Romanos 11:10 - Kaxinawá Bíblia (BR)

¹⁰ Ha inũ, hau hawa ana uĩyamanũbũ Deusũ hau hatu beshush wanũwẽ. Ha inũ, hamapai bika tenei dayakĩ shãkamahaira ia kakui tinĩkũkaini hau ana tenehairakubainũbũwẽ”, iniki.

Kashinawa : Diosun Jesúswen taexun yuba bena yiniki

¹⁰ Ja inun, jau jawa ana uinyamanunbun Diosun jau jatu bexux wanunwen. Ja inun, jamapai bika tenei dayakin xankamajaida ia kakui tininkunkaini jau ana tenejaidakubainunbunwen”, iniki.

Romanos 11:10 교차 참조

Salmos 69:22

Beyuskĩ hatũ piti pepa hatũ tapuki itxawakinã, haibunãbiakĩ hanubi birũ keska watã hawẽ taea hau bika tenenũbũwẽ.

Salmos 69:23

Hatu beshush wakĩ uĩmamatã hatũ kishi babu wakĩ hatu saki saki imakubaĩwẽ!

Romanos 1:21

Hanushũ yura itxapabũ Deuskiri tapĩbianishũ hawẽ hãtxa danãkĩ duawama inũ kẽwãma inibuki. Hakia haki petxitã hatũ xinãnẽ besti txakabu xinaĩ unaĩsmapakĩ ana txanima hãtxa tapĩtirubuma ikubainibuki.

Romanos 11:8

Haska Deus nĩkama huĩti kuxibukiri Deusũ hãtxa yuishunikatũ kenekĩ: “Hatũ pabĩki pata keska hatu wakĩ hatũ beru bekũ keska hatu wakĩ hatũ xinã Deusũ beshekĩ hatu haska waniwẽ taea natiãri habũ hawẽ yusĩa txibãtirubuma ikubaĩkanikiki”, haska yuini keskairã.

Efésios 4:18

Habu mexu merã nia keskashũ xinã txakakĩ pe xinãtirubuma unaĩsmapabuki, haburã, hawa benima pae Deus anua huaiwẽ benimama haska hawa tapiãma unaĩsmapa besti habu huĩti kuxiburã.

2 Pedro 2:17

Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.

2 Pedro 2:4

Hawẽ nai tsumabu hatiritũ hawẽ hãtxa nĩkabuma hatũ txakabu Deus hakimakatsi ikama hakia mai kini keyatapa shãkĩhaira mexu merã hanua pashatirubuma anu hatu putatã neshashũ hatu mekeyunikiaki, txipu hanu kupiaitiã hatu unãti wakatsirã.

Judas 1:13

Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.

Judas 1:6

Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.