Romanos 16:19 - Kaxinawá Bíblia (BR)

¹⁹ Eska matukiri dasibi pe txaniaibu ẽ matu nĩkamiski. Haska mã Deus dayashunairã, hawara Deusũ abuai unãtã mã amis inũ, hawara Deusũ danãkĩ abuama unãriakĩ mã xinã husiamakeakemis matũ xinã unaĩ ẽ matuwẽ dateama haska matukiri xinaĩ ẽ benimaii.

Kashinawa : Diosun Jesúswen taexun yuba bena yiniki

¹⁹ Eska matukidi dasibi pe chaniaibu en matu ninkamiski. Jaska man Dios dayaxunaidan, jawada Diosun bechipaiai unantan man amis inun, jawada Diosun danankin bechipaiama unandiakin man shinan jusiama akeakemis matun shinan unain en matuwen dateama jaska matukidi shinain en benimaii.

Romanos 16:19 교차 참조

Mateus 10:16

ana nuku yuikĩ: —Eskawẽ taeshũ ẽ matu yuiai nĩkairakãwẽ. Kamã inu pubẽbu anu mã ẽ 12 tsumabu txashuwã pepa nitxiã keska wakĩ ẽ matu yunuaii, mã ẽ tsumabu ewẽ taea matuki sinataibu anurã. Haskawẽ taea dunu tsuã parãtiruma unãnepai inũ deiwã pepa keskakĩ tsua sinatamayamashãkãwẽ.

Lucas 10:3

Eãnã, kamã inu pubẽbu anu txashuwã bake yunua keska wakĩ mã ẽ tsuma pepabu matuki sinatashanaibu anu ẽ matu yunuai yusĩritãkãwẽ.

Romanos 1:8

Ha dukũ matu yuinũ nĩkakãwẽ. Haska wakĩ mã Jesus Cristo ikũwãkĩ pe txibãkubainaibu mae betsa betsapa tibi anushũ matukiri txanimisbuwẽ taeshũ Jesus Cristobe hãtxakĩ matu dasibikiri dayuikĩ ẽ merabenã Deus ẽ kẽwãkubaĩmiski.

1 Coríntios 14:20

Ẽ betsabu inũ ẽ puibuũ, matubunã, haska bakeixtã hawa unãma xinãmis keska ana iyamakãwẽ. Hakia bake mixtĩbu parananaĩ txakabuwama imisbu keskai tsuabura mã ma ewarã, ana unaĩspama haskakiri xinaĩrakubaĩkãwẽ.

Efésios 5:17

Haska inũ, ana hawarawẽ unaĩsmapama hawara nukũ Shanẽ Ibũ matu amakatsis ikai nĩka pewatã haska xinaĩkiri tapĩrikãwẽ.

Filipenses 1:9

Deus yukakĩ matu ea ashũkinã, hau hawẽ nui itxapawẽ matu ewawakĩ hau apakenũwẽ, heneamarã. Haska wakĩ Deusũ matu unãnepa wakĩ nĩkanika hau matu wakubainũ, iwanã, ẽ matu yukashũmiski,

Filipenses 2:15

Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.