Romanos 14:21 - Kaxinawá Bíblia (BR)

²¹ Ana ha meyamakubaĩkãwẽ, nami betsa pikinã. Ha inũ, hamapai hene paepa akĩ Jesus txibaĩbu betsabu mã hatu kanematirurã, ana meyamakubaĩkãwẽ.

Kashinawa : Diosun Jesúswen taexun yuba bena yiniki

²¹ Ana ja meyamakubainkanwen, nami betsa pikinan. Ja inun, jamapai jene paepa akin Jesús chibainbu betsabu man jatu kanematidudan, ana meyamakubainkanwen.

Romanos 14:21 교차 참조

Malaquias 2:8

Hakia ebe matunabu hãtxashunikabuũ, hiwea pepa ea anua mã ma ea pashkabuki. Mã hatu yusĩ txakaiwẽ taeshũ yura itxapabu benukanikiki. Haska wakĩ ẽ Levibe yubakani matubũ txakabuwakĩ mã atimapawaii.

Mateus 13:21

xinã pewamawẽ taeshũ hawẽ hiwepanã Deusũ hãtxa danãmakĩ hatu bika wakĩ hawẽ hamapaiwẽ hatu itxakawabu tenei hawawẽ haskatima ha uĩtã ana hawẽri txĩtũbaĩmisbuki.

Mateus 16:23

Jesus hawẽ tsumabukiri nasauketã uĩkĩ Pedro nemakĩ yuikĩ: —Satanásã xinãwẽ mĩ ea teawakatsis ikai ana hari haskayamawe. Hawara Deusũ uĩaĩ keska mĩ uĩyamaki, eska xinãkinã, haska yurabũ uĩmis keskawẽ mĩ ea nemairã— abaĩ

Romanos 14:13

Haska inũ, tsuãra Cristo ikũwaĩkiri hatube ana yuãnanãyamakubaĩkãwẽ. Ha inũ, nũ hatu uĩmatxaka hau haska xinaĩ ana nukukiri hãtxa txakabu yuiyamanũbũ hamapai piti tibiwẽ habũ ikũwaĩ betsa hatu babu watiru inũ hamapai piti tibiwẽ hatu kanematiru ana meama henekubaĩkãwẽ.

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

1 Coríntios 8:13

Haskakenã, eãnã, ha nami betsa pikĩ ẽ betsabu ẽ kanematiru xinãkinã, ana hatu kanemakatsi ikama ha nami ẽ ana metirumahairaki, hatu txakabuwakatsi ikamarã.

1 Coríntios 8:9

Hamẽ yushĩ dami betsa hawẽ kẽwãti nami hawa hayama unãkĩ hawa dateama pikĩ ikũwaĩ betsabu huĩti shubu mã hatu uĩma matu uĩtã txĩtũkĩ kanetirubuki. Matu yusĩnũ nĩkakãwẽ.

Filipenses 1:10

haska pepa besti abuai mã katukubainũbunã. Haskai hiwekĩ matũ hiwea shũpĩ hawa txakabuma ewakaini hawa txakabuki huti ika keskama nukũ Shanẽ Ibu Cristo huriamakẽ mã pepa hiwekubaĩtirubuki.

Hebreus 12:13

Ha inũ, Jesus ikũwaĩ hawawẽra bika teneaibu punu nukai hau txĩtũyamanũbũ haska Deusũ abuai yusĩkĩ bai kayabikiri hatu pe unãmakubaĩkãwẽ.

Apocalipse 2:14

Mã haskabia kanei eska tibi matu anu hayabu matu yuinũ nĩkakãwẽ. Ha mã habube itxabiamis hatiribũ Balaãonẽ yusĩni putabumaki. Israelbu hau Deuskiri txakabushanũbũ Balaãonẽ nawa shanẽ ibu Balaque yusĩtxakakĩ yuikĩ: Hatu beyusmakĩ yushĩ dami kẽwãti betsa nami inãxinabu hatu pimashãwẽ, ani inũ matũ bake txipaxbe hatu txutanamemati hatu xinãmashãwẽ, ani haska heneabumaki.