Romanos 11:13 - Kaxinawá Bíblia (BR)

^13-14 Mã ebetã Jesus ikũwaĩ Israelbumaã, ẽ eskaki, matu yuinũ nĩkakãwẽ. Hau Israelbuma betsa betsapabu anu ẽ hatu yusĩkubaũshanũ Deusũ hãtxa yuishunika hawẽ kuxipaya Jesusũ ea washũ ea nitxĩniwẽ taea ẽ hawẽ daya pe haya ashuĩ ẽ benimakũkainaii. Haskakẽ matu yusĩkubaũkĩ haska Jesus Cristo mã ikũwaĩbu enabu Israelbu hatu ikũwãmakatsis ikĩ haska mã ikũwaĩ hawẽruai benimaibũ hawẽ hatu kemumakĩ hatiriburi hatũ xinã ẽ betsa wamakatsis ikũkainaii, hau Deusũ hatu mekeriashanunã.

Kashinawa : Diosun Jesúswen taexun yuba bena yiniki

^13-14 Man ebetan Jesús ikunwain Israelbumaan, en eskaki, matu yuinun ninkakanwen. Jau Israelbuma betsa betsapabu anu en jatu yusinkubaunxanun Diosun jancha yuixunika jawen kushipaya Jesúsun ea waxun ea nichiniwen taea en jawen daya pe jaya axuin en benimakunkainaii. Jaskaken matu yusinkubaunkin jaska Jesucristo man ikunwainbu enabu Israelbu jatu ikunwanmakatsis ikin jaska man ikunwain jawenduai benimaibun jawen jatu kemumakin jatidibudi jatun shinan en betsa wamakatsis ikunkainaii, jau Diosun jatu mekediaxanunan.

Romanos 11:13 교차 참조

Hechos 13:2

Hanua ana shaba betsatiã habu itxatã samakekĩ Deus kẽwaĩbũ Deusũ Yushĩ Pepatũ hatu yuikĩ: —Barnabé inũ Saulo daya betsa ma ẽ hatu kenani ẽ hatu yunukatsis ikaya hau dayatanũbũ meribi hatu nitxĩkãwẽ— hatu wa

Hechos 22:21

ẽ Shanẽ Ibũ ea nemakĩ: “Txaihaira yurabu betsa betsapa judeubuma anu ẽ mia yunuaii. Hari karitãshãwẽ!” ea waniki— hatu wai

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Gálatas 2:2

Haskakaini kairã, ẽ xinãnẽma Deusũ haska ea unãmaya ẽ kaniki. Jerusalém anu Jesusũ kuxipayabu yununikabube hatube besti itxatã haska hatumaki Jesuskiri kakape judeubumakiri kashũ ẽ hatu yusĩtãmis ẽ kanemismẽkaĩ ika datebetanã ẽ hatuki txaniniki, hau ea nĩkatã unãnũbunã.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

1 Timóteo 2:7

Haskawẽ taeshũ Deusũ ea katutã hawẽ kakape yuishunika ea wakĩ Jesus Cristõ kuxipaya ea watã judeubuma anu na yusĩa Jesus Cristokiri txanima ẽ ha ikũwaĩ ẽ txanikauanũ ea yununiki. Na haska mia yuikinã, txani txakakĩ ẽ mia yuiamaki.