Romanos 15:8 - Kaxinawá Bíblia (BR)

⁸ Haska bebũkiri nukũ shenipabu Deusũ yubaniwẽ taea haska Deus txani txakaisma haska yubai hãtxani haska xarabu Deus yubakani menei Cristo nũ Israelbu anu tashniniki, duawakĩ nuku merabewanũ ikarã.

Kashinawa : Diosun Jesúswen taexun yuba bena yiniki

⁸ Jaska bebunkidi nukun xenipabu Diosun yubaniwen taea jaska Dios chani chakaisma jaska yubai janchani jaska shadabu Dios yubakani menei Cristo nun Israelbu anu taxniniki, duawakin nuku medabewanun ikadan.

Romanos 15:8 교차 참조

Provérbios 8:7

Haska ẽ matu yuiai txanimaki. Txani hãtxa yuiaibu ẽ betxipaismaki.

Miquéias 7:20

Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.

Mateus 15:24

atimas Jesus niti itã aĩbu yuikĩ: —Israelbu txashuwã benuabu keska besti ẽ hatu yusĩkubainũ Deusũ ea yununiki. Ẽ mia merabewatirumaki— abia nĩkama

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

João 1:11

Haska inũ, Deusũ Xinaĩ Hãtxati hawenabu anu hukẽ habia hawenabũri hawẽ hãtxa nĩkama habũ beya wama danaĩbũ

João 10:16

Nenu besti enabumaki, na txashuwã kene anuarã. Hakia txashuwã betsaburi Deusũ ea ma yununiki. Israelbumabiakẽ haturi ẽ mekekubaĩshanaii. Ẽ hui nĩkaibu txashuwã shukua bestitxai mekenika bestitxaiya keska Israelbũ ea ikũwaĩbube Deusũ enabu dasibi ea iweshũshãkanikiki, hatuki dasi wakinã.

Hechos 13:46

hanua Paulo inũ Barnabé hawa dateama dasibibũ nĩkaibũ judeu shanẽ ibubu haskaibu hatu kemakĩ: —Deusũ kakape hawẽ bakekiri mã judeubu dukũ nũ matu yusĩ taewanũ Deusũ nuku yunukĩ nitxĩbiaimakẽ nũ matu yusĩaĩ nukũ yusĩa danãkĩ hawẽ pepai hiweibi hiweti mã bikakatsi ikabumaki. Mã haskaya matu henebaĩ nawabu judeubuma anu nũ hatu yusĩ kaii.

Romanos 11:22

Uĩkãwẽ, Deusrã, nuikipa hawẽruaki. Haskabia hawẽ yunua mestẽ binumaismaki. Habu txĩtuaĩbu danãkĩ hatu kupimisshũ matu mã Israelbumabiakẽ matuwẽ nuikĩ duawakĩ hawenabu matu wakeakekubainikiki. Hakia haska hi pũyã babu meshteshũ putamisbu keska wakĩ matũri hawẽ xinã txibãma mã txĩtuaĩbu Deusũ matu danãtã matu kupiriashanikiki.

Romanos 11:30

Uatiã hawa Jesus Cristokiri unãma Deus mã nĩkama iyupaunibuki, matubunã. Habiaska keskariai natiã Israelbũ Jesus Cristokiri xinãkĩ Deus nĩkabumariki, mã inibu keskakinã. Haskakẽ Deus natiã matuwẽ nuikiki.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 3:26

Nukuwẽ nuikĩ hĩ hĩ ikama nuku manamiswẽ taeshũ na habiatiã haska Deus pepa bestitũ maturi pepa wakĩ nuku unãmakĩ tsuabũra Jesus ikũwaĩbu beru mestẽwãmakĩ natiã Deusũ nuku unãmariakubainikiki.

Romanos 3:3

Ana habiaskari haratutũra ea yukakĩ yuikĩ: “Judeubu betsabũ Deusũ hãtxa ana txibãma danaĩbuwẽ taeshunã, hawara Deusũ nũ judeubu nuku yubani betsa washanimẽkaĩ, nuku danãkinã?” ea wabu:

Romanos 4:16

Hawara Deusũ abuai Abraãonẽ ikũwãkĩ ani keska wakĩ Deusũ hawẽ hãtxa mã ikũwaĩnã, hawẽ hãtxa benutima wakĩ nuku mestẽwãshuniki, hawa pakama hawẽ inãkuĩ ikũwãkĩ nũ bishanũbunã. Ha Deusũ Abraão yubani xinãkĩ tsuabũra hawẽ yunuti inũ hawẽ nemati nũ txibãkĩ Jesus nũ ikũwaĩbu inũ, tsuabũra Moisés hãtxa txibãma Abraãonẽ ikũwãni keskakĩ mã ikũwaĩbu mai hirabi nuku yunushanairã, Deusũ Abraãowẽ nuku dasibi yubashuniki, dasibi ikũwaĩbũ shenipabu wakinã.

1 Coríntios 1:12

Matu tibikiri ea yuikĩ: “Nukũ betsabu ha irabekĩ yuikĩ: ‘Eãnã, Paulõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Apolõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Pedrõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Cristõ nuku yusĩni besti ikũwãkĩ ẽ txibãkubainaii’, ikĩ haska yuikubaĩkanikiki”, ea waxinabuki.

1 Coríntios 10:19

Hakia yushĩ dami betsa kẽwaĩnã, dami hawauma inũ hawẽ kẽwãti piti hawauma nũ unaiĩ, nukubunã. Hakia habũ xinãnẽ ha yushĩ dami kẽwaĩburã, unãma haska xinaĩburã, hayaki.

1 Coríntios 10:29

Yushĩ dami betsa hawẽ kẽwãti tsuabũra mã nami piarã, matũmebi mã txakabumaki. Haskabiakĩ ikũwaĩ betsa huĩti babuwẽ nuikĩ ha nami hatu merabewakĩ mã pitiruma ẽ matu yuiaii. Haskarara Deusũ ea nemamakẽ ẽ pitiruki. Hakia yura betsa ẽ uĩmatxakaiwẽ taeshũ ena pemaki. Deus kẽwãtã hamapai tibi ẽ pibia pebiakẽ habu hatu mesewakatsi ikama dasibiwẽ Deus duawanũ, iwanã, ẽ ana haska tibi meamaki.

1 Coríntios 15:50

Ẽ betsabu inũ ẽ puibuũ, ana matu yusĩkubainũ nĩkairakãwẽ. Nukũ yura kayabi txapumiswẽ taea hiwekuĩ niti ikama nũ hawẽ itirumawẽ taea habias yura kuĩ nai anu Deusbe hiwetirumaki.

2 Coríntios 1:20

Ha inũ, Deus yubakani hawẽ bakewẽ dasibi shabakabi kaka kaĩmaniki. Haskakẽ yurabũ Deus kẽwãyã habũ hãtxa abukĩ Cristõ kuxipawẽ yuikĩ: “Hãtxa txanimaki. Habiaskaki”, ikĩ nũ kẽwãmisbuki.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.