Santiago 1:19 - Kaxinawá Bíblia (BR)

¹⁹ Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.

Kashinawa : Diosun Jesúswen taexun yuba bena yiniki

¹⁹ En betsabu inun en puibuun, en matuwen nuiaikididan, eskaki, shinaindakanwen. Jawada Diosun matu dasibi yusinkatsis ikai menan jawaida ninka peidawakubainkanwen. Jakia jawada yuii man janchakatsis ikai unanxubida jatu yuikanwen, jawa jatuki sinatamadan.

Santiago 1:19 교차 참조

Provérbios 10:19

Tsuãra hawara tibikiri yui hãtxa txakayamakinã, kanekubaĩmisbuki. Hakia unanepaburã, mawaira hãtxaisbumaki.

Provérbios 13:3

Tsuãra hawẽ hãtxa mekemis ibubis meketirubuki. Hakia tsuãra hamapai yui hãtxawãmisrã, hamẽ hawena besti benushanikiki.

Provérbios 14:17

Tsuabura shinãma hawaira sinatakĩ txakabuwakubaĩmisbuki. Hakia tsuabũra bebũkiri pe shinãtã hawaira sinataisbumaki.

Provérbios 14:29

Tsuara hawa hĩ hĩ ikama unãshubira hãtxakĩ hawẽ unanepa hatu uĩmakubaĩmisbuki. Hakia tsuara hĩ hĩ iki hawaira hãtxakĩ hawẽ patapa hatu uĩmakubaĩmisbuki.

Provérbios 15:18

Hawaira sinatai hãtxakĩ hatu pubẽmamisbuki. Hakia tsuabũra pe shinaĩ hawaira sinatama hawẽ hãtxa pewẽ hatu nemamisbuki.

Provérbios 15:2

Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Provérbios 16:32

Hĩ hĩ ikama hamapai tenetã manamistunã, mẽtsisipabu hatu binuhairaki. Hawara txakabu binukĩ tsuãra matũ yura mã mekemisrã, habũ maewã atxikĩ hatu maemamisbu mã hatu binuaki.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Provérbios 17:27

Unanepaburã, haskaira hãtxa yui hãtxa txakayamaisbumaki. Ha inũ, hawaira tapĩmisbunã, hawara uĩkĩ nĩkabiatã pes shũ uĩ bestimisbuki.

Provérbios 18:13

Hatu hãtxa wakĩ hawẽ hãtxa hatu yui keyuriamabiakẽ bebũkiri unaĩsmapatũ hawaira hatu kemakĩ hatu dakewamisbuki.

Provérbios 18:21

Mĩ hãtxawenã, mĩ hiweshanai inũ mĩ mawashanai haratura yui mĩ hãtxaii. Haska txakabu yui mĩ hãtxa txakayamamisrã, habiaskari mei mĩ bika tenepakeshanaii.

Provérbios 19:11

Bebũkiri shinã pewakubaĩmistũ sinatai taebiatã hawaira ibubis daemisbuki. Hakiri hãtxai pemisbuwẽ taea haki ha ibiabu ana shinãma ibubis hatu hakimawai pe bestikũkaĩmiski.

Provérbios 19:19

Tsuara sinatahairakũkaĩkĩ hawẽ kupiti bishanikiki. Hamẽ haskama hau kupiyamanũbũ tsuara hawẽ nuikĩ mĩ hatu nemashũbia ana sinata pikuhairashanikiki.

Provérbios 21:23

Tsuara hari shinaĩ hãtxakatsi bebũkiri shinã pewatã hawẽ hãtxa pe kaĩmamisrã, hamapai txakabuwaismawẽ taea hakiri shinã txakatirubumaki.

Números 22:27

ana uĩ datei hawẽ jumenta di ikĩ Balaão tĩ aka benitã haki sinatakĩ hawẽ jumenta hiwẽ makush makush akaya

Mateus 5:22

Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

Marcos 12:37

Hakia: “Messias ẽ shanẽ ibuki”, Davĩ abianikẽ haskatã hawẽ shanẽ ibu hanubi hawẽ baba itirumẽ? Ea yuikãwẽ— akĩ shanẽ ibubu xinãmaya yura mirimabũ Jesusũ hãtxa nĩkai benimai tse ikaibũ

Marcos 2:2

yura itxapabu hanu bei haki shukui ana hani maputima hemaĩtĩ anu ika kai bestuabu ana harakiri tukuama mapuabũ Deusũ hãtxa hiwe uke merãshũ Jesusũ hatu yusĩayã

Lucas 15:1

governo pei bishunika itxapabu inũ yura betsabu kaka txakamisbu itxapabũri Jesusũ hãtxa nĩkanũ ika haki shukuabu

Lucas 19:48

yura itxapabũ Jesusũ yusĩaĩ abukĩ nĩkahairaibuwẽ taeshũ haska washũ tenãtima bika tenenibukiaki.

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 10:33

hau mia itanũbũ hawaira ẽ hatu yunua buxĩshũ mia iweabu txanima nukuwẽ nuikĩ mĩ nuku pewabirãshuki. Haskawẽ taea natiã Deusũ nuku uĩayã hawẽ hãtxa nĩkanũ ika nũ ma itxaki. Hawara mĩ Deusũ mia yunua mĩ hatu yusĩmis nukũri nũ nĩkakatsis ikai nuku yusĩriwe— aka

Hechos 13:48

hanushũ hatu haska wai nĩkatã judeubumã nĩkai xinã txãkaĩ benimakĩ yuikĩ: —Deusũ kakape pehairaki— ikaibu dasibi habu Deusũ katushũ hiwekuĩa hatu inãshanai habuã Jesus ikũwãnibukiaki.

