1 Corintios 1:10 - Manityanati Tupax

¹⁰ Masarukityaiki, au nɨrixhti Yɨriabux Jesucristo sukanañɨ aume apasamu nuxia iñemo taikiana chepe napakionko aumeampatoe tapɨ apiñakaño peese amopɨnanakiapatoe, tari taikiana uxia aboi aumeampatoe, apisamuse chepe napakionko aɨbu makiataka.

Manitanati Tuparrü

¹⁰ Rracuansomocona baeta aume, bama masaruquitaiqui au nürirrti Señor Jesucristo. Tapü aburatoquiacaño. Tapü apiñacaño peese amopünanaquiapatoe. Tari chepatai napapensaca y napaquionco.

1 Corintios 1:10 교차 참조

San Mateo 9:16

“Champɨti naki ikoñokotati taman nanankatu naibixhti aɨbu maxupaxiankatax iyebo, ityopiki axɨna iyebo iñɨnanɨ kiopɨro uixh axɨmanu nanankax, axɨna kaɨma nikiopɨtux arubaesa.

San Marcos 2:21

“Champɨti naki ikoñokotati nanankatu naibixhti aɨbu maxupaxiankatax iyebo, ityopiki axɨna iyebo nixupaxixh iñɨnanɨ kiopɨro uixh axɨmanu nanankax, axɨna kaɨma nikiopɨtux arubaesa.

San Marcos 3:24

Axtɨ au taman nación tɨborikoma ɨmomantoe, iñaxioma uixhimiantoe.

San Juan 10:19

Chichepepɨ tatityo ñakionkoxɨma axɨmanuma judíos, oboi axɨba sane nuraxti.

San Juan 17:23

Axɨñɨ yaka au nisɨborikixhimia axɨkɨ aka au nisɨboriki, nauki aiñanaimia ñemanauntu tamantai nakaxɨma, nauki sane axɨbama ikuki axɨna kɨx atusi ɨmoma ta obi aikɨpuruñɨ, taruku nikuasɨrɨkɨxɨma aemo takana nisuasɨrɨkɨ aemo.

San Juan 7:43

Sane naukiche chichepepɨ ñakionkoxɨma auki nakaxti Jesús.

San Juan 9:16

Aboma axɨbama fariseos namatɨ: –Axti maniki uiche aisamunenti axɨna sane, kanapae chɨtɨpɨ uiti Tupax aikɨpuruti, ityopiki chiñanauntatipɨ axɨna nanenes sabaru. Tapɨ makiataka namatɨ: –¿Kausane axti naki chuxiampɨ nisɨborikixhti aisamunenti axɨba champɨ tu bastai takana axɨba sane? Chichepepɨ ñakionkoxɨma.

Hechos 4:32

Namanaiña axɨmanuma ikokoromati Jesús, chepatai naka ñakionkoxɨma aɨbumantoe. Champɨti naki nanti axɨba nenaxixhti ta ɨmotiatai, nanaiña nenaxixhimia sɨro uimia ɨmo namanaiña.

Romanos 1:13

Ixhanka atusi aume masarukityaiki, taikiana nixhanka yɨrotɨ yasaraño, kaɨmainki chɨtamampɨ tyopikiche chiyɨkapɨtɨ tanu. Axɨna nixhantɨmo ta yasarai axɨna napakokonaunku ɨmo axɨna aɨbo manunekakax, takana axɨna iyebo sobi auki pikiataka kɨx.

Romanos 12:1

Sane naukiche masarukityaiki, apasamu nuxia iñemo au nɨrixhti Tupax nauki apityoximia naukɨtɨpɨ ɨmoti, takana napakumanata axɨna sɨboriko ɨmoti, axɨna champɨ nomɨnantɨ kɨtɨpɨ, uxia au ñakionkoxti Tupax, tyone axɨna ñemanauntu napanaunku toxiobo aboi ɨmoti.

Romanos 12:16

Taikiana uxia aboi aumeampatoe. Tapɨ yarusɨrɨx año au napakionko pɨnanaki makiataka, apiña takana nisɨborikixhimia makiataka, tapɨ taruku napapanaunku au napakionko pɨnanaki makiataka.

Romanos 15:30

Masarukityaiki, tyopikiti Yɨriabux Jesucristo tyopikityo axɨna nukuasɨrɨkɨ ɨmoti Espíritu Santo, apasamu nuxia iñemo amea chakuñɨ ɨmoti Tupax.

Romanos 16:17

Masarukityaiki, amasasai nuxia ñɨnana axɨbama kiatax ñapanaunkuxɨma iñatama ñakokotoxɨma axɨna uiche apiñanaño pese pɨnanaki axɨna manunekatax apasutiu. Apikiaɨbusaño axɨpekukimia,

1 Corintios 1:11

Sukanañɨ sane, masarukityaiki tyopiki ipiate ui axɨbama naɨto Cloé, ta chuxiampɨ aboi aumeampatoe.

