Romanos 8:28 - Kaxinawá Bíblia (BR)

²⁸ Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

Kashinawa : Diosun Jesúswen taexun yuba bena yiniki

²⁸ Jaskaken matu yusinkubainun ninkakanwen. Jabu Diosun bechipaikin kenakin katuni jawen bake Jesús pepa keskai jau ixanunbun Diosun bebunkidi jatu shinanixun medabewakin jamapai chakabu jatu binumakubainmiski.

Romanos 8:28 교차 참조

Gênesis 50:20

Hakia matunã, txakabu shinãkĩ mã ea itxakawaniki. Haskawẽ taeshũ Deusũ ha txakabu mae wakĩ matu pepawashuniki, natiã mã uiainã. Hati yurabu ewẽ taea mawama hiwekanimẽkainã.

2 Samuel 16:12

Haska ikis ea bika tenemaibũ Senhor Deusũ uĩkĩ ekiri pe shinãkĩ ea ana duawakubaĩshanimẽkaĩ, na yuputi hãtxa txakabu ẽ nĩkai keskamarã— hatu wabaini

Neemias 1:5

yuikĩ: “Nai anua Senhor Deusuũ, mĩ mekenika Deus kushipa meseki. Tsuabũra mia betxipaikĩ mĩ yunuti hãtxa inũ mĩ nemati hãtxa txibãkĩ akubainaibuwẽ nuikĩ haska mĩ hatube yubakani heneama shinãkĩ mĩ akubainaii.

Êxodo 20:6

Hakia hatũ ea betxipaikĩ ẽ yunuti hãtxa nĩkatã txibãpakeshanaiburã, habu inũ hatũ bakebu paibu hatu beshteama hatuwẽ nuikĩ ẽ hatu duahaira wanũbariaii.

Marcos 12:30

Haskakẽ nukũ Shanẽ Ibu Deus duahairawakĩ abukĩ hawẽ nuikĩ matũ huĩti inũ, matũ yushĩ dasibiwẽ inũ, matũ xinã dasibiwẽ inũ, dasibi matũ kuxipawẽ heneama akubaĩkãwẽ.” Mĩ haska tibiwẽ xinãkĩ akairã, ha yunua betsa dasibi binuhairaki.

Hechos 13:48

hanushũ hatu haska wai nĩkatã judeubumã nĩkai xinã txãkaĩ benimakĩ yuikĩ: —Deusũ kakape pehairaki— ikaibu dasibi habu Deusũ katushũ hiwekuĩa hatu inãshanai habuã Jesus ikũwãnibukiaki.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

1 Coríntios 1:2

Deusũ katua Corinto mae ewapanu mã hiweabu Jesus Cristo matu mawashũkĩ meribi wakĩ matu pepawaniwẽ taeshũ Deusũ haturi katua nukũ Shanẽ Ibu Jesus Cristo habũ txibãmisbu dasibibubetã mã ikũwaĩbu itxamisbu tibi anu ẽ matu kene bumai uĩbaũshãkãwẽ.

1 Coríntios 1:24

Haskakẽ na kakape Messias Cristokiri betsabũ danãbiaibũ nũ judeubu inũ nũ judeubuma Deusũ nuku katuniwẽ taeshũ Deusũ hawẽ kuxipa Cristo yunukĩ habia keskari wakĩ dasibi unãhairamani ha besti xinãkĩ nũ ikũwaiĩ.

1 Coríntios 1:9

Ha inũ, Deusũ bake nukũ Shanẽ Ibu Jesus Cristobe mã hiwekubaĩshanũbũ Deusũ matu katunitũ duawakĩ hawa matu hakimakĩ henebainama ishanikiki, haska yubakani amis betsa wakĩ kaneismawẽ taearã.

