Romanos 15:3 - Kaxinawá Bíblia (BR)

³ Eska xinãnãkãwẽ. Cristo hamebi haska ikatsis ikaikiri xinãkĩ katuama iniki. Hakia haska bebũkiri Deusũ hãtxa hakiri kenenibu menei ikũkainiki. Haska Deusũ hãtxa yuishunika Davĩ kenekĩ: “Epaã, mia danãkĩ ea itxakawabu ẽ mia tenehairashunaii”, ini keskakĩ Cristõ menekĩ teneniki.

Kashinawa : Diosun Jesúswen taexun yuba bena yiniki

³ Eska shinanankanwen. Cristo jamebi jaska ikatsis ikaikidi shinankin katuama iniki. Jakia jaska bebunkidi Diosun jancha jakidi kenenibu menei ikunkainiki. Jaska Diosun jancha yuixunika Davidin kenekin: “Epaan, mia danankin ea ichakawabu en mia tenejaidaxunaii”, ini keskakin Criston menekin teneniki.

Romanos 15:3 교차 참조

Salmos 69:20

Ẽ txakabukiri tsuãra ea yuikĩ ea huĩti meteshmiski. Ea haska wabu benima hayama ẽ punu nukahairaki. Ewẽ nuikĩ tsuã ea daewakĩ benimawatirubu hamẽ ẽ benakubainaii.

Salmos 69:9

Hanu miki nukuti hiwe betxipaikĩ ẽ shinã txakayamaii. Ha inũ, tsuabura mikiri hãtxa txakabukĩ ha ikĩ mia txiteaibu eã ẽ mia teneshũkubainaii.

Mateus 10:25

Haskawẽ taea hawẽ tsumaburã, hatũ yusĩnã hãtxa txibaĩ hau habiaskari keska ikubainũbũwẽ. Habiaskariai dayarubu hatũ shanẽ ibũ yunua nĩkai hau hatũ shanẽ ibu keska iriakubainũbũwẽ. Haskakẽ ẽ matũ yusĩnã ea kenakĩ: “Yushĩ txakabu shanẽ ibu Belzebuki”, ea wamisbuwẽ taeshũ ẽ yusĩa mã txibãkubaĩmisbuwẽ taeshũ maturi kenakĩ: “Belzebũ enabuki”, akĩ matukiri yuikĩ txiteriashãkanikiki— iwanã,

Mateus 26:39

hanua kai txaima ka beuwa maiki beti ishũ Deus yukakĩ: —Ẽ Epa Deusuũ, hamapai dasibi mĩ atiru ẽ unaiĩ. Hau ea tenãyamanũbũ mĩ hatu nematirubia haska ẽ xinaĩwẽ akama mĩ xinã bestiwẽ ea ashãwẽ— atã

Mateus 26:42

ana Deusbe hãtxai kashũ yuikĩ: —Ẽ Epa Deusuũ, ẽ yumãyamanũ ea unãti wakĩ mĩ henekatsi ikamarã, peki. Mĩ xinãnẽ besti ea ashãwẽ— atã

Mateus 27:44

huni yumetsu dabe habe mastabũri Jesus itxarianibukiaki.

João 15:10

Hawẽ hãtxa ẽ txibãyã ea abukĩ ẽ Epã ea putaismaki. Haska keskari wakĩ ẽ yunua hãtxa mã txibãyã matu abukĩ ẽ matu putamari ishanaii.

João 15:24

Ha inũ, hatu anushũ ẽ hawa hatu haska washũama txakabu xinãma ikeãkanaii. Hakia tsuã haska hatu anushũ haska washuĩsmabiakẽ Deusũ kuxipa hatũ berubi ẽ ma hatu uĩmabia uĩbiakĩ ea inũ ẽ Epa danãkanikiki.

João 4:34

Jesusũ nuku ana yuikĩ: —Hatũ ea yununitũ xinã ẽ hayawẽ taea hawẽ daya keyui ẽ kuxipamiski, yani wa keskairã

João 5:30

Jesusũ shanẽ ibubu hatu nĩkamakubaĩkĩ yuikĩ: —Earã, ibubis e iskaũ ẽ xinãnẽ ẽ ikamaki. Hakia haska ẽ Epa Deusũ ea yunuai besti nĩkatã ẽ akubainaii. Haska hawẽ pepa ea katumairã, ẽ haska xinaĩwẽ ẽ akama hakia haska ẽ Epã ea yununitũ abuai haska yunuaya unãti wakĩ ẽ ashũkubainaii, kaneamarã.

João 8:29

Ha inũ, ea yununi eskatiã ebekẽ hamapai betsa betsapa wakĩ abumakĩ ẽ benimawamiswẽ taeshũ ẽ Epã ea besti henebainamaki—

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Filipenses 2:5

Tsuabũra Jesus Cristokiri haska mã xinaĩnã, haska Cristõ xinãkubaini keska betsabukiri xinaĩrakubaĩkãwẽ.

Filipenses 2:8

Hamebi babutã hawẽ Epã yunua txibãkubaini mawanũ ika ikũkaini cruzki dunua mawaniki.