Romanos 6:17 - Kaxinawá Bíblia (BR)

^17-18 Ha dukũ txakabũ matu tsumawakĩ taewaniki. Hanushũ Deusũ matu merabewaya nũ matu yusĩkubaina nĩka pewatã matũ huĩti hirabiwẽ matu yusĩaĩbu mã ikũwãniki. Natiã ana txakabu dayashunama hanua kaĩkaĩ Deus dayashũkĩ pe besti mã ashũkubainaii. Matu mã haskai nĩkai huĩti xinã txãkãkĩ Deus ẽ kẽhairawakubainaii.

Kashinawa : Diosun Jesúswen taexun yuba bena yiniki

^17-18 Ja dukun chakabun matu tsumawakin taewaniki. Januxun Diosun matu medabewaya nun matu yusinkubaina ninka pewatan matun juinti jidabiwen nun matu yusiain man ikunwaniki. Natian ana chakabu dayaxunama janua kainkain Dios dayaxunkin pe besti man axunkubainaii. Matu man jaskai ninkai juinti shinan chankankin Dios en kenjaidawakubainaii.

Romanos 6:17 교차 참조

Esdras 7:27

Eskawẽ taeshũ Esdrasĩ Deus kẽwãkĩ yuikĩ: “Nukũ shenipabũ mekenika Senhor Deusuũ, mĩ pepahairaki. Jerusalém anu mĩ kẽwãti hiwe ana atimapa uĩkatsi ikama hau pewanũbũ Pérsia nawa shanẽ ibuhairatũ shinã mĩ pe shinãma hatu yunua akimabuki.

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 28:15

Roma anushũ ikũwaĩbũ nũ huai bana nĩkatã bai putxinĩ nukuki nukukatsi beaibũ hanua inãnanãmisbu hawẽ kena Ápio anu nũ hatuki nukua nukube ana bui txĩtũbainaibũ mae betsa hawẽ kena Três Vendas anu ikũwaĩbu betsa beaibukiri nũ hatuki nukuria haibu itxapabu uĩ Paulo benimai xinã txãkãkĩ Deus kẽhairawaya

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Romanos 1:8

Ha dukũ matu yuinũ nĩkakãwẽ. Haska wakĩ mã Jesus Cristo ikũwãkĩ pe txibãkubainaibu mae betsa betsapa tibi anushũ matukiri txanimisbuwẽ taeshũ Jesus Cristobe hãtxakĩ matu dasibikiri dayuikĩ ẽ merabenã Deus ẽ kẽwãkubaĩmiski.

Romanos 15:18

Haska kakape bui ea hãtxairã, hamapai xarabukiri ẽ hãtxai kaismaki. Cristokiri besti mã Israelbumã mã Deus txibanũbũ matu yusĩ ẽ kamiski. Haska hatu yusĩ taewakinã, hãtxa bestiwẽma hatu ashũkĩ uĩmakĩ

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

Romanos 2:8

Hamẽ yura betsa pubeĩ sinatai ha irabenamekĩ Deusũ hãtxa txanima danãkĩ ha txibãma txakabu betsa betsapa wakubaĩmisbu habuki Deus sinatakĩ kupishanikiki.

1 Coríntios 1:4

Mã Jesus Cristo txibaĩbuwẽ taeshũ Deusũ matu pepawakĩ duawaya ẽ Epa Deusbe hãtxakĩ ẽ matuwẽ kẽwãkubaĩmiski.

1 Coríntios 14:6

Hanua ẽ betsabu inũ ẽ puibuũ, matu anu yusĩ kashũ hãtxa mã nĩkatirumawẽ matu yusĩkĩ hawa ẽ matu pe merabewatirumaki. Matu haska wama hawara Deusũ ea unãmai inũ hawara txanima ẽ unaĩ ẽ matu yuitiruma inũ, hawẽ hãtxa ẽ matuki txanitiruma inũ, hawara yusĩa betsawẽ ẽ matu merabewatiruma iniki.

