10 Tsuara mabuwãyã hiwemisburã, benui keyuaya nuitapai ana hawa hayama buni teneshãkanikiki. Hamẽ tsuabũra Senhor Deus benakubaĩmisburã, hawa hawẽ hamapai tibi pepa benuama ikũkaĩshanikiki.
Ẽ Shanẽ Ibu Senhor Deusrã, ẽ mekenãki. Hatũ ea nĩkasama hamapai ea inãkubaĩmiski.
hatũ hiwea benui hau mawayamanũbũ inũ bunitiãbiakẽ hau debuama hiweyukubainũbunã.
Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.
Huni pepabu buniaibu Senhor Deusũ merabewakĩ hatu piti inãkĩ bunimamamiski. Hakia huni txakabubu hawara piti pepawẽ kemuaibu Senhor Deusũ hatu yaniwamaismaki, kupikinã.
Senhor Deuswẽ datekĩ hawẽ hãtxa nĩkakubaĩkĩ tsuãra hawẽ hiwea bai txibã pewai unanuma hiwekubaĩshãkanikiki, hawara txakabu ibiaya hawa dateamarã.
Senhor Deuski mesekĩ hawẽ hãtxa nĩkai hawa keĩsbuma pe hiweaibuwẽ taeshunã, Senhor Deusũ hatu manakukĩ mabuya wakĩ hawenabu hatu kẽwãmakĩ hatu pe hiwemakubaĩmiski.
