3 Mĩ yusiã kanei ẽ patapamis txanima ibubis ẽ ma unaiĩ. Haskatã ẽ shinã uke merã ẽ txakabu ibubis ẽ tere atirumaki.
Hakia haska tenekubaĩkĩ ẽ txakabu ana hunekatsi ikama shinã pewatã dasibi ẽ txakabu betsa ẽ miki txani keyuniki. Haska nĩkatã Senhor Deusuũ, mianã, mĩ ea bua keyushuniki.
Enabũ ea hawẽtsaĩs txakabu betsa betsapa wamisbu hati tanatã ẽ mia yui keyutirumaki. Ibubis ẽ txakabu betsa betsapatũ ea kebẽbauna haskatã ẽ ana pe uĩtirumaki. Ẽ txakabu mirimatunã, ẽ bu itxapa binuaki. Haskawẽ taea ẽ benima pae ẽ benua ẽ ana hayamaki.
Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.