2 Coríntios 2:14

Hakia Cristoki nũ dasia nũ hawenabukẽ hamapai bika Deusũ nuku habetã binumakubaĩmiski. Ha inũ, nukuwẽ hawẽ kakape yurabu Cristokiri mae tibi anua yusĩmakĩ nuku hatu unãmamiski. Nukuburã, nũ nis hawẽrua keskabuki. Haskawẽ taeshũ Epa Deus kẽwanãkãwẽ.

Efésios 1:16

Hawa matukiri hakimama Deus dayuikĩ matu yukashũkĩ heneama matuwẽ taeshũ Deus ẽ kẽwãkubaĩmiski.

1 Tesalonicenses 3:9

Hanua nukubu matuki ana bai kashũ ana matu yusĩkĩ kuxipa wakĩ haska nũ matu yusĩ keyuriama matu yusĩ kakatsis ikĩ mexu merã inũ bariri nũ matu Deus yukashũkubainaii. Mã haskakĩ ikũwaĩ txĩtuãbumawẽ taeshũ mã nuku benimawaya haska washũ matuwẽ taeshũ Deus nũ kẽwãkĩ keyutirumaki.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

2 Timóteo 1:13

Jesus Cristo nuku ishuniwẽ taea ikũwaĩ abunamekĩ ẽ mia yusĩmis keska wakĩ hãtxa kayabi kayatapia yusĩkĩ heneyamawe.

Filemom 1:4

Nukũ Shanẽ Ibu Jesus Cristo abukĩ ikũwãkĩ mĩ txibãkubainai inũ dasibi hawenabu meribiwẽ nuikĩ mĩ hatu duawamiskiri kakape nĩkatã benimakĩ hanu ẽ Deusbe hãtxaitiã mikiri xinãkĩ ẽ Deus ẽ mia kẽwãshũkubaĩmiski.

Hebreus 11:8

Ha inũ, Abraãonẽ Deus ikũwãkĩ txibãkubainaiwẽ taea Deus habe haria yubakakatsi ikĩ Deusũ kena hawa hẽ iyamama ikũwaĩwẽ taea hawẽ mae henei tashnikaini hani kai unãmabia ha mai pakea betsa anu Deusũ inãshanai anu kanikiaki.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

1 Pedro 3:1

Aĩbu beneyabuũ, maturi yuinũ nĩkairakãwẽ. Matũ benẽ matu yunua nĩkatã habebis yununamei hẽ iyamama ashũkubaĩkãwẽ. Haskakĩ hatiritũ matũ benẽ Deusũ hãtxa ikũwãriama duawai mã pepakũkainai matu uĩkubaĩmiswẽ taeshũ hãtxawẽsma mã pepawamiswẽ matũ bene bestibu Jesus mã ikũwãmatiruki,

1 Pedro 4:17

Jesus Cristo ikũwaĩ nũ hawenabuwẽ taeshũ natiã bika betsa tibi memakĩ nuku tenemakubaĩkanikiki. Haska nũ tenebiamiskẽ Jesus ana huaya habũ Deusũ kakape danãmisburã, habu Deusũ kupiarã, haskarara Deusũ hatu kupiaitiã yumãkĩ tenetxakayamashãkanimẽkaĩ?

2 João 1:4

Haska Epa Deusũ nuku yununi matubu hatiritũ txibãhairai matukiria beabu hatuki ẽ nukua txanima haska hãtxa txanimawẽ hiweaibu hatu uĩ ẽ benimahairaimaki.

3 João 1:3

Nukubetã Jesus ikũwaĩ betsabu bea eki nukutã mikiri eki txanikĩ: “Gaiõ Jesusũ txanima hãtxa txibãkĩ txĩtuãma hawẽ hiweaki”, ikĩ ea yuiabu nĩkai ẽ benimahairaxinaki.