1 Coríntios 2:9

Haskakiri Deusũ hãtxa yuishunika Isaíasĩ Deusunabu keneshũkĩ: “Hawara tsuã uĩsma inũ, hawara tsuã nĩkaisma inũ, hawara tsuã xinãtiruma bebũkiri habu Deusũ abukĩ ma hatu pewashuniki”, aniki.

2 Coríntios 5:1

Haska inũ, na mai anu nukũ yurawẽ nũ hiwea peã shubuwẽ nũ hiweyua keskabukiaki, hatiara hawaira nũ debushanairã. Hakia nai anu nukũ hiwe nũ hanu hiwei kashanairã, Deusũ ma nuku akibi ashuniki, yurabũ hiwe wamis keskamarã.

Gálatas 1:15

Hamẽ judeubumari hau Deusũ hatu kupiyamashanũ nukũ mekenã Messiaskiri eã ẽ hatu yusĩkubaũshanũ ẽ kaĩriamabiakẽ bebũkiri Deusũ ea katuniki. Hanua hawẽ pepawẽ ewẽ nuikĩ ma ẽ huni ewa ea unãmakĩ ana shabakabi ea katushũ hawẽ bakẽ daya ẽ ashũkubaĩshanũ ea kenashũ hawẽ bake ea unãmaniki. Hanushũ hawẽ merabewati hãtxa hau tsuãra ea yusĩnũ yura betsa ẽ hawa yukama iniki.

Gálatas 1:6

Cristo nuikipa pepawẽ taeshũ Deusũ matu katukĩ unãmabianiwẽ taea kanekĩ hawaira henei yusĩa betsaki maekĩ mã harakiri ea xinãtima kayawai e ikĩ ẽ nĩkaii.

Gálatas 5:8

Habũ matu paraĩbũ hatũ yusĩanã, Deusunamaki. Deusũ matu katunitũ haska hãtxa matu yusĩsmaki.

Efésios 3:11

Hanushũ mai damiwariama Deus ikibi ini yubakani anũbariai akinã, nukũ Shanẽ Ibu Jesus Cristowẽ nuku ashuniki.

Efésios 4:1

Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.

Deuteronômio 6:5

Haskakẽ matũ mekenika Senhor Deus betxipaikĩ matũ huĩti dasibiwẽ inũ matũ hiwea dasibiwẽ inũ matũ kushipa dasibiwẽ duawakubaĩshãkãwẽ, heneamarã.

Filipenses 3:14

Haska Jesus Cristowẽ nuku Deusũ yubani haska nai anua haki nukukĩ haria bishanũ ika nĩkamas Jesus ẽ dayashũkũkainaii.

1 Tesalonicenses 5:9

Txanima nukuwẽ taea Jesus Cristo nuku mawashuniwẽ taeshũ Deusũ nuku hawẽ kupikatsi ikama nũ hiweabu inũ nũ mawabu nukũ Shanẽ Ibu Jesus Cristowẽ nuku meketã nuku habe hiwemashanai nũ unaiĩ.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

Hebreus 9:15

Tsuabura Deusũ hatu katunibu habũ hiwekuĩa ikibi ika bishanaibu Deusũ hatu yubani haska Jesus Cristõ pewanũ ika dasibibu mawashũtã unuri Deuski inũ yurabuki hãtxashunikai dasitã, haskatã Deusũ yuba bena pewakĩ hawẽ taeshũ nukũ txakabu nuku buashuniki, ha dukũ yubani hãtxa txibãma nũ kanei nũ txakabukubaĩmisbu nuku pewairã.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

1 João 4:10

Nuku abuai haska uĩmakinã, nukũ dukũ nũ Deus abuama iniki. Hakia nukuwẽ nuikĩ nuku abukinã, hawẽ bake yununiki, hau ha mawakĩ daewaiwẽ nukũ txakabu buatã ana xinãyamakubaĩshanunã.

1 João 4:19

Deusũ dukũ nuku abukĩ taewanikẽ hawẽ taea nukuri nũ hatube abunametiruki.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.