Romanos 6:19 - Kaxinawá Bíblia (BR)

¹⁹ Ha inũ, dasibi mã tapĩ keyuriamakẽ matu shabakabi yusĩkĩ hãtxa bikamawẽ matu yusĩnũ nĩkakãwẽ. Hawara txakabu pepama Deusũ danãmis betsa betsapa anũ ika hawẽ kemui matũ yurawẽ txakabu irumai mã atimapakũkainiki. Hakia habiaskari wakĩ matũ yura Deus inãtã pepakĩ Deus dayashũkubaĩkãwẽ, hawẽruai pepakinã. Haska wakĩ matũ txakabu putai tari meribi pashkatã mã pe besti hiwekũkaĩshanaii, Deusunabuirã.

Kashinawa : Diosun Jesúswen taexun yuba bena yiniki

¹⁹ Ja inun, dasibi man tapin keyudiamaken matu xabakabi yusinkin jancha bikamawen matu yusinun ninkakanwen. Jawada chakabu pepama Diosun dananmis betsa betsapa anun ika jawen kemui matun yudawen chakabu idumai man atimapakunkainiki. Jakia jabiaskadi wakin matun yuda Dios inantan pepakin Dios dayaxunkubainkanwen, jawenduai pepakinan. Jaska wakin matun chakabu putai tadi medibi paxkatan man pe besti jiwekunkainxanaii, Diosunabuidan.

Romanos 6:19 교차 참조

Mateus 4:23

Hanua Galiléia anushũ yusĩkubaũkĩ mae tibi hatũ itxati hiwe anushũ kakape Deus shanẽ ibui ma kemaikiri hatu yusĩkĩ isĩ betsa betsapa teneaibu hatu shushawakĩ kayawakubainaya

Romanos 15:1

Ikũwaĩ betsabu huĩti babuaibu haska Deusũ nuku hatu merabewamakubaĩkatsi ikaikiri matu yuinũ nĩkakãwẽ. Cristo habũ ikũwaĩbu huĩti babuaibu hau kuxiparianũbũ nũ ma nuku dukũ haska hayai nũ huĩti kuxipamis haska xinãkĩ hatukiri petxiama hatuwẽ nuikĩ hatu hakimama hatu merabewakubainãkãwẽ, nukũ besti haska nũ xinaĩ keska nũ iyamanũbunã.

Romanos 3:5

Yura betsã xinã txakai hãtxatiru keska matu xinãmanũ nĩkakãwẽ. Yura betsã ea yukakĩ: “Nũ txakabu betsa betsapa wamiswẽ taeshũ Deusũ hawẽ yubakawẽ nukuwẽ nuibiai haskai Deus pepama ikaskĩ nuku kupimismẽ? Haskakenã Deusrã, txakaburaka”, ikaya

Romanos 6:13

Haska inũ, matũ yura ana txakabu tsumawamayamakãwẽ, ha hamapaiwẽ nukũ yura hawẽ txakabu watimakirã. Eska wakinã, matũ xinã pe mekekĩ matũ yura hirabi Deus inãkĩ mekemariakubaĩkãwẽ. Ha inũ, yurabu mawatã ana besteã keskatã matũ yura pe mekekĩ matũ hiwea Deus inãtã pepashũkubaĩkãwẽ, matũ yura hirabiwẽ Deus duawakinã. Hawa kaneama ha bebũshũ pepakĩ akubaĩkãwẽ.

Romanos 7:23

Haskabiakẽ ẽ akubainai uĩ txakabũ ea beshetã ea tsumawatã ẽ xinã kayabi nematã ea henekatsi ikamakẽ haska Jesus ẽ dayashunai ẽ pe besti xinãtiruma shabakabi ẽ unãkubainaii.

Romanos 8:26

Haska inũ, nukũ huĩti babuwẽ taeshũ Deusbe hãtxakĩ nũ hawa yuitirumabiakẽ hawẽ Yushĩ Pepatũ nuku merabewamiski. Hari Deusbe hãtxati unãma: “Harakiri ea akĩ Deus hawa yukashãpa?” ikĩ nũ xinãyã hawẽ Yushĩ Pepa Deusbe hãtxakĩ nuku yukashũmiski, haska nũ yuitirumawẽ nuku ea ashũkinã.

1 Coríntios 5:6

Mã eska keskaki. Matu yuinũ nĩkakãwẽ. Misi wamisbu mã unaiĩ. “Misi wakĩ hawẽ shasha wati eskarabes kapã shashai ewapamiski”. Haska keskai hawara txakabu ha hunĩ matu anushũ akĩ matu daũkĩ akawabia unãbiai pepai mã keaiĩ, haskatimabiakenã.

1 Coríntios 6:11

Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

1 Coríntios 9:8

Haska wakĩ yura betsa betsapabu dayakĩ hatũ hamapai bimisbu besti xinãkĩ ẽ matu yuiamaki. Hakia hawara Deusũ nuku yusĩni matu yuinũ nĩkakãwẽ.

Gálatas 3:15

Ẽ betsabu inũ ẽ puibuũ, haska yurabu yubakai xinaĩ hãtxamisbu keska matu yuinũ nĩkairakãwẽ. Yurabu yubakanametã xinãma tsuã henetiruma inũ tsuã betsa watirumaki.

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.

Hebreus 4:15

Haska hiwea bika tenei nũ yumãkũkaĩmis keskai nukũ Deusbe nuku hãtxashunika binua na mai anua hiweria nuku itsai hamapai tibi mei bika teneriai yumãkũkainiki. Haskabiai hawa txakabu mekĩ kaneama iniki.