1 Corintios 11:18

Urapoimia sukarɨñɨ, axtɨ apiyoberabakaño chuxiampɨ aboi aumeampatoe, ane axɨna kauta ikokota ta ñemanauntu axɨna sane.

1 Corintios 12:25

nauki axɨba nenaxi nokɨtɨpɨ tapɨ opiñanaño pese, ta yakɨna nanaiña axɨba nenaxi nokɨtɨpɨ tari umasaratɨ yutakuapatoe.

1 Corintios 3:3

tyopiki masiomankaiki año, axɨna autɨborikiatai aumeampatoe abubatioityo namenaxi, tyopiki masiomankaiki año apisamute takana ñapanaunkuxɨmantai mañoñɨnka.

1 Corintios 4:16

Ui axɨna sane, apasamu nuxia apisamune isiuki axɨna nixhanunekaka.

2 Corintios 10:1

Axɨñɨ, Pablo, apasamu nuxia iñemo, ui nipukɨruxti Cristo, champɨ nɨmoche sobi axɨna amukanaño axɨñɨ axtɨ yaka auchepe chixhanityakapɨ nuxia tapɨ axtɨ yaka iche chɨtamampatai nisura aukɨtɨpɨ.

2 Corintios 13:11

Au nityakɨrux masarukityaiki, taikiana uxia nausɨboriki apapachesio kausane nauki besɨro nausɨboriki. Apiña nuxia taikiana uxia aboi aumeampatoe au nausɨboriki. Sane axti Tupax naki taruku nukuasɨrɨkɨ ɨmoti tari anati auchepe.

2 Corintios 13:9

Sane naukiche suipɨkɨnunka axtɨ chɨkusɨurupɨ suisɨtɨpɨ, axɨsomɨ suixanka nauki axaño tari kusɨuru nuxia naukɨtɨpɨ. Axɨsomɨ supankikia nauki taikiana besɨro nausɨboriki.

2 Corintios 5:20

Sane naukiche, axɨsomɨ subaka auna au yakɨpukuxti Cristo, ta isiu takana axtɨ axti Tupax mankioti amopɨnanaki apasamu nuxia suichopiki. Ta sane au nɨrixhti Cristo, apasamu nuxia suiñemo apiñoxonkosaño sukarɨti Tupax.

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

Gálatas 4:12

Masarukityaiki, apasamu nuxia iñemo: apisamuse takana axɨñɨ, tyopiki axɨñɨ isamute axɨna nisɨboriki takana axaño. Chiñemopɨ apisamute axɨmanu chuxiampɨ.

Filipenses 1:27

Tyoneantai axɨna sukanañɨ aume: apiña nausɨboriki isiuki axɨba omixhia nuraxti Cristo. Apisamuse sane axtɨ yɨkatɨ tanu o chiyɨkapɨtɨ yasaraño, ixhanka atusi iñemo ta namanaiña axaño chepe naka nausɨboriki chepetyo napakionko au nanaiña, apiñata nuxia nauki aburaboi axɨmanio omixhia manityakax,

Filipenses 3:16

Sane naukiche, uisamunena nosɨboriki besɨro isiuki axɨna tiyebo osoi.

1 Tesalonicenses 5:13

Apakumananau akuasɨrɨmaintyo aume, taikiana uxia aboi aumeampatoe.

2 Tesalonicenses 2:1

Axtɨ tɨkuatati tato yɨriabux Jesucristo, uiyoberabaka oñɨ chepeti. Sane naukiche, apasamu nuxia suiñemo masarukityaiki,

1 Timoteo 5:21

Tyone nixhakɨpuku aemo sukarɨti Tupax, sukarɨtityo Jesucristo, sukarɨmaintyo axɨbama ángeles samamekanama uiti Tupax tapɨ anati naki taruku nikuasɨrɨkɨxti aemo pɨnanaki makiataka.

2 Timoteo 4:1

Sukarɨti Tupax sukarɨtityo Yɨriabux Jesucristo, naki kuatati ñana aɨbu taruku nanentakaxti takanati yarusɨrɨx Yɨriabux, nauki asaraiti ɨmoma axɨbama sɨborikomainki takanaintyo axɨbama tɨkoiñoma, asamu nuxia iñemo

1 Pedro 2:11

Masarukityaiki, apasamu nuxia iñemo, takana axɨbama auki kiatax kɨx ikɨnomakɨ ikuki axɨna kɨx, tapɨ chebo aboi ñome axɨba chuxiampɨ nauxiantɨmo tyopiki oboi autapeneka au nomɨnantɨ.

1 Pedro 5:10

Axtɨ tautakisɨrɨka ñome mantukubatai naneneka, uiti Tupax ane maximiakatax aume, apiña nuxia narukux aume. Tyonenti Tupax ui yarusɨrɨx ñakumananaunkuxti ityasuruti oñɨ basuriu axɨmanu champɨ nityakɨru nanentakax esati chepeti Jesucristo.