Romanos 13:11 - Kaxinawá Bíblia (BR)

¹¹ Haska inũ, Jesus Cristo txibãkĩ taewakĩ Deusbe nũ hiweshanai hawẽ hãtxa nĩkakĩ nũ unãnirã, ma ana txaima kemaiwẽ taea ana hatishuĩra haki txikixama yura betsa betsapabuwẽ nuikĩ hawara Deusũ abuai menã hawaira tapĩ hawẽ mekerikãwẽ, uatiã nũ hiwexina keska haskas xinãmarã.

Kashinawa : Diosun Jesúswen taexun yuba bena yiniki

¹¹ Jaska inun, Jesucristo chibankin taewakin Diosbe nun jiwexanai jawen jancha ninkakin nun unanidan, ma ana chaima kemaiwen taea ana jatixuinda jaki chikishama yuda betsa betsapabuwen nuikin jawada Diosun bechipaiai menan jawaida tapin jawen mekedikanwen, uatian nun jiweshina keska jaskas shinanmadan.

Romanos 13:11 교차 참조

Jonas 1:6

hanushũ shashu bunikabũ shanẽ ibu Jonas anu kashũ bestẽwãtã yuikĩ: —Miarã, haskai mĩ hanu hua dakamẽ, ushabuũ? Benitã hau nuku merabewakĩ mekenũ mĩ mekenika yushĩ nuku yukashũwẽ. Nukuwẽ nuitirumẽkaĩ, nũ hasayamanunã— aka

Mateus 16:3

Hanua penayari yuikĩ: “Ikis nai taxipa ma nai kuĩ mexu mexuikiki. Natiã ui bekatsis ikikiki”, ikĩ haska ui inũ niwe bemis unãbiakĩ hanu hawẽ txakabu kupititiã ma kemai ẽ matu yusĩtxakayamabiakubaina hawẽ unãmati mã uĩtirumamẽ?

Lucas 21:28

Haskai taeaya mã hawawẽ ana hawa teneama samama ẽ matu pepawẽ hiwemayuai unãtã benimahairai naiuri teskãtã uĩkĩ ea betxishãkãwẽ— iwanã,

1 Coríntios 10:11

Ẽ shenipabu txakabukubiranaibu Deusũ haskaibu hatu kupinikiri hau habiaskari nũ iyamashanũbũ bebũkiri haska ikaibukiri Deusũ hãtxa nuku keneshunibuki, nukuri bari hawẽ henei keyuaitiã hiwea nũ haskariayamashanũbunã.

1 Coríntios 15:34

Matu dakewanũ, iwanã, na haska ẽ matu yuaii. Yurabu Deusũ bestẽwãshanai betsabũ ikũwãma kanekanikiki. Matubu niti itã hatũ hãtxa ana nĩkai txakabuwama matũ xinã bestẽwãtã pe besti Deuskiri xinãkubaĩkãwẽ.

Efésios 5:14

Haskakẽ haska xinã betsa watirubu xinãkĩ Deuskiri nawati yuikĩ: “Txakabũ matu tsumarã, mepamarikãwẽ. Mã mawabiani hanũ beniribirãkãwẽ. Matũ txakabu mã heneaya Messias Cristõ hawẽ txashawẽ matu yusĩkĩ matu unãmashanikiki”, ikaki.

Santiago 5:8

Matuburi hĩ hĩ ikama tenetã manakairã, txĩtuãma xinã mestẽwãkãwẽ, nukũ Shanẽ Ibu hawaira hushanikikirã. Uĩrakubaĩkãwẽ.

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

2 Pedro 3:11

Haska dasibi Deusũ yamawashanai mã unaĩwẽ taea natiã mã hiweyuarã, haska Deusũ abuai keska aki meribi pepai hiwepakekãwẽ.

2 Pedro 3:9

Hanu Jesus huti wani ma binuaya habũ xinãtxakai hãtxamisburã, eskaki, xinãkãwẽ. Nukũ Shanẽ Iburã, matuwẽ taearã, hĩ hĩ ikamaki. Dasibibu Deuskiri xinã betsatã hau benui mawa kayabi iyamashanũbũ tenetã matu manakai ikũkainikiki.

1 João 2:18

Ẽ bake keskabuũ, ma bari hawẽ henei keyuikiki. Bari hawẽ heneaitiã huni shanẽ ibukĩ Jesus Cristo mebinũ ika haki sinatai haki beparamei hushanai mã nĩkanirã, na habiatiã itxapabu haki sinatai ha keska ma tashniaibu mã uĩaiĩ. Haskawẽ taeshũ ma bari hawẽ henei ma kemai mã unãtirubuki.

Apocalipse 1:3

Tsuabũra na ẽ hãtxa hatu yuiaibu inũ habũ na hãtxa nĩkatã: “Txanimaki”, ikĩ txibãkubaĩshanaiburã, Deusũ habu benimawashanikiki, haska inũbariai txanini ma hamapai tashni taeai uĩnã.

Apocalipse 22:10

nai tsumã ana ea yuikĩ: “Dasibi ẽ mia uĩmashu haska inũbarikiki. Haskawẽ taeshũ na Deusũ hãtxa huneama na mĩ una wai ma bari keyui kemai hawẽ unãshãkanikiki. Ana huneama shabakabi haska tibi kaĩkũkaini deskekũkaĩshanikiki.

Apocalipse 22:12

Jesusũ ana ea yuikĩ: “Uĩa. Ẽ samama ana kashanaii. Kakinã, hatũ manakuti tibi ẽ hatu bushũshanaii, haska tibi hiwemisbu keska hatu inaĩ kairã.

Apocalipse 22:20

Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã.