Romanos 5:11 - Kaxinawá Bíblia (BR)

¹¹ Natiã nukũ Shanẽ Ibu Jesus Cristõ hawẽ Epa Deus hatũ nuku haibu wamakĩ daewamani unãnuma hiwekĩ txanima hawẽ taeshũ benimakĩ Deus nũ kẽwãkubainaii.

Kashinawa : Diosun Jesúswen taexun yuba bena yiniki

¹¹ Natian nukun Xanen Ibu Jesucriston jawen Epa Dios jatun nuku jaibu wamakin daewamani unanuma jiwekin chanima jawen taexun benimakin Dios nun kenwankubainaii.

Romanos 5:11 교차 참조

Salmos 32:11

Mã Deusũ tsuma matukiri pe hãtxamisbu pepabuũ, benimahairakĩ Deus kãtashũkĩ kẽwãkãwẽ.

Salmos 43:4

Senhor Deusuũ, mĩ ea yunua kai hanushũ mia kẽwãmisbu anu ẽ hikishanaii. Harishũ harpa mawaibũ benimakĩ ẽ mia kẽwãshanaii. Ẽ Deusuũ, miã besti ẽ hiwea benimawakĩ mĩ ea shinã txãkãwãmiski.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Lucas 1:46

hanushũ Mariãri yuikĩ: “Ẽ hawẽ tsuma beshmas hairabiakẽ Deusũ ea xinãkĩ ea katuxinaki. Haska inũ, dasibibũ xinãkĩ: ‘Deusũ Maria xinã txãkãwãmiski’, iwanã, ekiri yuikubaĩshanaibuwẽ taea ẽ mekenã Deus kuxipawẽ taea huĩti benimakĩ ẽ Shanẽ Ibu Deus ẽ kẽwaiĩ.

João 1:12

hakia hatiritũ hawẽ hãtxa nĩkatã ikũwãkĩ beya waibũ Deusũ Xinaĩ Hãtxatĩ hau Deusũ bakebu ishanũbũ hawẽ kuxipa hatu inãkĩ hatu duawakĩ taewaniki.

Romanos 11:15

Haska enabu Israelbũ Jesus Cristo danaĩbuwẽ taeshũ yurabu mai hirabi anu manibaũshũ Deusũ kakape habũ Jesus Cristokiri ikũwãbaunaibuwẽ taeshũ enabũ ikũwãkĩ taewariakĩ hatũ txakabu henei haki petxitã yura mawa ana besteã keskai hiwe kuĩa biriai benimashãkanikiki.

Romanos 2:17

Mã judeubu kẽmis matu yuinũ nĩkakãwẽ. Txanima Deusũ matu katushũ hawẽ hãtxa Moisés matu kenemashuni haki txiti ika matũ Deuswẽ mã kẽmiski.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Romanos 5:3

Haska bestimaki. Natiã Cristo nũ ikũwaĩwẽ taeshũ hamapai mei nũ bika teneaiwẽri Deusũ hawẽ kuxipa nuku uĩmakubainaiwẽ hawẽ xinã txãkaĩ nũ txĩtuãma nũ kuxipakũkainai nũ unaiĩ.

Romanos 8:23

Habu bestima nuku dikabirã, nũ Deusũ bakebunã, hawẽ Yushĩ Pepawẽ haska Deusũ nuku duawashanai hawẽ unãti wati yubani nũ haya hawẽ bake kaya keska wakĩ yura bena nuku inãshanai bishanũ ika hawara hawẽ bakebu yubabaini Deusũ nuku inãshanai huĩti detsupe ishũ bika tenekĩ nũ manayuaii.

Romanos 9:10

Haska bestimaki. Betsa Deusũ anirã, eska waniki. Hawenabu Deusũ katukĩ hawara pepa inũ hawara txakabu yurabũ akubaĩmis xinãma hakia haratubura Deusũ hawenabu wakatsi ikai besti xinãkĩ hatu katumis mã shabakabi unãnũbũ nukũ shenipabu Isaquẽ bakebukiri matu xinãmanũ nĩkakãwẽ. Rebeca tsupibu bake wakĩ Isaquẽ nanemaima kaĩriama hawa pepa inũ hawa txakabuwariabumakẽ bebũkiri Deusũ Rebeca yuikĩ: “Mĩ bake dabe kaĩtã ha ha katxu Jacó kaĩyãtũ hawẽ betsa ha dukũ kaĩyã Esaú tsuma washanikiki, shanẽ ibukinã”, aniki.

1 Coríntios 10:16

Nukũ betsabube itxatã hatubetã meribi uva bimi hene watã akĩ Cristo nuku mawashuni xinãmatirã, xinãkĩ nũ amiski, Deus kẽwãkinã. Ha inũ, misi tũke tũke ashũ nuku mawashũkĩ Cristo hawẽ yura nuku inãkuĩni ha misi hawẽ xinãmati nũ piriamiski.

2 Coríntios 8:19

Haska inũ, hau Jerusalém anu nukube kakĩ nukubetã ha inãkuĩ pei bushanũbũ, iwanã, Macedônia anushũ ikũwaĩbu itxashũ ha huni katuimabuki. Ha inũ, nukunã, ikũwaĩbu betsabu nuitapaibu nũ merabewakatsis ikai habũ nuku uĩkĩ nukũ Shanẽ Ibu nũ duawai merabenaĩ nũ haska abuai nũ hatu uĩmakatsis ikaii, haska daya beyairã.

Gálatas 4:9

Hakia natiã Deus mã unaĩ bestima Deusũri duawakĩ matu unãriaikiki. Haska unãbiakĩ ana txĩtũkirã hawãra matu pepawatirubuma txibaĩ mã ana hatũ dayaru escravo ikatsis ikimẽkaĩ?

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Filipenses 3:1

Ẽ betsabu inũ ẽ puibuũ, Jesusũ nuku mekeawẽ taea benimanãkãwẽ. Ẽ matu yuiyamarã, habiaskari ẽ ana matu keneshunairã, enarã bikamaki. Matu keneshũkinã, mã hawẽ hiwenũ merabewakĩ ẽ matu ashuaiĩ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Filipenses 4:4

Nukũ Shanẽ Ibu ikũwaĩnã, benimarikãwẽ. Ana habias ẽ matu yuaii. Heneama benimarikãwẽ!

Colosenses 2:6

Haskakẽ mã ma Jesus Cristo ikũwãkubainaiburã, matũ Shanẽ Ibu Cristo hiweshunirã, haska abuai keska ishũkubaĩkãwẽ.

1 Pedro 1:8

Haska inũ, Jesus Cristo uĩyama ibiani mã abuhairaii. Ha inũ, natiã uĩyama ibiani mã ikũhairawariaii. Haska benima pae mã haya hãtxawẽ besti ha benima pae tsuã haska tashnimatirumaki.

1 Samuel 2:1

Eska hãtxawẽ Anã Senhor Deus kẽwaĩ kãtakĩ yuibaĩkĩ: “Senhor Deusuũ, mĩ ea kushipa bena inaĩwẽ taea mia shinaĩ ẽ huĩti benimaii. Mĩ ea merabewaimawẽ taeshũ eki kashemisbu hatu binui benimahairakĩ ẽ hatu txitetiruki. Mĩ ea merabewaimawẽ taea ẽ benimaii.