Romanos 16:7 - Kaxinawá Bíblia (BR)

⁷ Ha inũ, enabu Andrônico inũ Júnia habube ea bitxiniburã, ẽ ikũwãriamakẽ habũ dukũ ikũwãnibũ haskawẽ taeshũ dasibi Jesus Cristõ kuxipaya yununikabũ hatu unãkĩ hatukiri xinãkĩ kẽwãmisburi ẽ hãtxa ea hatu yuishũshãkãwẽ.

Kashinawa : Diosun Jesúswen taexun yuba bena yiniki

⁷ Ja inun, enabu Andrónico inun Junias jabube ea bichinibudan, en ikunwandiamaken jabun dukun ikunwanibun jaskawen taexun dasibi Jesucriston kushipaya yununikabun jatu unankin jatukidi shinankin kenwanmisbudi en jancha ea jatu yuixunxankanwen.

Romanos 16:7 교차 참조

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 45:25

Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

João 14:20

Ha shabatiã haskakaĩ ẽ Epaki ẽ dasia mã unãyã hanua matuki ana nukui ẽ matuki dasiriatã ẽ matube nipakeshanai mã unãshanaii.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

João 6:56

Tsuabũra ẽ nami pi inũ ẽ himi akirã, ebe hiweaibũ eari hatube dasitã ẽ hiwekũkaĩshanaii.

Romanos 16:10

Ha inũ, Jesus Cristo dayashuni bika betsa betsapa mebiai txĩtuĩsma Apeles ẽ hãtxa ea yuishũriashãkãwẽ. Ha inũ, Aristóbulo hawenabube hiweabu haburi ẽ hãtxa ea hatu yuishũriashãkãwẽ.

Romanos 16:11

Ha inũ, enabu Herodião shũska ea yuishũriashãkãwẽ. Ha inũ, hawenabubetã Jesus txibaĩbu Narcisobe hiweabu ẽ hãtxari ea yuishũriashãkãwẽ.

Romanos 16:21

Ha inũ, Deusũ hau matu duawanũ Timóteo ebe dayamistũ hawẽ hãtxa matu yunuriaikiki. Enabu Lúcio inũ, Jasom inũ Sosípatrõ hatũ hãtxa matu yunuriakanikiki.

Romanos 16:3

Haska inũ, Priscila inũ hawẽ bene Áqüilã ebetã Jesus Cristokiri yusĩmisbu ẽ hatu xinãmiski. Yurabũ ea itxakawaibu habũ ea merabewai ea mawashũkeanibu inũ ewẽ taea haskanibu bestima nukube itxamisbu Israelbumari hatubetã nũ hatu kẽwãkubaĩmisbu Deusũ hau hatu duawanũ ẽ hãtxa ea hatu yuishũshãkãwẽ.

Romanos 16:6

Ha inũ, Mariã matu dayahairashũkũkainairi ẽ hãtxa ea yuishũriashãkãwẽ.

Romanos 16:8

Haska inũ, ẽ habetã ẽ Shanẽ Ibu dayashũmis ẽ haibuhaira habe ẽ abunamemis Amplíato Deusũ hau duawanũ ẽ hãtxa ea yuishũriashãkãwẽ.

Romanos 16:9

Ha inũ, Urbanõ ebetã Jesus Cristo dayashũmis inũ ẽ haibuhaira Estáquis shũska ẽ hãtxa ea yuishũshãkãwẽ.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

Romanos 9:3

Haskakẽ enabu Israelbũ hau Cristo ikũwanũbũ hatu merabewanũ ika eã eska ẽ hatukiri xinãkubainaii. Ea kayabis Deusũ hau hatuwẽ ea kupinũ ika hatuwẽ taea Cristo dapashkatã haskatã enabu kayabi ẽ hatu merabewatiru daka ishũ hatukiri ẽ xinãkubainaii, hau enabũ Cristo ikũwanũbunã.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

2 Coríntios 11:23

Ha inũ, habũ yuikĩ: “Nũ Cristõ tsumabuki”, iki Cristo dayashunaiburã, ẽ iriakũkainaii, Cristo dayashũkĩ hatũ daya binumahairairã. Mã eki hãtxai mã ea tatimawabianũ eã ẽ hatu binumiski. Ha inũ, Deusũ kakape ẽ yusĩayã itxapaki ea bitximisbuwẽ eã ẽ hatu binuhairaki. Ha inũ, hatikira ea kuxanibu tsuabũra tanatirubumawẽ taeshũ ẽ hatu binuhairaki. Ha inũ, ẽ mawakeãkũkainiwẽ ẽ hatu binuhairariaki. Ẽ haska tibi memis ẽ matuki txaniairã, earã, ẽ tatimamẽ? Ẽ tatimamaki.

2 Coríntios 12:2

Ma 14 bari kakẽ nai binua keyatapahaira anu Deus hiwemis pepanu ẽ yura kasmai ẽ yushĩ besti Deusũ ainitã ha hãtxa tsuã shabakabi yuitiruma Deusũ ea yuiniki. Haskara watã ea aininirã, ẽ yura kasmai ẽ yushĩ besti ea uĩmani Deusũ besti unaĩwẽ taeshũ eã ẽ matu yuitirumaki.

2 Coríntios 5:17

Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 1:22

hakia Judéia mai pakea anushũ ikũwaĩbu nukũ puibu inũ nukũ betsabũ ea uĩsmabia

Gálatas 2:2

Haskakaini kairã, ẽ xinãnẽma Deusũ haska ea unãmaya ẽ kaniki. Jerusalém anu Jesusũ kuxipayabu yununikabube hatube besti itxatã haska hatumaki Jesuskiri kakape judeubumakiri kashũ ẽ hatu yusĩtãmis ẽ kanemismẽkaĩ ika datebetanã ẽ hatuki txaniniki, hau ea nĩkatã unãnũbunã.

Gálatas 2:6

Jesusũ tsumabu unãnepabu habu hatu nĩkamisbu shanẽ ibubiabũ habũ hawa hãtxa bena betsa ea yuiama inibuki. Hakia txanima bemakis nũ hatu uĩkĩ xinãkĩ kẽwãbiamiskẽ haska Deusũ bemakisa xinãkĩ unãti waismaki. Haska katukinã, hatũ huĩti uke merã uĩmiswẽ taea haskawẽ ẽ nuiamaki.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Colosenses 4:10

Haska inũ, Aristarco ebe bitximabũ hawẽ hãtxa matu bumariakĩ yuikĩ: “Deusũ hau matu duawakubainũwẽ”, matu waikiki. Barnabẽ txai Marcõs habiaskari hawẽ hãtxa matu bumariaikiki. Marcoskiri ẽ matu yuimaki. Hatiãra matukiri bakĩ matu yusĩ kaya ikĩ pewatã duawashãkãwẽ.

Filemom 1:23

Jesus Cristo ikũwaĩ atxishũ ebe Epafras meneshabu hawẽ hãtxari mia bumaikiki.

1 João 4:13

Nukubu nũ Deuski dasia hiwea inũ ha nukube dasia hiwea hawẽ nũ unãti wakubainũbũ hawẽ Yushĩ Pepa nuku inãniki.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu