Romanos 15:19 - Kaxinawá Bíblia (BR)

¹⁹ Deusũ Yushĩ Pepatũ kuxipawẽ hawara atimaska yurabũ atirubuma dami betsa betsapa haskabiamawakĩ ea wama ẽ akeakeaya hawẽ taea kuxipakĩ kakape Jesus Cristokiri hatu yusĩkinã, haska Israelbuma betsa betsapaburi ẽ hatu txibãmakubainima besti ẽ matu yuiaii. Hanushũ taewakinã, Jerusalém mae anushũ ẽ taewaxina mae tibi iake iaketãkaini hari mai pakea betsa Ilírico anu ẽ txĩtũtãyamaki.

Kashinawa : Diosun Jesúswen taexun yuba bena yiniki

¹⁹ Diosun Yushin Pepatun kushipawen jawada atimaska yudabun atidubuma dami betsa betsapa jaskabiamawakin ea wama en akeakeaya jawen taea kushipakin kakape Jesucristokidi jatu yusinkinan, jaska Israelbuma betsa betsapabudi en jatu chibanmakubainima besti en matu yuiaii. Januxun taewakinan, Jerusalén maewan anuxun en taewashina mae tibi iake iaketankaini jadi mai pakea betsa Iliria anu en chintuntanyamaki.

Romanos 15:19 교차 참조

Mateus 12:28

Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus shanẽ ibui matu anu ma huaki.

João 4:48

Jesusũ yuikĩ: —Matunã, hawẽ unãmati dami atimaska ẽ akai uĩyama mã ea daki ikũwãbumaki— aka

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

Hechos 13:14

hanua Perge mae anu niti ikama bui mai pakea betsa Pisídia kapukebaini mae ewapa betsa Antioquia anu hikixinabũ hanua huĩrukũti sábadotiã hanu judeubu itxamisbu anu hikia hatube tsauwabũ

Hechos 13:51

hatu haska wabu Paulo inũ Barnabẽ hau hawa unãma habiaskasi hiwekubaĩshanũbũ hatu unãti wakĩ Antioquia anuabuki hatũ bitxi tae pekatã hatuki mai mixpu tabaini mae betsa hawẽ kena Icônio anu bunibukiaki.

Hechos 14:10

Paulõ hui kuxipawẽ yuikĩ: —Ha mĩ tae mĩ habiaska kaĩnirã, beniriwe— aka ha huni dashka iki ixtxutã ti itã nikaunaya

Hechos 14:20

hanua ikũwaĩbu itxashũ Paulo kebaũshũ uĩaĩbũ Paulo besteĩ benitã hune ha mae anu hikia habianu ushaxini hanua bestẽtã Barnabébe mae betsa Derbe anu kashũ

Hechos 14:25

hanushũ mae betsa Perge anushũ Jesuskiri kakape hatu yusĩtã hanua mae betsa Atália anu hikixina

Hechos 14:6

hanushũ Paulo inũ Barnabẽ banabitã pashai mae Listra inũ Derbe inũ mae betsa betsapa Licaônia mai pakea anu bushũ

Hechos 15:12

hanua dasibibũ haska nĩkai pes nesei keyutã ana hawa yui hãtxabumakẽ hanushũ Barnabé inũ Paulo Deusũ hatu merabewaya judeubuma anushũ dami atimaska betsa betsapa hatu uĩmakubainimakiri hatu yuikĩ

Hechos 16:18

shaba tibi hawẽtxaĩs bestikima nukukiri yui hãtxakũkainaya Paulõ haska nĩkai ma bika teneshũ dabeketã ha txipaxki yushĩ hikini yuikĩ: —Jesus Cristõ kuxipawẽ ẽ mia yunuai ha txipax anua kaĩriwe— aka haska was ha yushinĩ hawaira henebainaya

Hechos 17:10

haskaibũ hawaira mexu merã hau hunebaĩtanũbũ ikũwaĩbũ Paulo inũ Silas inũ Timóteo mae betsa Beréia anu hau pashanũbũ hatu nitxiãbu bui Beréia anu hikixina hanua hanu judeu itxamisbu hiwe anu hikitã

Hechos 17:15

hanua ikũwaĩ betsaburi Paulobe niwe shashuwẽ bui mae ewapa betsa Atenas anu txaihaira iyushũ nitxĩtanabu Paulõ hatu yuikĩ: —Silas inũ Timóteo hau hawairabirã hau eki nukuri benũbũ ea hatu yuishũtãkãwẽ— hatu wa txĩtũbainaibũ

