Romanos 5:18 - Kaxinawá Bíblia (BR)

¹⁸ Haskakẽ huni bestitxai Adãonẽ txakabuwanirã, hawẽ taea hatũ kupitiwẽ hau mawakubaĩshanũbũ yura dasibibu Deusũ hatu yupuniki. Habiaskari wakĩ huni bestitxai hawa kaneismatũ nukũ kupiti nuku bishũriai mawaniwẽ taeshũ yura dasibibũ nũ ha ikũwaĩbu Deusũ nuku pepawatã habe niti akama nuku hiwekuĩmashanikiki.

Kashinawa : Diosun Jesúswen taexun yuba bena yiniki

¹⁸ Jaskaken juni bestichai Adánen chakabuwanidan, jawen taea jatun kupitiwen jau mawakubainxanunbun yuda dasibibu Diosun jatu yupuniki. Jabiaskadi wakin juni bestichai jawa kaneismatun nukun kupiti nuku bixundiai mawaniwen taexun yuda dasibibun nun ja ikunwainbu Diosun nuku pepawatan jabe niti akama nuku jiwekuinmaxanikiki.

Romanos 5:18 교차 참조

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

João 1:7

hawẽ Xinaĩ Hãtxatikiri hau dasibibũ nĩkakĩ ikũwãshanũbũ bebũkiri hatu yui huniki, Joãonã.

João 12:32

Mai anushũ ea binikĩ sanãkĩ nitxĩmabũ haskawẽ taeshũ dasibibu ninia keska wakĩ ea anu ẽ hatu iweshanaii, hau itxapabũ ea ikũwanũbunã— iwanã,

João 3:26

João yuinũ ika hawẽ tsumabu bushũ yuikĩ: —Yusĩnaã, Jordão hene kesha betsaurishũ nuku yusĩkĩ hakiri mĩ nuku kẽwaĩmatunã, hatũri dasibi hawenabu wakĩ hatu naximaya nĩkatã betxibaĩ hari txibãkanikiki— akabu

Romanos 4:25

Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.

Romanos 5:12

Mai anua ha huni bestitxai ha dukũ Deusũ damiwashũ nemabiabaina nĩkama txakabu hikimakĩ tateskĩ taewakẽ hawẽ taea hau mawashanũ Adão anibuai Deusũ kupikĩ nemama inikiaki. Haska wanikẽ yurabu dasibi Adão keskariai Deus nĩkama kanemisbuwẽ taea anibui inũ yushabui mawariakubaĩmisbuki, Adão ini txibaĩnã.

Romanos 5:15

Ha Adãonẽ txakabu tashnimaniwẽ taearã, Deusũ hawẽ aka nuku unãmairã, haskasmaki. Ha huni bestitxaitũ txakabuwaniwẽ taea haska keskariai ha txibaĩ itxapabu mawakubainibuki. Hanushũ Deusũ hawẽ aka betsa nuku inãkuĩkĩ huni bestitxai Jesus Cristowẽri itxapa binumaniwẽ taeshũ itxapaburi pewakĩ hatu merabewaikiki, hawenabu hatu wakinã.

Romanos 5:19

Haska inũ, huni bestitxai Adãonẽnã Deusũ nemati txibãma iniki. Habiaskariai yura dasibibu Adão ini keskabuwẽ taeshũ: “Yura dasibi txakabukĩ habias txibãkanikiki”, iwanã, Deusũ hatukiri pe xinaĩsmaki. Hakia huni bestitxairi Jesus Cristõnã, hawara Deusũ yunua txibãkubainiwẽ taeshũ yurabu itxapabũri Cristo txibaĩbu hatu merabewakubainai pepabũ txibãkanikiki.

Romanos 6:14

Mã Cristo ikũwãyã Deusũ matu pepawaiwẽ taeshũ txakabũ matu ana beshetã tsumatirumaki. Haska inũ, Deus duawanũ, iwanã, hawẽ yunuti inũ hawẽ nemati Deusũ Moisés yusĩniwẽ matu ana mekeamaki. Hakia Deus duapatũ matu ma mekeikiki, mã hawẽ daya akaiburã.

1 Coríntios 15:22

Adão ini keskariai yurabu dasibi mawashãkanikiki. Hakia Cristo bestẽtã ana hiwenikẽ haska keskariai yurabu ikũwaĩ ana bestẽtã hiweriashãkanikiki.

Hebreus 2:9

Nai tsumabu kuxipa keskama Jesus kuxipa beshmas keska wayutã Deusũ hawẽ nui nuku uĩmakĩ Jesus tashnimatã hau dasibibuwẽ taea mawatã bestẽnũ Deusũ yunua haska txibaĩ nuitapatã mawatã binuniwẽ taea natiã Jesus kuxipahaira dasibibu binua hawẽ ibu dapi ma tsauwa nũ unaiĩ.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

1 João 2:20

Jesus Cristo meribitũ hawenabu wakĩ ma matu pashkaniki, hawẽ Yushĩ Pepawenã. Haska dasibitũ mã ma hakiri hawẽ hãtxa txanima mã ma hayakẽ ana tsuã matu parãtirumaki.