Romanos 7:14 - Kaxinawá Bíblia (BR)

¹⁴ Deus anua yunuti yusĩa pepa Moisés hatu yusĩbianikẽ Cristõ kuxipa xinãma babukĩ Deusũ hãtxa ẽ txibãmaki. Ẽ haskaya txakabũ ea atxikĩ tsumashũ ea yabumiski.

Kashinawa : Diosun Jesúswen taexun yuba bena yiniki

¹⁴ Dios anua yunuti yusian pepa Moisin jatu yusinbianiken Criston kushipa shinanma babukin Diosun jancha en chibanmaki. En jaskaya chakabun ea achikin tsumaxun ea yabumiski.

Romanos 7:14 교차 참조

Gênesis 37:36

Habiatiãri Midiã nawabu, habias Ismael nawaburã, José iyui Egito anu hikishĩshũ peiwẽ taeshũ habũri pei bikatsi José Potifar inãnibukiaki, hau hawẽ tsuma wakĩ escravo wanunã. Egito nawa shanẽ ibuhaira Faraónẽ hiwe ewapa hawẽrua anua detenamenikabu shuku betsa mekemis Potifar hatũ shanẽ ibu inikiaki.

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

1 Reis 21:25

Acabe haskanikiri matu yuinũ ea nĩkakãwẽ. Acabe shanẽ ibukĩ shanẽ ibu tibi haska iriabuma hawẽ aĩ Jezabelĩ shinã txibãkĩ Senhor Deus sinatamakĩ txakabuwakubainikiaki.

Jó 42:6

Haskawẽ taeshũ hawara mikiri ẽ yuishina ana shinãma ẽ yamawakatsis ikaii, hau mĩ ekiri haska ana shinãyamanunã. Na habiatiã mai kuru inũ txi mapu anu tsaushũ mikiri ẽ ana shinã betsa wakĩ taewaii”, akaya

Salmos 51:6

Txanima huĩti pepa kayatapia hayabu mĩ hatu betxipaiaii. Mĩ unanepa uke meranua mĩ ea inãmiski, shabakabi ea tapĩmakinã.

Isaías 50:1

Senhor Deusũ hatu yuikubaĩkĩ: “Huni betsa hawẽ hawara biãkĩ ẽ diriamawẽ taeshũ pakakĩ hau matu hawẽ tsuma wakĩ escravo wanũ ẽ matu yunuama iniki. Ha inũ, huni betsã hawẽ aĩ ana betxipaiama danãkĩ henemis keska wakĩ Israel matũ ibubu ẽ hawa hatu danãkĩ nitxiãmabia hakia ibubis txakabukĩ ẽ hãtxa nĩkaisbumawẽ taeshũ matũ ibubu Israelbu danãkĩ ẽ hatu yununiki, hau nawabũ hatu tsuma wayunũbunã.

Isaías 52:3

ana Senhor Deusũ hatu yuikĩ: “Matu escravo tsuma wakubaĩkĩ hawa pei hesheishta matuwẽ taeshũ ẽ biama iniki. Hanua natiã eã matu pekakinã, haburi ẽ hawa pei hesheishta ẽ hatu inãmari inãshanaii.

Isaías 6:5

eã shinãkĩ: “Earã, ẽ peirawa! Ẽ ma mawaii! Ibubis ẽ beruwẽ ẽ Shanẽ Ibuhaira Senhor Deus kushipahaira dasibi binua ẽ uĩshuki, ẽ huni hawa pepama ẽ keshawẽ txakabu ẽ yuimis inũ ha huni txakabubube ẽ hatube hiwearã.”

Amós 2:6

hanushũ Senhor Deusũ hawenabu Israelkiriri yuikĩ: “Israelĩ enabu nortekiri hiweabũ txakabu betsa betsapa akubainaibuwẽ taeshũ hatu kupikĩ ẽ heneama iriashanaii, habũ hatu eska wakubainaibuwẽ taeshunã. Israelbũ hawenabu pe hiwebiabũ peiwẽ taeshũ hatu inãkĩ nuitapawamisbuki. Ha inũ, betsa nuitapai hiwebiakẽ hatuwẽ taeshũ hatũ bitxi tae bimisbuki, dayaru escravo hau hatu iyutanũbunã.

