Salmos 19:8 - Kaxinawá Bíblia (BR)

⁸ Haska Senhor Deusũ yusĩkĩ yunumis inũ nemamisrã, pepa bestiki, hunibũ huĩti benimawairã. Hawẽ yunuti hãtxa hawa txakabumaki, yurabu hatũ beruwẽ shabakabi hatu uĩmairã.

Salmos 19:8 교차 참조

Salmos 40:8

Ẽ shanẽ ibu Deusuũ, eã mia benimawakinã, haska shinãkĩ mĩ betxipaiaiwẽ ẽ mia ashũkatsis ikaii. Mĩ hatu yusinirã, ẽ huĩti merã ẽ haya niaki!

Provérbios 2:6

Senhor Deusũ yusiã tsuãra pe tapĩkubaĩkinã, haska unanepatiru inũ haska betsa betsapakiri tapĩhairatiru Senhor Deusũ yusĩkĩ hatu inãshanikiki.

Provérbios 6:23

Txanima ha yunuti hãtxa inũ ha yusĩti hãtxarã, mĩ kai anu bĩ ewapa dekua txasha keskaki. Mĩ kaneai nemakĩ mia pewaibu inũ hawẽ shinãmati hãtxa mia yusiaĩbu txibaĩ hiwea kayabi mĩ hayashanaii.

Isaías 64:5

Tsuara benimakĩ haska mĩ betxipaiai keska akaibu mĩ hawa hatu danãma nĩkatã merabewamiski. Mĩ haska betxipaiai keska hakimama mia ashunũbũ mĩ haska hatukiri shinãkubaĩmiski. Ha dukũ nũ mia txakabuwakĩ taewani bari itxapatiã ha txakabuwẽ taea ha shinaĩ mĩ nukuki sinatakũkainaii.

Ezequiel 36:27

Matu merã ẽ yushĩ mistushũ ẽ yunuti hãtxa inũ, ẽ nemati hãtxa inũ, ẽ yusĩti hãtxa mã hawẽ hiwekĩ mã ea uinũbũ ẽ matu txibãmakubaĩshanaii.

Romanos 3:20

Deusũ hãtxa kenenibu tapĩmisshũ: “Eãnã, ẽ hawa kaneismaki”, ikĩ yui Deus unãti wamai pepatirubumaki. Hakia haska Deusũ hãtxa keneniburã, haska hawẽ nũ txakabuwakubaĩmis dasibibũ nũ hawẽ besti unãtirubuki.

Romanos 7:22

Ẽ xinã uke merãwenã, Deusũ yunua besti abukĩ ẽ akatsi ikũkainaii.

Romanos 7:7

Haskakẽ nũ xinãkĩ yuiairã: “Deusũ yunuti inũ hawẽ nemati hawẽ txakabukĩ danãmatimẽ?” Haskamaki. Haska Deusũ Moisés hawẽ yunuti inũ hawẽ nemati kenemabianikẽ hawẽ yusĩa ẽ nĩkaisma txakabu hakiri ẽ tapiãma ikeaniki. Hakia Deusũ nukũ shenipabu yusĩkĩ: “Hawara yura betsana xinaĩ hawẽ kemuyamakãwẽ”, ini ha ẽ tapiãma hawẽ kemuti txakabu ẽ unãma ikeaniki, kemu Deusũ nemabianikenã.

Gálatas 2:19

Haskakẽ Moisés keneni txibãhairabiai earã, hawẽ taearã, ẽ mawa keska iniki. Haskawẽ taea Jesus Cristo mawaya ẽ habe cruzki dununi keskawẽ taea hatishũra ẽ hiweawẽ Deus duawai ẽ hiweshũyuaii.

Gálatas 3:21

Ha dukũ Abraão Deusũ yubani inũ ana ha katxu Moisés yusĩmanirã, haska ha dukũ Abraão yuini Deusũ betsa wakĩ nematirumẽ? Haskamaki. Deus daewakĩ hawẽ nemati inũ hawẽ yunuti hãtxa pe txibãkubaĩkĩ tsuabũra hiwekuĩa bikeãkanaii.