Hechos 18:1

Hanua txipu Paulo Atenas anua kaĩkaĩni kai mae ewapa betsa Corinto anu hikitã

Hechos 18:19

Éfeso mae ewapanu keti itã habianu Áqüila inũ Priscila baxibaini hanu judeubu itxamisbu hiwe anu Paulo ha mesti kashũ Jesuskiri yusĩ hatube hãtxanameaya

Hechos 19:1

Apolõ Corinto anushũ hatu yusĩayã hanua Paulori mati matipa anu kapukei Ásia mai pakea anu kakũkaĩni Éfeso anu hikitã ikũwaĩbuki nukushũ

Hechos 20:20

Ea haska wabiabu dasibibũ besuuria inũ matũ hiwe betsa betsapa anushũ matu yusĩkĩ matu merabewanũ, iwanã, hawa meseki dakeama ẽ matu yusĩ heneama iniki.

Hechos 20:6

hanushũ judeubũ misi shashama pi besi nawai nũ hatube iyuaya hanua Filipos anua Paulobe ẽ kai niwe shashu ewapawẽ pukei shaba cinco dia binutã keti itã Trôade anu hatuki ana nukutã sete dia ikũwaĩbuki bai nũ hanu iyuniki.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 15:24

samama ẽ matu uĩ kakatsis ikairã. Hari kairã, Espanha mai pakea anu kakatsi mã Roma anuabu hanu dukũ matube uĩnanaĩ benimatã habianua eskarabes matube merabenãtã hanua unuri ẽ kaya matũri matũ hawarawẽ mã ea merabewa Espanha anu ẽ katiru ẽ xinaiĩ.

1 Coríntios 2:4

Hanua yusĩnã betsã hãtxa hawẽrua yuiaya ha nĩkatã hatũ hãtxa abukĩ itxapabũ hawaira txibãtirubuki. Hakia ea matu anu kashũ yusĩ hãtxairã, unãnepa hãtxamis keskawẽ ẽ matu yusĩama iniki. Hamẽ haskama Deusũ Yushĩ Pepa inũ Deusũ kuxipa bestiwẽ ea amakĩ matu merabewamaya haska yurabu unãnepakĩ yusĩmisbu keskamawẽ ẽ matu ikũwãmani mã unaiĩ.

2 Coríntios 12:12

Ha inũ, bika betsa betsapa mebiakĩ ẽ tenekubainimaki. Haska inũ, matube hiweshũ haska dasibi Jesusũ kuxipayabũ amis keska wakĩ eari habiaskari Deusũ kuxipa ẽ haya shabakabi matu uĩmakĩ dami betsa betsapa ẽ wakubainimaki, matũ berubirã.

Gálatas 3:5

Deusũ hawẽ Yushĩ Pepa matu inãshũ hawara dami itimaska hawẽ kuxipawẽ hunibũ atirubuma matu amakubaĩmisrã, haratu txibãkĩ matu amamismẽ? Moisés keneni mã txibãmiswẽ taeshũraka? Haskamahairaki. Uĩrakãwẽ. Deusũ hãtxa nĩkakĩ mã ikũwaĩwẽ taeshũ besti hawẽ kuxipawẽ matu amamiski.

Colosenses 1:25

Ha inũ, Deusũ hãtxarã, dasibi hiwebaunabu ẽ hatu yuikubaũshanũ ea katutã ea yununi haskawẽ taea mã Cristo ikũwaĩbu matuwẽ nuikĩ ẽ matu merabewakubaĩshanũ Deusũ hawẽ tsuma ea matu washuniki.

2 Timóteo 4:17

Ẽ haibuaibũ ea henebiabainabũ hawẽ binuti Jesus Cristokiri hawẽ kaka pepa hawẽ pashatikiri ẽ hatu yui keyuaya judeubuma dasibibũ hau nĩkanũbũ nukũ Shanẽ Ibũ ea heneama ea kuxipa washũ hatu daewakĩ mese anua ea piskumaimaki, ea haska nukũ Shanẽ Ibũ hatu binumakĩ inu keneya pĩtsi keshea keska anua ea binumakinã.

Hebreus 2:4

Ha inũ, hawẽ Yushĩ Pepawẽ hawẽ e imakĩ unãmati damiwamakĩ na yuba bena Jesusũ tsumabubetã Epa Deusũ hatu mestẽwãmaniki. Haska wanishũ hawẽ xinãnẽ nuku tibi hawẽ daya betsa betsapa nuku inãmiski, haska xinaĩ keska nuku tibi inãkinã.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.