12 Senhor Deus kushipa dasibi binu keyuatuũ, tsuara miki txiti ikĩ mia ikũwainã, benimakanikiki.
Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.
Ibubis Senhor Deuski txiti ikĩ unãkãwẽ. Senhor Deusrã, merabenã pepahairaki. Tsuabũra haska wai haki txiti ika ha huni benimakũkaĩmiski.
Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.
Ha haskaitiã ea ẽ matũ Senhor Deus ẽ txasha ikibi ishanaiwẽ taea ana hawa bari txashai inũ ushe meshu merã txasha hayamabiakẽ mã manuama ishanaii.
