32 Haska wakĩ Deus ẽ uĩmaiwẽ taeshũ ha bika teneaibu benimashãkanikiki. Tsuãra Deus benakubainaibu hatũ huĩti merã ana shinã txãkãshãkanikiki.
Habu nuitapabiai keĩsbumã pikĩ yaniwai pepeshãkanikiki. Matubũ mã Senhor Deus benairã, haki nukutã mã kẽwãshanaii, bari itxapa hiwekũkaĩkinã.
Dasibi shanẽ ibu kushipabu hatũ hamapai mirima haya hawẽ hiwekanikiki. Hakia dasibibu mawai ana mai mishpushanaibuwẽ taeshũ dasibibũ dãti ishũ hau Senhor Deus besti kẽwãshanũbũwẽ, habu ibubis hiwea hayatirubumakirã.
Ẽ shanẽ ibu Senhor Deus shinaĩ ẽ keaiĩ. Huni keĩsbumaã, ebe benimakĩ ea nĩkakãwẽ.
Habiaskariai ikis mã punu nukaki. Hakia ẽ ana huaya mã benimahairaya matũ benima pae tsuã matu mebĩtirubumaki.
hanushũ nuku haska watã hawẽ mekẽ shui inũ hawẽ haxi shui nuku uĩmaya nukũ Shanẽ Ibu ana uiĩ nũ benimahairaya