Hechos 17:11

Deusũ Messias Jesus mekenãkiri hatu yusĩabu Tessalônica anua judeubu keskama Beréia anu judeubu pepabũ nĩkakatsis ikĩ: “Paulõ hãtxa txanimẽkaĩ? Txanimamẽkaĩ?” ikĩ Deusũ hãtxa kenenibu anua shaba betsa tukama tibi itxashũ tapĩkatsis ikĩ abukĩ uĩkubainaibũ

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Efésios 4:26

Ha inũ, maturã, tsuara mã sinatamisrã, ana hawẽ txakabuyamakãwẽ. Tsukira sinatabiatã ana manai hatishuĩra bari txai tanama ushariama daenamekubaĩkãwẽ.

Efésios 4:31

Haska inũ, harakirira matu txakabuwabu has xinaĩ mã amua nimis, inũ mã pubẽhairamis inũ, mã sinatamis inũ, mã kũyã itxakayamamis inũ, sheti ikama mã ha imis inũ, hamapai txakabu betsa betsapa matũ hashpa anua kaĩmisrã, matubunã, puta keyurikãwẽ.

Colosenses 3:15

Hakia Cristõ unãnuma matu hiwemayarã, ha matũ huĩti uke merã shanẽ ibu wamakãwẽ. Matu haska wakatsi ikĩ Deusũ ma matu katunishũ habias yura matu wakatsis ikikiki. Dasibi ma hatũ matu ashuni xinãkĩ kẽwãkubaĩkãwẽ.

Colosenses 3:8

natiã ana haska meama menã hawaira dasibi hene keyurikãwẽ, mã eskamisrã, mã sinatamisrã, mã kemumisrã, mã txakabu wamisrã, mã sheti ikama kũyã imisrã, sherabiãma mã hãtxa txakabu yui shetxakamisrã,

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.

Santiago 1:16

Ẽ betsabu inũ ẽ puibuũ, ẽ matuwẽ nuiairã, hau ibubis mã parananãyamanũbũ matu shabakabi yuinũ nĩkakãwẽ.

Santiago 1:2

Ẽ betsabu inũ ẽ puibuũ, hawara bika betsa betsapa mã mekĩ tenebiai Deusũ benimati mã hayawẽ xinã txãkãkãwẽ.

Santiago 1:26

Hakia tsuabũra Deus hiwea kẽwãkĩ xinãkĩ: “Deus ikũwaĩ ẽ hiweshũkũkainaii”, iwanã, xinãbiakĩ hawara atimapa xinãtxakakĩ yui sheti itibia nemai sheti itirumawẽ hatũ xinã pe mekeamawẽ taea ibubis parananãkĩ kanekĩ Deus benimawatirumaki, Jesus ikũwaĩ hamẽkinã.

Santiago 2:1

Ẽ betsabu inũ ẽ puibuũ, betsarã, nukũ Shanẽ Ibu Jesus Cristo pepahaira mã ikũwaĩwẽ taeshũ yura tibiwẽ nuitxakai betsa katukĩ betsa danãyamakubaĩkãwẽ.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

Santiago 4:11

Ẽ betsabu inũ ẽ puibuũ, betsabũ ikũwaĩbu betsabukiri hawara txakabu nĩkatã yura betsabu yuibaũkĩ mã habu yuaiĩ, hatukiri haskatimabiakenã. Txanima Deusũ nuku yusĩkĩ: “Matũmebi mã nuimis keskakĩ yura betsa betsapa tibiwẽ nuikĩ hatu duawakubaĩkãwẽ”, iwanã, nuku yusĩniki. Haskakẽ tsuabũra ikũwaĩ betsabu txitekĩ Deusũ yusĩa txiteriakĩ haratura yusĩa mã abuamabia hawẽ besti hatu unãti wakĩ mã hatu txiteakeakeaii, matũ yunukĩ akawakinã. Hatu haska wai mã daki ana Deusũ yusĩa txibãkatsi ikama danaĩ mã haki meseamaki, hawẽ yunutikirã, Deusũ abiashanayarã.

Santiago 5:12

Ẽ betsabu inũ ẽ puibuũ, hawara hatu ashũkatsis ikĩ hawẽ hatu mestẽhaira wamanũ ishũ Deuskiri kasmai hamapai tibikiri hãtxai habukiri yubakayamakubaĩkãwẽ. Hakia: “Ẽ akaii”, itã kaneama akubaĩkãwẽ. Hamẽ: “Ẽ akamaki”, iki yuiriatã ariayamakubaĩkãwẽ, mã haskakĩ kaneismawẽ taeshũ hau Deusũ matu kupiyamashanunã.

Santiago 5:19

Ẽ betsabu inũ ẽ puibuũ, tsuara matũmebi txakabui bai pepa henetã mã ma benukenã, hau ikũwaĩ betsã mia merabewakĩ hau ana matu txĩtũwãkubainũbũwẽ.

1 João 2:21

Hanushũ mã hãtxa kayabi unãmawẽ taeama hakia hãtxa kayabi mã unaĩwẽ taeshũ ẽ matu keneshunaii. Cristo anua hãtxa txakabu tashniamaki. Hakia hãtxa kayabi besti hanua tashnikũkaĩmiski.