Romanos 4:17 - Kaxinawá Bíblia (BR)

¹⁷ Haska inũ, ha Abraãonẽ ikũwãkubainai Deusũ yurabu mawa bestẽwãtiru inũ hawẽ xinãnẽ hawara xarabu dami hayariama damiwamistũ Abraão yuikĩ: “Yurabu betsa betsapabũ hatũ shenipabu ẽ mia waii”, inikẽ Moisés hakiri keneniki.

Kashinawa : Diosun Jesúswen taexun yuba bena yiniki

¹⁷ Jaska inun, ja Abrahamnen ikunwankubainai Diosun yudabu mawa bestenwantidu inun jawen shinanen jawada shadabu dami jayadiama damiwamistun Abraham yuikin: “Yudabu betsa betsapabun jatun xenipabu en mia waii”, iniken Moisin jakidi keneniki.

Romanos 4:17 교차 참조

Gênesis 17:16

Sara duawakĩ ẽ pepawashanaii. Haki ẽ mia huni bake inãshanaii. Hanushũ duawakĩ Sarã bakewẽ shukua betsa betsapabu hawenabu wakĩ ẽ hatu washanaii, shanẽ ibu itxapabu kushipa wakinã— aka

Gênesis 17:20

Ismaelkiri mĩ ea yuiai ẽ nĩkashurã, uĩwẽ. Ismaelrã, ẽ tari duawariashanaii. Hawenabũ bakebu hatu pawakĩ itxapahaira hatu wariakĩ 12 shanẽ ibubu kushipa iriashãkanikiki, hawẽ taea hawenabu itxapa kushipa tari hayariairã.

Isaías 43:6

Nortekiri hiweabu eã hatu yuikĩ: ‘Enabu ea ana hatu nitxĩshũrikãwẽ’, akĩ sulkiri hiweabu hatu yuikĩ: ‘Enabu ana hari yaushiama ẽ huni bakebu inũ ẽ aĩbu bakebu nenuma mai kesukauna anua ea hatu iweshũrikãwẽ.

Isaías 44:7

Tsuã ẽ akai keska atiru hayamẽ? Ha haska haya hãtxakĩ hau ea tapĩmanũwẽ. Dami wakĩ taewani inũ u unu iki kai inũ ma hawara tashni kema bebũkiri yuikinã, tsua txanikĩ yuitirumẽ? Haskarã, tsua hayamaki. Eã besti ẽ atiruki.

Isaías 49:12

Uĩkãwẽ! Txaihairakea matu merabewanũ ika bekanikiki, nortekiria inũ bari hikiaikiria inũ mai metuhaira Sinim anua beirã.

Isaías 55:12

Nenu Babilônia anu mã Israelbu benibu ana matũ mae anu txĩtũbaini benimabaini bui matũ mai pakea anu unanuma mã hikishãkanaii. Mã haskabainaibu matu uĩtã mati matipa inũ mawa tibi matuwẽ benimai kãtaibũ ni shukuabũ matu uĩtã matuwẽri benimakĩ mekẽ paush paush akai keskai bubi bubi ishãkanikiki.

Mateus 3:9

Hamẽ matũmebi ibubis kẽkĩ mã xinãmis: ‘Nukũ shenipabu Abraão Deusbe haibunameniwẽ taea nũ hawẽ bababu nuku kupiama ishanikiki’, ikĩ, ana xinãyamakãwẽ. Hakia Abraãonẽ bababu dasibi matu yamawakĩ keyutã na mixki manibauna Deusũ damiwakĩ Abraãonẽ bababu benawashũtiruki.

João 5:21

Haska inũ, ẽ Epa Deusũ mawabu hiwemamiski. Habiaskari wakĩ hawẽ bakẽri tsuabura katutã hatu hiwekuĩmariatiruki.

João 5:25

Txanima ana ẽ matu yuiaii. Ẽ Epa Deusũ hawẽ hiwemati kuxipa hamebi hayatũ habias ea inãniki. Haskakẽ hanu bari hawẽ heneaitiã mawabũ ẽ hui nĩkatã besteĩ ana hiweshãkanikiki.

João 6:63

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

Hechos 15:18

Haska bebũkirihaira ẽ Yavé Deus hãtxakĩ hatu yubairã, txanima ẽ hatu ashunũbariaii’, ikai nĩkatã nuku keneshuniki— iwanã

Romanos 3:29

Ha inũ, nukũ mekenika Deusrã, judeubuna bestimẽ? Haskawẽ taea yura dasibi shukua betsa betsapa hiwebaunabu hatu mekeismamẽ? Haskamaki. Txanima dasibi Jesus ikũwaĩbu nuku mekemiski, judeubu inũ hãtxa betsa betsapa tibiyarã. Nukũ mekenika Deus bestitxai hayaki.

Romanos 4:18

Haska Abraão inũ hawẽ aĩ Sara anua besti hatũ huni bake kayabi inũ hawẽ bababu mirima tsuã tanatiruma hayatã yura betsa betsapa shanẽ ibushanaibu bebũkiri Deusũ yubani anibuhairakĩ haska xinãma Deusũ hãtxa nĩkatã manakakĩ hawa dateama Deusũ haska washũshanai ikũwãkĩ xinãkubainikiaki.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

Romanos 9:26

Ha inũ, habianushũs ana hatu yuikĩ: “Maturã, mã enabuma ibiani hakia ẽ matu katukẽ: ‘Mã Deus hiweatũ bakebu’, matu kenashãkanikiki”, aka nĩkatã Oséiasĩ keneshuniki.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

1 Timóteo 6:13

Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.

Hebreus 11:12

Tsuã haska watirumai Abraão anibuhairabiatũ bake waima hanua hawẽ bababu mirimahaira bixiti inũ iã kesha anu maxiti tsuã hati tanatiruma keska pahairanibukiaki.

Hebreus 11:3

Hamẽ hawara nũ uĩaĩ inũ nũ uĩtiruma dasibi mai inũ nai anu damiwakinã, hawẽ hãtxa kuxipawẽ besti Deusũ damiwanirã, ikũwãkĩ nũ unãkubainaii.

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.

1 Pedro 2:10

Ha inũ, ha dukũ Deusunama mã inibuki. Hakia natiã mã ma Deusũ enabuki. Ha dukũ Deus matuwẽ nuiama ibiani na habiatiã matuwẽ Deus nuikiki.

2 Pedro 3:8

Ẽ betsabu inũ ẽ puibuũ, eskakiriri ẽ matuwẽ nuiai xinãkubaĩkãwẽ. Shaba tanakĩ ano tanariai mã hawẽ dabanã ikũkaĩmiski. Hakia Jesus Cristõ haska xinaĩsmaki. Shaba bestitxai hawaira keyumis inũ 1.000 ano kabiaya nukũ Shanẽ Ibu hawẽ nuismaki. Ana hakimayamashãkãwẽ.