Mateus 16:23

Jesus hawẽ tsumabukiri nasauketã uĩkĩ Pedro nemakĩ yuikĩ: —Satanásã xinãwẽ mĩ ea teawakatsis ikai ana hari haskayamawe. Hawara Deusũ uĩaĩ keska mĩ uĩyamaki, eska xinãkinã, haska yurabũ uĩmis keskawẽ mĩ ea nemairã— abaĩ

Mateus 18:25

ha hawẽ tsumapã devehaira hawawẽ pakatirumakẽ ha shanẽ ibũ hawẽ tsuma betsabu yunukĩ: “Na ea devehaira hawawẽ ea pakatimaki. Haskakẽ hawara ea devea hau hawẽ ea pakakĩ keyunũ hawẽ hawara inũ, na huni inũ, hawẽ aĩ inũ, hawẽ bakebu hatuwẽ pei bikatsi hatu inãkãwẽ, hau huni betsa dayashunũbunã”, akaya

Mateus 5:22

Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

Mateus 5:28

Hawẽ hãtxa ikũki. Ana habiasri matu yusĩnũ nĩkakãwẽ. Tsuãra aĩbu kawanai uĩ hawẽ kemukĩ txutakatsis ikĩ xinaĩnã, ma txuta keskaki.

Lucas 5:8

baka mirima neshekãshuwẽ taea Simão Pedro inũ habe dayamisbu inũ Zebedeũ bakebu hawẽ haibu betsabu Tiago inũ João e e iki dateaibũ Simão dãti itã Jesus yuikĩ: —Yusĩnaã, ẽ huni txakabuki. Ea anua butukaini ea henebaini kariwe— abia Jesusũ yuikĩ: —Eki dateyamawe. Na ikis mĩ baka nesheshu keska wakĩ yurabu mĩ ea hatu itxawashũshanaii— aka

Lucas 7:6

hatũ hãtxa nĩkatã hatube kai ma hawẽ hiweki kemai kaya hau yuishunũbũ soldado capitãonẽ hawẽ haibuaiburi yunua Jesus huaiki nukushũ capitão yuishũkĩ: —Shanẽ Ibuũ, ẽ haibu capitãonẽ hãtxa ẽ mia yuiai nĩkawe. Ewẽ dabanã ẽ hiwe anu huyamawe.

Romanos 3:9

Haskakẽkaĩ nukubu judeubunã, Deus benimawakĩ habu judeubuma nũ binuamẽ? Nũ haskamahairaki. Txakabuwakĩ nũ judeubu inũ matu judeubumã nũ hamapai kemu paewẽ txakabukĩ nuku dasibibũ hatu uĩmatxakakĩ nũ kanemisbuki, txakabũ nuku tsumawẽ taerã.

Romanos 6:6

Ha dukũ nũ hawẽ hiwetxakani sheni Cristobe cruzki netãtã nũ habe mawani keskaki. Nũ haskaya nukũ xinã sheni Deusũ nuku betsa wamakẽ txakabũ nuku beshetã hawẽ tsumawakĩ ana nuku yunutirumaki.

Romanos 7:18

Ha inũ, Yushĩ Pepatũ kuxipa xinãma hawara pe ẽ akatsis ikai emebi ẽ xinã kuxipawẽ taeshũ ẽ akairã, babuki. Haska ẽ yuiairã, eskaki. Hawara pepa anũ ishũ emebi ẽ xinãnẽ ẽ ha abuai ẽ atirumaki.

Gálatas 4:3

Haskakẽ nukuri bake mixtĩbũ xinã keska nũ ewariama keska hunibũ yusĩawẽ inũ hatũ beyawẽ nuku mekenibuki.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

Deuteronômio 6:5

Haskakẽ matũ mekenika Senhor Deus betxipaikĩ matũ huĩti dasibiwẽ inũ matũ hiwea dasibiwẽ inũ matũ kushipa dasibiwẽ duawakubaĩshãkãwẽ, heneamarã.

Hebreus 4:12

Ha Deusũ hãtxa kaĩkinã, paepa hiwea keskatũ nukũ xinã pewakĩ huni hawẽ nupe kenu dabeyatũ huĩti uke merã txapashũ uĩa keska wakĩ nukũ xinã inũ nukũ yushĩ unãti wamiski.