Romanos 1:26 - Kaxinawá Bíblia (BR)

^26-27 Haska txakabu besti xinãkubainaibuwẽ taeshũ Deusũ hatu henekinã, yurabu ana abunamekayabiama hatũ txakabuki dakeama daketapaibu hatu uĩkĩ anikiaki. Hawarawẽ yura pepabu dakeaibu ana dakeama aĩbuaibũ hunibu txutamakatsis ikama hakia habe aĩbu betsabe txutanamei itsai menamei ibunanãbu, inũ huniburi aĩbuwẽ ana kemukĩ txutakatsi ikama habe huni betsawẽ kemui habe txutanameaibuwẽ taeshũ hau haskai besti hiwekubainũbũ Deusũ hatu ana nemama henenikiaki. Haska hiwei dakeisbumawẽ taeshũ hatũ yura isĩ betsawẽ tenemakĩ Deusũ hatu kupikĩ taewaniki.

Kashinawa : Diosun Jesúswen taexun yuba bena yiniki

^26-27 Jaska chakabu besti shinankubainaibuwen taexun Diosun jatu jenekinan, yudabu ana bechipainamekayabiama jatun chakabuki dakeama daketapaibu jatu uinkin anikiaki. Jawadawen yuda pepabu dakeaibu ana dakeama ainbuaibun junibu chutamakatsis ikama jakia jabe ainbu betsabe chutanamei itsai menamei ibunananbu, inun junibudi ainbuwen ana kemukin chutakatsi ikama jabe juni betsawen kemui jabe chutanameaibuwen taexun jau jaskai besti jiwekubainunbun Diosun jatu ana nemama jenenikiaki. Jaska jiwei dakeisbumawen taexun jatun yuda isin betsawen tenemakin Diosun jatu kupikin taewaniki.

Romanos 1:26 교차 참조

Gênesis 19:5

Ló kenakĩ daketapa wakĩ yuikĩ: —Bari kaya ha hunibu mĩ hiwe anu bekãshukiaki. Hania? Nũ hatu txutai hatu nuku kaĩmashũwẽ— akabu

Romanos 1:24

Haskawẽ taeshũ yurabũ haska xinaĩ aki hiwekatsis ikaibu hawaki ana dakeama hau habũ yura mekeama txakabukubainũbũ habũ xinã txakabu inũ hawara txakabuwakatsis imisbu akeakeaibu ana nemama ana hatu mekeama hatuki petxitã Deusũ hatu henea haska hiwenibukiaki.

Romanos 1:28

Habũ Deuskiri xinã txanima kayabi ana xinãkatsi ikama ikubainaibuwẽ taeshũ hatũ huĩtinĩ xinã txakaibu haska abui hiweaibu Deusũ habu ana nemamaki.

1 Coríntios 6:9

Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.

Efésios 4:19

Ana hawa dakeama txakabu hamapai atimapa tibi hawẽ yura inãkĩ hawẽ kemuhairai huĩti kuxi hiweabuki, tsua ibubis e ikamarã.

Efésios 5:12

Hawara txakabuhaira hune ikaibu shabakabi yui daketiki.

1 Timóteo 1:10

txutabaũmisbu inũ, huni dabe txutanamemisbu inũ, aĩbu dabe txutanameaibu inũ, yura betsabu yumetsushũ hawẽ pei bikatsi dayaru wakĩ inãmisbu inũ, txani txakamisbu inũ, hamẽ uĩyamabia yura betsaki yubakatã paranamisburã, haskabunaki, haska habũ yusĩa kayabi txibaĩsbumarã.

Judas 1:10

hawara unãkĩ nĩkabuma ha parananãmisbu yupukunãkubaĩmisbuki. Haska hatũ xinãnã, yuinakapã xinãyã keskabuki. Hatũ xinã txakabuwẽ taearã, hatũmebi hatũ kupiti bikanikiki.

Judas 1:7

Ha hawẽ nai tsumabu hatu ashanai keskari wakĩ nawabu Sodoma inũ Gomorra mae ewapa inũ hatu dapi mae urama anu hiweabu txutawẽ kemukĩ hunibu habe hunibe txutanameaibu Deusũ hatu kupikĩ hawẽ yusĩa danaĩbu txi nukaismawẽ hatu kupishanai keska wakĩ shabakabi Sodoma inũ Gomorra hatu kupinikiaki, habias nukubũri dasibibũ hatuwẽ taeshũ nũ unãshanũbũ hatu kupikinã.