Santiago 1:26 - Kaxinawá Bíblia (BR)

²⁶ Hakia tsuabũra Deus hiwea kẽwãkĩ xinãkĩ: “Deus ikũwaĩ ẽ hiweshũkũkainaii”, iwanã, xinãbiakĩ hawara atimapa xinãtxakakĩ yui sheti itibia nemai sheti itirumawẽ hatũ xinã pe mekeamawẽ taea ibubis parananãkĩ kanekĩ Deus benimawatirumaki, Jesus ikũwaĩ hamẽkinã.

Kashinawa : Diosun Jesúswen taexun yuba bena yiniki

²⁶ Jakia tsuabunda Dios jiwea kenwankin shinankin: “Dios ikunwain en jiwexunkunkainaii”, iwanan, shinanbiakin jawada atimapa shinanchakakin yui xeti itibia nemai xeti itidumawen jatun shinan pe mekeamawen taea ibubis padananankin kanekin Dios benimawatidumaki, Jesús ikunwain jamenkinan.

Santiago 1:26 교차 참조

Jó 30:11

Deusũ ẽ kushipa mebĩkĩ ea dakewaya tsuã hawa ea ana nĩkakatsi ikama eki ana meseabumaki.

Salmos 32:9

Ina cavalo inũ mulõ nĩkabumawẽ taeshũ hawẽ hashpa anu mane hãkishkũkĩ hawẽ bushkẽbaĩti dispi neshabukũtã hawẽ iyukĩ nĩkamabaĩkĩ hawẽ niti ati hayaki. Haska keska iyamawe. Mĩ ea nĩkamarã, ana haratu yusiã betsawẽ ẽ mia dapishũ merabewatirumaki.”

Salmos 34:13

Mã haskai hiwekatsis ikairã, matũ hãtxa txakabu nemakubaĩkãwẽ, hãtxakĩ txanitxakakĩ yuitaskamarã.

Provérbios 10:19

Tsuãra hawara tibikiri yui hãtxa txakayamakinã, kanekubaĩmisbuki. Hakia unanepaburã, mawaira hãtxaisbumaki.

Provérbios 10:31

Huni pepã kesha anua hãtxa unanepa tashnimiski. Hakia habũ txakabu yuikubaĩmisbu kupikĩ hatũ hana meshtea keska wakĩ hatu nesewashanikanikiki.

Provérbios 14:12

Hiwei pea dabanẽ merabenã bestikũkaini hãtxai hiwemisburã, bari hawẽ heneaitiã Deusũ hawẽ huĩti pema unãtã hatu kupishanikiki, mawa kayabimakinã.

Provérbios 15:2

Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Provérbios 16:10

Shanẽ ibuhairatũ yunukinã, ibubis shanẽ ibuama Deus hãtxashũkĩ hatu unãti wakĩ hatu kupikĩ hau kaneyamanũbũwẽ.

Provérbios 16:25

Haska hatũ hiwea bai pe dabanẽ txibãkubainaiburã, habũ hiwea hawẽ heneaitianã, hatu kupia mawa bestishãkanikiki.

Provérbios 19:1

Unaĩsmapa inũ txani besti yuibauni mapumisburã, ha nuitapaibu inũ ha huni pepabu hatukiri pe yuimisbũ habũ hatu binuaki.

Isaías 1:13

Matũ inãkuĩ ẽ ana betxipaiamaki. Ana hamẽ ea beshũyamakãwẽ. Habũ kuĩ inabainairã, ẽ ana shetekĩ tenetirumahairaki. Matubu ushe bena tashniai tibitiã inũ, huĩrukũti sábadotiã matunabu itxawatã keĩ benimai mã besimiski. Hakia mã hiwe txakamiswẽ taea ha besi mã imis betxipaiama ẽ danãhairaii.

Isaías 44:20

Txanimahaira txi mapu pia keska wamisbuki, hatũ shinã txakabũ hatu parãhaira pepa haska henetã txibainã. Ha huniburã hatũ txakabuwẽ taea haskatã pashatirumahairaki. Hawara hunĩ dami watã hawẽ mekẽnẽ tsumatã hawẽ shinã pemawẽ taea hawa shinã pewama ha dami hatu uĩmairã, ha huni txanitxaka bestikanikiki.

Malaquias 3:14

Eska shinaĩ mã hãtxanamemisbuki: ‘Deus duawai nũ dayashũbiakũkainai nũ hamẽki, hawamarã. Haska nuku yunumis akubaini nukũ txakabuwẽ dakekĩ tari besha sawea Senhor Deus kushipahaira dasibi binu keyua bebũ nũ hiwekũkainairã, hawa nuku manakukĩ inã nũ bishanai?

