Romanos 8:7 - Kaxinawá Bíblia (BR)

⁷ Ha inũ, tsuabũra Deus xinãma hawara hatũmebi hatũ xinãnẽs akatsis ikaibu haska txibãmisbu Deusũ hatu xinãma inũ Deuskiri xinãbumariki, haki petxiaburã. Habunã, Deusũ yusĩa txibãma inũ hawẽ yunua ashũtirubumariki.

Kashinawa : Diosun Jesúswen taexun yuba bena yiniki

⁷ Ja inun, tsuabunda Dios shinanma jawada jatunmebi jatun shinanens akatsis ikaibu jaska chibanmisbu Diosun jatu shinanma inun Dioskidi shinanbumadiki, jaki pechiabudan. Jabunan, Diosun yusian chibanma inun jawen yunua axuntidubumadiki.

Romanos 8:7 교차 참조

Êxodo 20:5

Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

Mateus 12:34

Hakia maturã, mã paranã dunubuaibuki. Matũ huĩti txakabukẽ haska xinãkĩ kaĩmai hãtxakĩ hawara pepa yuiama txakabu besti mã yuikubaĩmiski.

Mateus 5:19

Hakia tsuabũra yusĩa betsa bikama maewashũ hawenabu hatu yusĩayã Deus hatuwẽ benimama ishanikiki. Hamẽ tsuabũra Deusũ hãtxa nĩka kayabitã hawenabu habias hãtxa betsa maewama yusĩaĩbu Deus hatuwẽ benimahairashanikiki.

Romanos 1:28

Habũ Deuskiri xinã txanima kayabi ana xinãkatsi ikama ikubainaibuwẽ taeshũ hatũ huĩtinĩ xinã txakaibu haska abui hiweaibu Deusũ habu ana nemamaki.

Romanos 1:30

Ha inũ, shetxakai hãtxa txakabumisburã, habũ Deus danãkĩ abuisbumarã, hawẽ nuibiabu benunũ ikĩ tsua nĩkaismarã, hamapai atirukiri keaĩburã, txakabu betsa betsapa benawairã, haskakĩ hatũ ibuã hãtxa danãkĩ nĩkaisbumariki.

Romanos 3:31

Haskakẽ tsuabũra Jesus ikũwãtã hawẽ yunuti inũ hawẽ nemati betsa wakĩ nũ maewamaki. Habiawẽ nũ matu yusĩkubainaii. Hakia ha kene hatu yusĩni unãkĩ haska Deusũ nuku pe hiwemakatsis ikai shabakabi nĩkakĩ nũ mestẽwaiĩ, hari Deusũ hãtxa haya betsa wamarã.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Romanos 7:22

Ẽ xinã uke merãwenã, Deusũ yunua besti abukĩ ẽ akatsi ikũkainaii.

Romanos 8:4

Haska Deusũ Moisés hawẽ hãtxa yununi nukubũ nũ hawa txibãkĩ menetiruma xinãkĩ Deusũ hawẽ bake hatũ hau meneyunũ yununiki. Nuku haska waniwẽ taeshũ ana haska yurabu txakabũ abuai hiwemis akama hakia haska Yushĩ Pepatũ nuku yunuai txibaĩ nũ hiwekũkaĩtiruki.

1 Coríntios 2:14

Haskawẽ taea habu Yushĩ Kayabi hayamarã, Deusũ Yushĩ Pepatũ Jesuskiri txaniai danãmisbuki, tatimakĩ hakiri xinãkatsi ikamarã. Haska inũ, haska Deusũ Yushĩ Pepatũ abuai hatũ xinã unãti wai nĩkatirubumariki.

1 Coríntios 9:21

Deusũ yusĩa danãma Jesus Cristõ yusĩa heneama txibãkubaĩkĩ judeubuma habũ Moisés yusĩa txibãbuma Jesus ikũwãmanũ ika hatube hiwea hatũ beya keska txibaĩ ẽ hatube hiweriamiski.

Colosenses 1:21

Maturã, uatiã hawa unãma matũ xinãnẽ matũ huĩtinĩ txakabu abukĩ akirã, txaihaira hiwea keskashũ Deus mã sinatamapaunibuki.

Colosenses 2:18

Haskakẽ tsuabura pepa kayabitikiri xinaĩ keĩsbuma inũ, tsuabũra nai tsumabu kẽwãmisbu inũ, haskamabia usha namai keskakĩ hawara tashnikiranai shabakabi uĩ hatũ xinã merã keĩ xinã txãkãmisbuki. Haskamisbũ hau habũ matu txitekĩ dakewayamanũbũ uĩrakubaĩshãkãwẽ.

2 Timóteo 3:4

Haska inũ, betsarã, yura pepabu tsuabura hatuki sinataibu hatũ hatu unãmamis inũ, hawara itiru bebũkiri xinãma hamapai amisbu inũ, hamebi kẽkĩ xinãkĩ: “Yura betsã atirumabiakẽ eã besti ẽ atiruki”, iwanã, xinaĩ inũ, hawẽ kemu pae bestiwẽ xinaĩ pe hiwenũ ika Deus benakĩ xinãma iriashãkanikiki.

Hebreus 8:10

Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.

Santiago 4:4

Haskati kemaĩ yurabũ mã ikũwãkĩ pewabumaã, haskai Deus haibu wabiatã matũmebi hawara Deusũ danaĩ mã akubainai? Haskakẽ tsuabũra hawara Deusũ abuama abukĩ Deus danaĩ ana habe haibunamekatsi ikabumaki, ana txĩtũtã haki sinatamairã.

2 Pedro 2:14

Ha parananãmisbunã, hatũ kemu paewenã, aĩbu tibi ha abuai kasmai ha itxakawa bestikatsis ikai hatu amisburã, haskawẽ taea hatũ txakabu itxapa mataki, hawa henetirubumarã. Hatũ kemu paewẽ ikũwaĩ huĩti babubu parãkĩ hatu txakabuwamamisbuki. Hatu haska wamamisbu hatũ kemu pae heneisbumarã, habis ha hunibu Deusũ unãtã hatu kupishanikiki.