5 Ẽ shanẽ ibu Senhor Deusuũ, dami betsa betsapa hawẽrua itxapa mĩ anirã, nukuwẽ nuikĩ duawakĩ mĩ nuku ashũmiski. Tsuã mia binua mia keska betsa hayamaki! Mĩ pepakiri ẽ txanikauani hãtxatirubia haska washũ ẽ hati hatu yui keyutirumaki.
Hatunã, haska tsuã atirumahaira hatu haba imakĩ hawara sharabu itxapa Deusũ akubaĩmiski.
Ẽ haska hayatirumabiakẽ mĩ unanepa pehairawẽ mĩ ea “Habaa!” imakubainaii, nenumahaira ẽ hari shinãkĩ tapĩtirumawenã.
Hakia earã, Deus anu ẽ kemaii. Ẽ hakiri haskakainairã, harã, peki. Mĩ ẽ shanẽ ibu Senhor Deusuũ, mĩ ea mekekĩ arumiski. Mĩ dasibi ea haska washũmis mikiri ẽ txanikaũkatsis ikaii.
Ha dikabi mĩ merabewanika shanẽ ibubu dasibi eanu beshũ eki dãti itã ea ea akĩ: “Haskakenã, nukũ mai pakea hirabi anua kariwe, minabũ mia nĩkamisbu iyuirã”, ea wariabuma ẽ katirumaki— akĩ Faraó yuitã Moisĩ sinatahairai Faraónẽ hiwe anua kaĩkaĩkẽ
Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.
Eanã, ẽ matu unãhairaii. Haska matu wakatsi ẽ yubakanirã, haskawẽ taea ana txakabuwẽ matu yubama dasibi hiwea pe matu inãtã hawẽ matu benimahairawakĩ ẽ matu hiwemakubaĩshanaii. Ea ẽ Senhor Deusũ ẽ hãtxa ẽ mestẽwaiĩ.
