Romanos 8:34 - Kaxinawá Bíblia (BR)

³⁴ Haska inũ, Jesus Cristo debutã haska bestiama ana hiwei bestẽkaĩ nai anu Deusũ yusiuri tsaunishũ Jesus Cristo habe shanẽ ibukĩ Deus nuku ea ashũbiaya tsua betsa kuxipatũ Cristõ nuku pewashuni nematirumaki.

Kashinawa : Diosun Jesúswen taexun yuba bena yiniki

³⁴ Jaska inun, Jesucristo debutan jaska bestiama ana jiwei bestenkain nai anu Diosun yusiudi tsaunixun Jesucristo jabe xanen ibukin Dios nuku ea axunbiaya tsua betsa kushipatun Criston nuku pewaxuni nematidumaki.

Romanos 8:34 교차 참조

Salmos 37:33

Senhor Deusũ hawenabu hatu pe mekeawẽ taea haska huni txakabubũ hatukiri shinã txakabiaibũ hatu nemashũmiski. Ha dikabi tsuabũra hatu metukĩ unãti wabiaibũ hawa txakabu habukiri hayama ishãkanikiki.

Isaías 50:8

Hatũ ea mekemistũ ea keshekẽ tsuara eki sinatai huayarã, hatũ unãti wakĩ pewanikatũ hau nuku pewanũ hanu bunãkãwẽ. Tsuãra ẽ txakabukiri ea txitekatsis ikirã, hushũ hau ea yui benũbũwẽ.

Isaías 53:12

Hawẽ tsuma pepa hawẽ hiwea hawa yaushiama mawashanaiwẽ taeshũ Deusũ duawakĩ hawẽ tsuma kushipa betsabube manakukĩ ha hawẽ tsuma duahairawashanikiki. Huni txakabu keska wakĩ txitebiaibũ yurabũ txakabu itxapa buashũkĩ habũ txakabuwamisbu hatu ea ashũshanaiwẽ taeshũ pepa bestiwẽ Deusũ manakushanikiki.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

João 14:19

Mawaira hatishuĩra yurabũ ea uĩyama ishãkanikiki. Hakia matunã, mã ana ea uĩyushanaii. Ha inũ, ẽ ana matu hiweshunaiwẽ taea maturi mã hiweriakũkaĩshanaii.

João 16:23

Habiatiãri ea uĩkĩ mã ea hawa yukama ishanaii. Hakia ẽ Epa Deus mã yuka ewẽ taeshũ matu merabewashanikiki.

Hechos 2:24

Hakia mawabiakẽ Jesus Deusũ ana bestẽwaĩmaki, mawamamistũ isĩ tenemakĩ baxitirubia hawẽ hiwea yabutiruma binumakinã.

Romanos 14:13

Haska inũ, tsuãra Cristo ikũwaĩkiri hatube ana yuãnanãyamakubaĩkãwẽ. Ha inũ, nũ hatu uĩmatxaka hau haska xinaĩ ana nukukiri hãtxa txakabu yuiyamanũbũ hamapai piti tibiwẽ habũ ikũwaĩ betsa hatu babu watiru inũ hamapai piti tibiwẽ hatu kanematiru ana meama henekubaĩkãwẽ.

Romanos 14:9

Haskawẽ taea Cristo mawatã ana bestenirã, txanima dasibitũ shanẽ ibunũ ika iniki, natiã nũ hiweabuna inũ habu mawabunarã.

Romanos 4:25

Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:27

Haska inũ, nũ Jesus ikũwaĩbu Deusũ nukũ huĩti unaĩkiki. Ha dikabi hawẽ Yushĩ Pepatũ unãkĩ Deus ea akĩ habias nũ xinaĩ dasi watã nuku yukashũkubaĩmiski.

Colosenses 3:1

Cristo mawa bestẽwãtã Deusũ hawẽ yusiuri tsaumanishũ habe shanẽ ibu waiwẽ taeshũ matũ xinã betsa watã mã ma ikũwaĩbu mã ma habe besteni keskawẽ taea hawara naiuria Cristowẽ Deusũ pepa benakubaĩkãwẽ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.

Hebreus 9:24

Hanua hanu Deuski nukuti tari hiwe hunibũ na mai anushũ anibu anu Jesus Cristo hikiama, hakia nai anu hanu Deuski nukuti kayabi anu hikinishũ Deus bebunua natiã nuku hãtxashũkĩ Jesus Cristõ nuku ea ashuĩkiki.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

Apocalipse 1:18

Ea ẽ hiwea ẽ mawani natiã ana ẽ bestẽni niti ikama ẽ hiwepakeaii. Ha inũ, hiwemati kuxipa inũ kupiti kuxiparã, ea besti ẽ hayaki. Hanu mawai ikibi ishanaibu anurã, eã besti ẽ yunutiruki.