Romanos 8:10 - Kaxinawá Bíblia (BR)

¹⁰ Hakia Cristo matube dasikenã, Yushĩ Pepa matube hiweaki. Txakabũ benukĩ nuku tenãtirubiakẽ ha Cristowẽ Deus nukuwẽ nuikĩ nuku pewaniki, hawenawakinã.

Kashinawa : Diosun Jesúswen taexun yuba bena yiniki

¹⁰ Jakia Cristo matube dasikenan, Yushin Pepa matube jiweaki. Chakabun benukin nuku tenantidubiaken ja juni Dios nukuwen nuikin nuku pewaniki, jawenawakinan.

Romanos 8:10 교차 참조

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

João 15:5

Earã, ẽ mibã tashu keskaki. Maturã, mã hawẽ mebi keskabuki. Ebe haibunamekĩ bimi itxapaya keskakĩ mã Deus benimawatiruki. Eauma mã hawayatirumahairaki.

João 17:23

Mia inũ ea nũ dasinikẽ habuberi ẽ dasiaya habu yura bestitxai keska hau ishanũbũ ẽ mia hatu yukashunaii. Haskaibu mai hirabi anuabũ hatu uĩkĩ mĩ ea yununi inũ haska wakĩ mĩ ea abumis haburi mĩ aburiairã, habũ unãtirubuki— iwanã,

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

João 6:54

Hakia tsuabũra ẽ nami pikĩ ẽ himi aki hiwekuĩshãkanikiki, ikibi ikirã. Ha inũ, hawẽ henea shabatiã ẽ hatu bestẽwãkĩ tashnimashanaii.

João 6:56

Tsuabũra ẽ nami pi inũ ẽ himi akirã, ebe hiweaibũ eari hatube dasitã ẽ hiwekũkaĩshanaii.

Romanos 5:12

Mai anua ha huni bestitxai ha dukũ Deusũ damiwashũ nemabiabaina nĩkama txakabu hikimakĩ tateskĩ taewakẽ hawẽ taea hau mawashanũ Adão anibuai Deusũ kupikĩ nemama inikiaki. Haska wanikẽ yurabu dasibi Adão keskariai Deus nĩkama kanemisbuwẽ taea anibui inũ yushabui mawariakubaĩmisbuki, Adão ini txibaĩnã.

Romanos 5:21

Txakabu hikinishũ ha shanẽ ibukĩ yurabu tenãkubaĩmiski. Haska keskariai Deus shanẽ ibukinã, hawẽ nuikipawẽ hawẽ bake Jesus Cristowẽ taeshũ hawenabu nuku wakĩ: “Ha enaburã, pepabuki”, ikĩ nuku hiwekuĩmaikiki.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

2 Coríntios 13:5

Haskakẽ matu anu ẽ ana kariamakẽ Jesus Cristo matuki dasia mã haska ikũwãkĩ pewaimẽkaĩ. Matũmebi uĩkĩ matũ xinã uke merã unãkãwẽ. Betsabũ mã ikũwaĩmẽkaĩ. Betsabũ mã daki ikũwãbumaki. Matũmebi ibubis unãtinãkãwẽ, haska mã kaneamamẽkainã.

2 Coríntios 4:11

Natiã nukuri hiweyushũ Jesus nũ txibaĩwẽ taeshũ nuku tenãkatsis ibiaibũ Jesus ini keska hiweriakĩ nukũ yurawẽ nũ haskashunai dasibibu nũ hatu uĩmakubainaii.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Efésios 3:17

Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.

Filipenses 1:23

Eã ibubis haska dabe ẽ katuarã, bikahairaki. Ẽ xinãnã, mawatã ẽ Cristobe ma hiwei kai pehairaki, enarã.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 Tesalonicenses 4:16

Hakia Deus nai anua sai ikĩ hawẽ nai tsuma shanẽ ibu yunua hatũ dasibibu itxawaya Deusũ trombeta hawẽ nai tsumã txã txã akaya nai anua nukũ mekenã Cristo butui shaba putxinĩ nikẽ Cristo ikũwaĩ mawanibu habu dukũ Deusũ ana bestẽwãtã

Hebreus 12:23

Habu dukũtũ Deus ikũwaĩ hawẽ bake ikubainibu ma hatũ kena nai anu hatu keneshũ netãni ha yurabu Deus hiweshuni pemisbu hatũ yushĩ Deus dasibi pewanikatũ ma hatu hawa txakabuma wayama Deus dapi ma haki kemani mapuabu nũ xinaiĩ.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.

Apocalipse 14:13

Hanushũ nai anushũ hui betsa tashnikĩ ea yunukĩ: “Na hãtxa keneriwe. Na habia unuri pakea nukũ Shanẽ Ibuki dasitã mawakubaĩshanaiburã, Deusũ hatu benimahairawashanikiki”, ikaya hanushũ Yushĩ Pepatũri ea yuikĩ: “Habiaskaki. Haburã, hatũ daya henetã huĩrukũ bestishãkanikiki. Ha inũ, hamapai xarabu Jesus Cristo ashũkubaĩmisbuwẽ Deusũ hatu manaku bestishanikiki”, ea wai nĩkakĩ haskashanaibu ẽ uĩshuki.