Mateus 15:9

Ha inũ, itxatã hawa ea kẽwãkĩ pewaisbumaki. Hakia hunibũ yunuawẽ besti hatu yusĩkubaĩmisbuki’, aka hawẽ hãtxa yuishunika Isaíasĩ nĩkatã nuku keneshuniki— hatu atã

Lucas 8:18

Haskawẽ taeshunã, nĩka peirawakãwẽ. Hakia tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra ea txibã kayabismabia: “Ẽ ikũwaiĩ”, ikĩ haska besti xinãmis ha eskarabes ẽ hatu mebĩshanaii, hakimawakinã— hatu wai

1 Coríntios 15:15

Ha inũ, Deusũ Cristõ yura bestẽwani nũ hawẽ kuxipayabũ matu yusĩkĩ mawabu hatũ yura ana besteãbuma ibiashanaya hamẽ matuki txani nukũ hãtxawẽ matu paraĩ nũ txanitxaka bestikũkaĩkeanaii, Deus haska yubakabianikẽ nukũmebi hawẽ hãtxa betsa wakĩ Deus danãmairã.

1 Coríntios 3:18

Betsa betsapabu mã unãnepakatsis ikaii. Hakia haska unãnepabũ ibubis xinãkĩ kanemis Deusũ abuismaki. Mã ibubis keĩ unãnepaiburã, matũ xinã danãtã ana kẽkĩ haska xinãma txĩtũtã haska Deusũ abuai keskai unãnepa kayabikubaĩkãwẽ.

Gálatas 2:6

Jesusũ tsumabu unãnepabu habu hatu nĩkamisbu shanẽ ibubiabũ habũ hawa hãtxa bena betsa ea yuiama inibuki. Hakia txanima bemakis nũ hatu uĩkĩ xinãkĩ kẽwãbiamiskẽ haska Deusũ bemakisa xinãkĩ unãti waismaki. Haska katukinã, hatũ huĩti uke merã uĩmiswẽ taea haskawẽ ẽ nuiamaki.

Gálatas 2:9

Haskawẽ taeshũ ẽ hawa pepamabiakẽ ewẽ nuikĩ Jesusũ ea katushũ ea yununi ẽ hatuki txanikĩ meshtãma nĩkatã habu dukũ Jesusũ hatu katuni binuabu Tiago inũ, Pedro inũ, Joãonẽ ẽ haskamis txanima unãtã ea haibuwakĩ nuku danãma ea inũ Barnabébe ea habe metaka anibuki. Nuku haska wakĩ haibuwabu ea Barnabébe pashkakaĩ judeubuma anu nũ yusĩ kaya hanua haburi hawenabu judeuburi hatu yusĩnũbũ hatube yubakatã nũ ana dayai kaniki.

Gálatas 3:4

Hamẽ Deusũ kuxipa mã binimẽ? Mã haskayarã, ẽ harakiri xinãtimaki.

Gálatas 6:3

Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.

Efésios 4:29

Haska inũ, ana hãtxa txakabu yuiama hãtxa pepawẽ besti hãtxakĩ matunabu ana kuxipa wakĩ ikũhairawamakĩ merabewakĩ hatu benimawakubaĩkãwẽ, habũ matu nĩkaiburã.

Efésios 5:4

Ha dikabi nukũ keshawẽ hãtxairã, ana dakewati hãtxa txakabu yuiama inũ, hãtxa hamapawẽ yuiama inũ, hãtxa tsua merabewatimawẽ ana hãtxama haska tibiwẽ hãtxa ana kaĩmama matũ keshawenã, Deus besti kẽwãkubaĩkãwẽ.

Colosenses 4:6

Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.

Santiago 1:19

Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.

Santiago 2:20

Haskakẽ Deus ikũwaĩnã, ana unaĩsmapayamakãwẽ. Cristowẽ Deus mã hamẽ ikũwã bestiairã, hamẽki. Haskakẽ mã kanemis hamẽwãma unãtã ana hamẽama ikũ kayabi wakĩ Cristowẽ Deus dayashũkubaĩkãwẽ.

1 Pedro 3:10

Haskakiri shanẽ ibu Davĩ hatu yuikĩ: “Tsuabura na mai anu bari itxapa unãnuma hiweyukatsi ikinã, hatũ keshawẽ hãtxa txakabukĩ txani yuikatsi ikamarã, hatũ hana hau mekekubainũbũwẽ.