia axɨna sane, ɨrioma au nɨrixhti Yɨriabux Jesús.

Hechos 2:38

Aiñumuti Peru nuraxɨma: –Apankisio pɨnanakiti Tupax, aixhimiakati nomɨnantɨ aboi, apikokosio yakɨpukuxti, cheboityo aboi nauki soboi abɨrikia au nɨrixhti Jesucristo. Sane ixhimiakatati nomɨnantɨ aboi, auki toxio noñemaxti Espíritu Santo.

Hechos 8:16

Tyopiki chɨkuatatikipɨ Espíritu Santo kɨtɨpɨma. Axɨma ɨriomantai au nɨrixhti Jesús.

Romanos 14:9

Ɨmoti Cristo koiñoti nauki asɨboriti tato: nauki tyonenti naki Yɨriabux ɨmoma axɨbama sɨborikoma takanaintyo ɨmo axɨbama tɨkoiñoma.

1 Corintios 1:15

Sane naukiche champɨti naki ane urapoboiboti ta ɨrioti au nisɨri.

1 Corintios 10:2

Ui axɨna sane, namanaiña amonkoma tyupekuti Moisés naukiche ɨrioma ui axɨmanu kɨsaɨbox eanaintyo axɨmanu narubaityu tux.

2 Corintios 11:4

Axaño chebo aboi ɨmoti naki kiatax axtɨ iñataiti anunekati aume kɨtɨpɨti naki chityonentipɨ Jesús naki chityonentipɨ kɨtɨpɨche supanunekaka aume. Apasutiutyo aɨbu naupukɨnunku axti naki espíritu kiatax nakaxti pɨnanakiti naki Espíritu Santo kusɨrɨbo atoxi aume.

Gálatas 1:7

Ñemanauntu champɨ kiatax manunekatax. Ta aboma axɨbama uiche aiñamesokoma amopɨnanaki, xhanxɨmaintyo aikɨmɨnakama axɨmanu nuraxti Cristo.

Efesios 4:5

Anati kunauntañati Yɨriabux oemo, kunauntaña makokonaunkux, kunauntaña maunimiakax.

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.