Romanos 12:12 - Kaxinawá Bíblia (BR)

¹² Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

Kashinawa : Diosun Jesúswen taexun yuba bena yiniki

¹² Ja inun, Diosun matu yubani jawa betsa wama ixanai unankin man manaiwen taea benimai jiwekubainkanwen. Ja inun, matu ichakawaibu bika tenei chintuanma mestenkubainkanwen. Jaskakin Diosbe janchakin jamapai tibikidi yukai jeneyamakubainkanwen.

Romanos 12:12 교차 참조

Salmos 37:7

Hawara Senhor Deus anua mĩ manakairã, hĩ hĩ ikĩ hawa yuiama mĩ shinanẽ besti Deuski txanitã manakubaĩwẽ. Hatũ mia merabewashanikiki. Hakia huni betsa txakabu atimapa akatsi yubakamisburã, haskawẽ hiwekaĩkĩ tsuabura maematirubumaki. Haskawẽ taea hatuki sinatayamakũkaĩwẽ.

Salmos 40:1

Ẽ bika teneairã, Senhor Deusũ shinã ẽ manamiski. Ẽ kashayabi yukai Senhor Deus parabeketã ea nĩkatã

Provérbios 10:28

Huni pepabũ hatũ manakuti pepa huaya bi benimashãkanikiki. Hakia huni txakabubũ hatũ manakuti pema huaya benu bestishãkanikiki.

Provérbios 14:32

Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Mateus 5:12

Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

Lucas 10:20

Haska mã waxina peki. Haskabia yushĩ mã kaĩmaxinawẽ besti benimayamakãwẽ. Hakia nai anu Deusbe mã hiweshanaibu Deusũ matũ kena tibi ma keneniwẽ taea haska bestiwẽ benimakubaĩkãwẽ— hatu waya

Lucas 21:19

Ha inũ, tsuabũra ea txibaĩ txĩtuãmawẽ taeshũ hanu kupititiã ẽ matu piskumashanaii, matu kupiamarã.

Lucas 8:15

Hakia heshe betsa mai pepa anu banarã, Deusũ hãtxa pepa tapĩtã huĩti xinã txãkãkĩ heneama mestẽtã txibãkubaĩkĩ hanushũ yura betsabu yusĩkĩ hatu ikũwãmamisbuki, mai pepa anu heshe sa aka ewai benei pamis keskairã— hatu watã

Hechos 1:14

Habu haskabiranima ha dĩtu anu itxai Jesusũ betsabu inũ, hawẽ ewa Maria inũ, aĩbuaibu habũ ikũwaĩbu hatube itxashũ shaba tibi hau Deusũ hatu merabewanũ yukakubainibukiaki.

Hechos 12:5

Pedro kene merã bitxixinabu hatu keshe pehairawamabũ hanua ikũwaĩbu hawẽ nuikĩ hau tashnimanũ hakiri Deusbe hãtxakĩ yukatxakayamashũkĩ heneabumakẽ

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Hechos 6:4

Hakia nukubunã, Deusbe hãtxakĩ heneama hanushũ hawẽ hãtxa pepa matu inũ betsabu yusĩkĩ nũ henetirumaki— hatu wabu

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 15:4

Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Romanos 8:25

Habiaskabiakẽ hawara Deusũ mae nai anu kashũ nũ uĩriama nũ hawẽ nuiama Deusũ hãtxa ikũbestiwakĩ xinã mestẽwãtã nũ manayukubainaii.

1 Coríntios 13:13

Ha inũ, na xinã dabe inũ besti keyuismaki, ikũwaĩnã, yubakani dateama manatirã, nuikipa kayabirã. Na xinã dabe inũ besti hatũ binu keyuarã, nuikipa kayabiti bestiki.

2 Coríntios 12:8

hau ẽ Shanẽ Ibũ ea shushawanũ, iwanã, dabe inũ bestiki ẽ ea aka

Filipenses 3:1

Ẽ betsabu inũ ẽ puibuũ, Jesusũ nuku mekeawẽ taea benimanãkãwẽ. Ẽ matu yuiyamarã, habiaskari ẽ ana matu keneshunairã, enarã bikamaki. Matu keneshũkinã, mã hawẽ hiwenũ merabewakĩ ẽ matu ashuaiĩ.

Filipenses 4:4

Nukũ Shanẽ Ibu ikũwaĩnã, benimarikãwẽ. Ana habias ẽ matu yuaii. Heneama benimarikãwẽ!

