Romanos 12:18 - Kaxinawá Bíblia (BR)

¹⁸ Ha inũ, yura betsabu duawanũ, iwanã, dasibi pepa mã akubaĩtirubu besti aki hatube unãnuma hiwei pekatsis mã ikairã, dasibibu daewakubaĩkãwẽ.

Kashinawa : Diosun Jesúswen taexun yuba bena yiniki

¹⁸ Ja inun, yuda betsabu duawanun, iwanan, dasibi pepa man akubaintidubu besti aki jatube unanuma jiwei pekatsis man ikaidan, dasibibu daewakubainkanwen.

Romanos 12:18 교차 참조

Gênesis 21:24

Abraão nĩkatã kemakĩ: —Ẽ mia yubatiruki. Hakia mia yuinũ, nĩkawe, ea haska waimaburã. Mĩ tsumabũ ẽ ũpash kini ea mebĩmabuki. Ẽ mibe yubakaya minabũ nuku ana habiaska watirubuki— aka

2 Samuel 20:19

Nukũ maewã Israelĩ enabũ ewa keskaki. Nenu hawama unanuma nũ hiwemiski, Senhor Deus txibaĩ txĩtuãmarã. Nũ haskabiakẽ nukũ maewã yamawanũ ishũ mĩ nuku haska wai? Haskakĩ Senhor Deusũ maewãbiakẽ mĩ yamawakatsis iki ikai?— aka

Salmos 34:14

Txakabu betsa betsapa danãkĩ pe besti akubaĩkãwẽ. Haratura hawẽ unanuma kati bai betxitã ha txibãkubaĩkãwẽ.

Provérbios 12:20

Huni txakabũ shinaĩ yubakairã, txanitxakai parananãmisbuki. Hakia tsuabura unanuma hiweshũ merabewakĩ hatu yusiaĩbu nĩkai benimamisbuki.

Provérbios 3:30

Tsuara miki sinatakĩ mia txakabuwamabia eiskaũ hatube detenameti shinaĩ sinatayamakũkaĩshãwẽ.

Mateus 5:24

hawẽ Deus daewati mã buai habianu hanayutã kashũ daewakĩ ana haki nukutã ana habe hãtxai pekãwẽ. Haska watani ana hushũ hawara mã Deus inãkatsis ikaiwẽ mã ana kẽwãtirubuki.

Mateus 5:5

—Ha inũ, tsuabura xinã pepaya keĩsbuma Deusũ mae pepa hatu yubani hatu yunushanai xinaĩ benimakubaĩkanikiki.

Mateus 5:9

—Ha inũ, tsuabura duapa unãnuma hatube hiwekatsi yura betsabu sinataibu hatu daewamisbu Deusũ hawẽ bakebu wakĩ hatu kenamiswẽ taea benimapaketi xinaĩ benimakubaĩkanikiki.

Marcos 9:50

Tewerã, nami txaputima wati inũ nami meketibia payukui keyumiski. Matubunã, Deusũ hãtxa mã unaĩbuwẽ taeshũ matunabu yusĩ mã tewe batawẽ meketi keskabuki. Hakia haskai tewe hawẽ bata keyu bumis ana meketiruma keskama Deusũ hãtxa nĩkakĩ pewatã ea txibaĩbube merabenaĩ unãnuma hiwekubaĩshãkãwẽ— hatu anikiaki.

Romanos 1:15

Haska ẽ xinaĩwẽ taea mã Roma anu hiweabu anuri Jesuskiri kakape matu yusĩ kakatsis iki ẽ matukiri bepeshea ẽ xinã txãkãtxakayamaii.

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Romanos 14:19

Haskakẽ hawa txakabu ana piama merabenamekĩ ana hatu kuxipa wakĩ unãnuma hiweti benakubainãkãwẽ.

1 Coríntios 7:15

Aĩbuaibuũ, mĩ benewẽ mĩ nuibiaya mia henekatsis ikairã, haska watã mĩ pashamatirurã, tsuã unãmaki. Hunibuũ, mĩ aĩnẽ mia henebaĩkatsis ikaya mĩ hawẽ nuikĩ haska watã mĩ pashamatirurã, tsuã unãmariki. Haskawẽ taeshũ hunĩ ikũwãyã hawẽ aĩnẽ habetã ikũwãkatsi ikama hamapai xaranũ ika kayarã, hunĩ hawa yuiamakẽ hau aĩbu kanũwẽ. Habiaskariai aĩbũ ikũwãyã hawẽ benẽri habetã ikũwãkatsi ikama hamapai xaranũ ika kayarã, aĩbũ hawa yuiamakẽ hau huni kanũwẽ. Ikũwãma ma haskakaĩkẽ Deusũ matu nemamabia ha mã ikũwaĩwẽ taeshũ matu unãnuma hiwemakatsis ikikiki.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Efésios 4:3

Ha Yushĩ Pepatũ matu dasi waiwẽ taea unãnuma hiwei ikũwaĩ dasibibube putanameama haskas hiwekubaĩkãwẽ.

2 Timóteo 2:22

Haskawẽ taeshũ berunãbu hamapai tibiwẽ kemumisbu keska henetã hanua ana haska hiweama pashakũkaĩwẽ. Eska bestiwẽ hiweti pepa benakubaĩwẽ, hawa txani txakama inũ, Jesus Cristo ikũwaĩ inũ, nui abunamei inũ, unãnuma hiwei dasibibu huĩti shũpĩbubetã nukũ Shanẽ Ibu kẽwãkubaĩkinã.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

1 Pedro 3:11

Hamapai txakabuki hari kemama haskai unãnumakĩ pe besti benakĩ haska txibãkubaĩkãwẽ.