Romanos 14:13 - Kaxinawá Bíblia (BR)

¹³ Haska inũ, tsuãra Cristo ikũwaĩkiri hatube ana yuãnanãyamakubaĩkãwẽ. Ha inũ, nũ hatu uĩmatxaka hau haska xinaĩ ana nukukiri hãtxa txakabu yuiyamanũbũ hamapai piti tibiwẽ habũ ikũwaĩ betsa hatu babu watiru inũ hamapai piti tibiwẽ hatu kanematiru ana meama henekubaĩkãwẽ.

Kashinawa : Diosun Jesúswen taexun yuba bena yiniki

¹³ Jaska inun, tsuanda Cristo ikunwainkidi jatube ana yuanananyamakubainkanwen. Ja inun, nun jatu uinmachaka jau jaska shinain ana nukukidi jancha chakabu yuiyamanunbun jamapai piti tibiwen jabun ikunwain betsa jatu babu watidu inun jamapai piti tibiwen jatu kanematidu ana meama jenekubainkanwen.

Romanos 14:13 교차 참조

2 Samuel 12:14

Hakia Senhor Deus habi mĩ dakehairawaimawẽ taea mĩ huni bake Bate-Seba dama kaĩshina samama ha mia mawashũshanikiki— atã

Mateus 16:23

Jesus hawẽ tsumabukiri nasauketã uĩkĩ Pedro nemakĩ yuikĩ: —Satanásã xinãwẽ mĩ ea teawakatsis ikai ana hari haskayamawe. Hawara Deusũ uĩaĩ keska mĩ uĩyamaki, eska xinãkinã, haska yurabũ uĩmis keskawẽ mĩ ea nemairã— abaĩ

Mateus 18:7

Ha inũ, hamapai betsa betsapawẽ kemukĩ yurabũ txakabuwamisbuki. Hakia tsuabũra enabũ Deusũ yunumis inũ nemamis xinãbiaibũ huĩti babubu parãkĩ hatu txakabu amakeakemisbu haburi Deusũ hatu kupia nuitapahairashãkanikiki.

Mateus 7:1

ana hatu yuikĩ: —Tsuara ha akĩ txitekĩ unãti wayamashãkãwẽ. Mã hatu haska wamakẽ Deusũri habiaskari wakĩ matu txitekĩ ha akamari ishanikiki.

Lucas 12:57

—Haskai matũmebi unãbiakĩ hawara pepa shabakabi matuna mã pe waismamẽ?

Romanos 11:9

Haska inũ, ana Deus txibãbuma ishanaikiri Davĩ yuikĩ: “Hamapai piti betsa betsapa haya hawẽ besti beyusi unaĩsmapai harakiri pashai kaĩtirubumaki, nawatikis ikabu hau Deusũ hatu kupinũwẽ.

Romanos 14:10

Hanushũ Deusũ yuikĩ: “Ẽ hãtxa txanima matu yuinũ nĩkakãwẽ. Yura dasibibu unãtã ẽ hatu kupiaya dãti itã ea kẽwãkĩ haska ea besti kuxipahairatũ ẽ hatu kupiaya ea yuiakeakeshãkanikiki”, aka hawẽ hãtxa yuishunikatũ keneniki. Haskawẽ taeshũ tsuabũra Jesus txibaĩ betsabu hatukiri nũ hatu yuaĩbu inũ tsuabũra Jesus txibaĩ betsabu nũ hatu danãmisbu nũ haska hatukiri hãtxamis Deus bebũ nia nũ haki txaniaya nuku tibi unãti wakeakeshanaiwẽ taea nukubetã Jesus ikũwaĩbu ana hatu yuãkĩ danãyamakubainãkãwẽ, nukũmebirã.

Romanos 14:3

Ha inũ, haratubũra hamapai piti betsa betsapa danãma pimisbũ ikũwaĩ betsabũri piti betsa danaĩbu hatu ha akĩ dakewayamariakubaĩkãwẽ. Haska inũ, habiaskari wakĩ yura betsabũ hamapai betsa betsapa pimisbu haratubũra piti betsa danaĩbũ hatu ha akĩ dakewariayamakubaĩkãwẽ, Deusũ hawa hatu danaĩsmawẽ taeshunã.

Romanos 14:4

Ha inũ, habu shanẽ ibukĩ hatu yunuai tibibũ hawẽ dayaru tibi ha akĩ pewamis inũ kẽwãmiskenã, tsuara ibumabia mariastũ mã hatu ha atirumaki. Habiaskari wakĩ nukũ Shanẽ Ibu Jesus Cristõ hamebi hawẽ dayarubu hatu kuxipa wakĩ hawẽ bai kayatapia hatu txibãmakĩ hatu pewakubaĩmiski. Haska hatu yunuai xinãkĩ hau ashuĩ hiwekubainũbunã.

Romanos 16:17

Ẽ betsabu inũ ẽ puibuũ, haskaibu mã uĩnũbũ ẽ matu yunuaii. Yusĩnã betsabũ habũ matu parãkĩ nũ haska matu yusĩmis betsa wakĩ matu xinã betsamakĩ matu pashkatirubuki. Uĩrakãwẽ. Haska nũ matu yusĩa mã nĩkamis keskamakẽ hatu danãkĩ hatũ yusĩa ana nĩkama ana hatube itxayamakubaĩkãwẽ.

1 Coríntios 10:32

Haska hamapai tibi akĩ hawara danaĩbu hatũ berubi akĩ hatu uĩmatxakayamakãwẽ, judeubu kasmai judeubuma kasmai ikũwaĩ betsabu hiweaburã.

1 Coríntios 11:13

Hamẽ betsarã, aĩbu Deusbe hãtxairã, hawẽ bushka tari tuashwẽ mayabukuama itimẽ? Mayabukutã iti daka? Matũmebi xinãkãwẽ.

2 Coríntios 5:14

Cristo nuikipatũ nũ hawẽ kuxipayabu nuku ma mestẽwanishũ nuku txishukubainikiki. Dasibibuwẽ taea huni bestitxai nuku mawashuni ikũwãnishũ nũ unaiĩ. Habiaskariai habũ ikũwãshanaibu itxapaburi habe mawanibu keskaki.

2 Coríntios 6:3

Deus nũ dayashunaiwẽ taeshũ hau tsuabũra: “Mã kaneaii”, iki hau nukukiri hãtxayamanũbũ pe hiwekũkaĩkĩ nũ tsua kanekĩ uĩmatxakaismaki.

Filipenses 1:10

haska pepa besti abuai mã katukubainũbunã. Haskai hiwekĩ matũ hiwea shũpĩ hawa txakabuma ewakaini hawa txakabuki huti ika keskama nukũ Shanẽ Ibu Cristo huriamakẽ mã pepa hiwekubaĩtirubuki.

1 Timóteo 5:14

Ikũwãbumã hau nukuki kasheyamanũbũ aĩbu beneyabiaima ma hawẽ bene mawa kasmai henebainima yushaburiabumarã, hau ana beneyakubainũbũwẽ. Haskatã bake bitã hatũ hiwe meranua pe dayakĩ hau hatu duawakubainũbũwẽ.

Santiago 2:4

huni nuitapai dakewakĩ shanẽ ibu pe bestikiranai ikĩ mã duawakubaĩmiski. Haska katukĩ haska Deusũ matu amakatsis ikai mã akama ikũkainaii, xinãtxakakinã.

Santiago 4:11

Ẽ betsabu inũ ẽ puibuũ, betsabũ ikũwaĩbu betsabukiri hawara txakabu nĩkatã yura betsabu yuibaũkĩ mã habu yuaiĩ, hatukiri haskatimabiakenã. Txanima Deusũ nuku yusĩkĩ: “Matũmebi mã nuimis keskakĩ yura betsa betsapa tibiwẽ nuikĩ hatu duawakubaĩkãwẽ”, iwanã, nuku yusĩniki. Haskakẽ tsuabũra ikũwaĩ betsabu txitekĩ Deusũ yusĩa txiteriakĩ haratura yusĩa mã abuamabia hawẽ besti hatu unãti wakĩ mã hatu txiteakeakeaii, matũ yunukĩ akawakinã. Hatu haska wai mã daki ana Deusũ yusĩa txibãkatsi ikama danaĩ mã haki meseamaki, hawẽ yunutikirã, Deusũ abiashanayarã.

1 João 2:10

Hakia tsuãra hawẽ hãtxa txibaĩ ikũwaĩ betsabube abunamemisrã, ana hawawẽ taea txĩtuaĩ txakabũ kanemakĩ atxitirumaki.

Apocalipse 2:14

Mã haskabia kanei eska tibi matu anu hayabu matu yuinũ nĩkakãwẽ. Ha mã habube itxabiamis hatiribũ Balaãonẽ yusĩni putabumaki. Israelbu hau Deuskiri txakabushanũbũ Balaãonẽ nawa shanẽ ibu Balaque yusĩtxakakĩ yuikĩ: Hatu beyusmakĩ yushĩ dami kẽwãti betsa nami inãxinabu hatu pimashãwẽ, ani inũ matũ bake txipaxbe hatu txutanamemati hatu xinãmashãwẽ, ani haska heneabumaki.