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

Colosenses 4:2

Mã Cristo txibaĩbunã, hawara betsakiri mã xinaĩ Deusbe hãtxakinã, hawa txikixkĩ heneama apakekãwẽ, haskawẽ taeshũ Deusũ matu ashuã uĩkĩ kẽwaĩ: “Peki”, ikũkainirã.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Tesalonicenses 5:8

Hakia nukuburã, nũ ma mexua anua shabaki tashnia keskabu nũ ikũwãkĩ pewakubaĩmiswẽ taea nukũ Shanẽ Ibu ana hushanai hawa hakimama manakubainãkãwẽ. Nũ habubetã ikũwaĩ betsabube duapai abunamei merabenãkĩ nukũ Epa Deus ha bestiki txiti ikubainãkãwẽ. Nũ haskaiburã, Romano soldadobũ hawẽ yura hunenũ, iwanã, mane tari manãkiria sawemis keskai hawaki dateama nũ pe mekea hiwetirubuki. Haskai hawa dateama nukũ Shanẽ Ibu manakĩ hatũ besti nuku mekeshanai nũ manaii. Haskakĩ hau soldadobu tsuã hatu deteyamanũbũ hatũ bushka mekekĩ hunekĩ mane maiti sawemisbu keskai nukuri dateama pe mekea nũ hiwetirubuki.

2 Tesalonicenses 1:4

Hanua matu itxakawakĩ yumãwãbiaibũ ikũwaĩ kuxipai mã hawa txĩtuãma ikũkainaya haska xinãkĩ hanu ikũwaĩ itxamisbu tibi anushũ benimai nũ matukiri txani nũ hãtxakũkainaii.

2 Tesalonicenses 3:5

Epa Deus nukuwẽ nuimis keskai betsabube mã nuinameairã, haska Cristõ bika tenei hawẽ kuxipa babuama ini keskai maturi mã babuyamanũbũ hau nukũ Shanẽ Ibũ matu merabewakubainũwẽ.

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

2 Timóteo 3:10

Mianã, ha parananaĩbu mĩ hatu txibãmaki. Hamẽ haska yusĩ ẽ hiwemis keska mĩ txibãmiski, eska tibi ea txibaĩnã. Haska ẽ xinãmis inũ, haska ẽ ikũwãmis inũ, haska hawaira hĩ hĩ ikama ẽ tenemis inũ, ẽ nui abunamemis inũ, hamapai ekiri kaĩbiranai tenei ẽ kuxipamis inũ,

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Tito 3:7

Nukũmebi nũ Deus hawa pepa ashũtirumabiakẽ duapa nukuwẽ nuikĩ nukũ txakabu nuku buashũtã hawẽ pepawẽ hawẽ hiwekuĩti nũ bishanai nũ hawẽ manakanũ hawẽ Yushĩ Pepa nukuki dasiwaniki.

Hebreus 10:32

Hanu mã Jesus ikũwãkĩ taewaitiã mã ini xinãkãwẽ. Habũ ikũwãkatsi ikabumã matu bika tenemabiabu mestẽtã mã binukubaĩyamaki.

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

Hebreus 12:1

Haskakẽ nukunabũ habu dukũtũ Deusũ yubaka hãtxa ikũwãkĩ bika betsa betsapa hatu tenemakĩ memabu habuã hatũ xinã nuku uĩmakubainishũ natiã nuku uĩkanikiki. Xinanãkãwẽ. Nuku hatũ itimaska wai inũ hamapai txakabu tibitũ nuku beshetiru henetã beamabaĩkĩ hawara pepa Deusũ nuku yubamis ha xinaĩ kuxipai dayashũkĩ heneyamakubainãkãwẽ.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.

Hebreus 6:12

Ha inũ, Jesus txibaĩ txikixi hau mã punu nukayamanũbũ Jesus ikũwãkubaĩkĩ hawẽ unãnuma hiweti Deus yubakani bikubainaibu keska wakĩ hatu txibãkĩ pepa besti wakubaĩkãwẽ, hanu mã mawaitianã.

Hebreus 6:15

nĩkatã hawẽ yubati hãtxa manai hĩ hĩ ikama ikũkaĩkĩ atimas haska Deusũ yubani bi benimanikiaki.

Santiago 5:7

Ẽ betsabu inũ ẽ puibuũ, nukũ Shanẽ Ibu ana hushanaya hĩ hĩ ikama tenetã manakakubaĩkãwẽ. Haska keskariakĩ bai wanikatũ hawẽ yunu banaima tsekashanũ, iwanã, ui ikai manamiski, hĩ hĩ ikamarã.

1 Pedro 4:13

Haska matu memabiabu Cristo ani keska wakĩ habiaskarianiwẽ taeshũ matu tenemariakanikiki. Haskawẽ taea Cristo shanẽ ibuhairai ana tashnikirã matu benimahairawashanai xinaĩ natiã haskawẽ benimatimabiakẽ Cristowẽ taea benimayukubaĩkãwẽ.

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

2 Pedro 1:6

ibubis matũ yurakiri xinã pewatã mekekubaĩkãwẽ. Haskai mã hĩ hĩ imis tapĩ beshtekekubaĩkãwẽ. Haskai Deusbe mã haibunamehairai

Apocalipse 13:10

“Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.