Romanos 1:25 - Kaxinawá Bíblia (BR)

²⁵ Yura betsabũ Deuskiri hãtxa kayabi danãtã txani hãtxa ikũwãkĩ txibãkĩ Deus kayabi ana xinãma hawara Deusũ damiwani besti uĩkĩ kẽwãkubainibukiaki. Hakia nũ ikũwaĩbunã, nukũ mekenika Deus hatũ nuku damiwani kẽwãkubainãkãwẽ. Haskakirã.

Kashinawa : Diosun Jesúswen taexun yuba bena yiniki

²⁵ Yuda betsabun Dioskidi jancha kayabi danantan chani jancha ikunwankin chibankin Dios kayabi ana shinanma jawada Diosun damiwani besti uinkin kenwankubainibukiaki. Jakia nun ikunwainbunan, nukun mekenika Dios jatun nuku damiwani kenwankubainankanwen. Jaskakidan.

Romanos 1:25 교차 참조

Isaías 44:20

Txanimahaira txi mapu pia keska wamisbuki, hatũ shinã txakabũ hatu parãhaira pepa haska henetã txibainã. Ha huniburã hatũ txakabuwẽ taea haskatã pashatirumahairaki. Hawara hunĩ dami watã hawẽ mekẽnẽ tsumatã hawẽ shinã pemawẽ taea hawa shinã pewama ha dami hatu uĩmairã, ha huni txanitxaka bestikanikiki.

Amós 2:4

Hanushũ Senhor Deusũ hawenabu Judákiri yuikĩ: “Judá enabũ mai pakea anu hiweabũ txakabu betsa betsapa akubainibuwẽ taeshũ hakimama hatu kupikĩ ẽ heneama ishanaii. Ẽ yunuti hãtxa inũ ẽ nemati hãtxa nĩkakĩ txibãkatsi ikabuma ea ẽ Senhor Deusũ ẽ yusĩti hãtxa danãkĩ habias yushibubu dami hatũ ibubũ kẽwãpaunibu na habias yushibubu kẽwãriakubainaibuwẽ taeshũ Judá enabũ mai pakea anu mae tibi kuabaũkĩ maewã Jerusalém anu shanẽ ibubũ hiwe hawẽrua betsa betsapa tibi txiwẽ ẽ hatu yamawamashanaii”, itã,

Habacuque 2:18

Yushĩ hatu dami wamakĩ keyutã hawẽ hawa watimẽ? Hamẽ besti kẽwãtirubuki. Ha yushĩ damirã, hakiri hawẽ txani besti mia unãmakĩ yusĩtiruburã, hawẽ hawa watimẽ? Hamẽ besti nĩkatirubuki. Yushĩ dami haska hãtxatiruma tsuãra ha yushĩ dami wabiamisrã, haskatã haki txiti itirumẽ? Txanima hamẽ tsua haki txiti itirumaki.

Mateus 10:37

Hawẽ ibubu inũ hawẽ bakebu abuhairakĩ ea abu beshmas wamisrã, enabumaki. Ha inũ, tsuabũra ea txibãkatsi iki bika tenei eki hawa dakeama: “Ẽ habe mawakatsi ikaii”, ikĩ yuiabumarã, habu enabumariki.

Mateus 6:24

—Ha inũ, haratura dayarũ hawẽ shanẽ ibu dabe dayashũkĩ ha dabe merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri txibãkĩ ha dabe haska washũ mã duawatirumaki— iwanã,

João 2:8

Jesusũ ana hatu yunukĩ: —Natianã, kẽtxawẽ beaixtabaĩ ha hatũ hatu besimai shanẽ ibu anu bushũtãkãwẽ, hau menunã— hatu wa ma damia unãkĩ ha dayakapabu betsã beatã bushuãbu haskatã ũpash damishu unãma ha hatũ hatu besimai shanẽ ibũ metã hania bekãshu unãma ha shanẽ ibũ huni aĩyaĩ kenashũ

Romanos 1:18

Yura hirabi hiwebaunabu hatũ txakabuwẽ txakabukubaĩkĩ hãtxa txanimawẽ hiwekatsi ikabumawẽ taeshũ betsabũ ikũwãtirubũ hau nĩkayamanũbũ txanima hãtxa hunekĩ nemamisbuki. Habũ hatu nemamisbu Deus nai anu hiwea hatuki sinatakĩ natiã hatu kupikĩ habu tenemaikiki.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

2 Coríntios 11:31

Ẽ haska txani keãyã nukũ Shanẽ Ibu Jesus Cristõ Epa Deusũ ẽ hãtxa nĩkakĩ txanima hãtxa besti ẽ yuiai unaĩkiki, ha ikibi ini yurabũ kẽwãkubaĩshanaibunã.

Efésios 3:21

Jesus Cristo nũ txibaĩbu ikũwaĩ betsabubetã Deus kẽwãkĩ heneama duawakubainãkãwẽ, niti ikamarã. Haskakirã.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

1 Timóteo 1:11

Na nemati tibi hayawẽ Deusũ kaka pepa hawẽ bakekiri Deus duapahairatũ ea yusĩtã haska ẽ txanikũkaunũ ea yununiki.

1 Timóteo 1:17

Hanua Deus nũ uĩtirumabia ha bestitũ nuku mekei shanẽ ibuhairakũkaini niti ikama hiwemistũ dasibi damiwani heneama hau dasibibũ kẽwãkubainũbũwẽ. Haskakirã.

2 Timóteo 3:4

Haska inũ, betsarã, yura pepabu tsuabura hatuki sinataibu hatũ hatu unãmamis inũ, hawara itiru bebũkiri xinãma hamapai amisbu inũ, hamebi kẽkĩ xinãkĩ: “Yura betsã atirumabiakẽ eã besti ẽ atiruki”, iwanã, xinaĩ inũ, hawẽ kemu pae bestiwẽ xinaĩ pe hiwenũ ika Deus benakĩ xinãma iriashãkanikiki.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.