Romanos 1:17 - Kaxinawá Bíblia (BR)

¹⁷ Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

Kashinawa : Diosun Jesúswen taexun yuba bena yiniki

¹⁷ Jaska inun, jawen jancha yuixunikatun Diosun kakapekidi kenekin yuikin: “Tsuabunda Diosun jancha ikunwankin chibainwen taea pepai jiwexankanikiki”, aniki. Jaskawen taexun jawen bakekidi kakape Diosun jawen jatu mekekin jatun chakabu buanixun ja besti ikunwainbu jatu paxawaxanikiki.

Romanos 1:17 교차 참조

Ezequiel 18:9

Ha huni peparã, ẽ yunuti hãtxa inũ ẽ nemati hãtxa shinãkĩ ẽ yusĩti hãtxa dasibi txanima txibãkĩ tsua hatu paraĩsma ha huni pepa kayabibuwẽ taea pe hiwekubaĩshãkanikiki, ẽ hawa hatu kupiamarã. Ea Senhor Deusũ txanima ẽ hãtxa ẽ mestẽwaiĩ.

Habacuque 2:4

Eska hatukiri kenewe. Huni txakabuburã, keĩ hiwemisbuki. Hakia huni pepabu hiweirã, Deusũ hãtxa ikũwaĩ txĩtuãma unanuma hiwekubaĩmisbuki.

Números 21:9

nĩkashũ bronze mane tashipa dami wakĩ dunu keska Moisĩ ashũ txibu keyatapa mamaki anu puẽtã nitxĩkĩ dũtãkẽ tsuabura dunũ pikĩ bisha ha dunu dami dunua uiĩ shushakubainibukiaki, ana mawamarã.

João 3:36

Haska inũ, tsuabũra hawẽ bake ikũwãkĩ txibaĩbu hiwekuĩshãkanikiki, ikibi ikirã. Hakia hawẽ bake danãkĩ ikũwãbuma hatu danãriakĩ Deus haki sinatakĩ hiwekuĩmama hatu kupikubaĩshanikiki, hiwe txakamakinã— iniki.

Romanos 10:3

Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.

Romanos 3:21

Eska wakĩ Deusũ yurabu pepawamis shabakabi hatu uĩmani matu yusĩnũ nĩkakãwẽ. Judeubu inũ judeubumarã, tsuabũra Jesus Cristo ikũwaĩ nukũ txakabu hatũ nuku buashunikẽ: “Haska Deusũ bebũkiri yubani tsuabũra nũ ikũwaĩbu besti txakabu hayama pepabuki”, ikĩ Deusũ nukukiri pe xinãmiski. Haskakiri Deusũ hãtxa Moisés keneni inũ Deusũ hãtxa yuishunikabũ keneniburã, habiaska dabes xinã hakiri kenenibu kaneama ini uĩtirubuki.

Romanos 3:3

Ana habiaskari haratutũra ea yukakĩ yuikĩ: “Judeubu betsabũ Deusũ hãtxa ana txibãma danaĩbuwẽ taeshunã, hawara Deusũ nũ judeubu nuku yubani betsa washanimẽkaĩ, nuku danãkinã?” ea wabu:

Romanos 9:30

Haskakẽ Deusũ yunuti judeubumã txibãkĩ Deusũ pashati benamabia habũ Jesus Cristo hatũ xinãnẽ besti ikũwaĩbu hatũ txakabu Deusũ ma hatu buashũtã ana hatukiri txakabu xinãma ikũkainikiki.

2 Coríntios 3:9

Eskati wakĩ aniki, ana matu yuinũ nĩkakãwẽ. Hawara Deusũ Moisés yusĩni pebiakẽ tsuãra: “Dasibi Moisés hãtxa ẽ txibãtirumaki”, ishũ txakabuwaibu hawẽ taeshũ unãtã hatu kupiti kaka waniki. Haska hawara Moisés yuini kuxipabiakẽ Deusũ hawẽ bakewẽ taeshũ binumakĩ Deusũ nuku ma pepawaikiki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 3:11

Haska inũ: “Ikũwaĩ pepabu hiwekuĩshãkanikiki”, iwanã, Deusũ hawẽ hãtxa yuishunika kenemaniwẽ taeshũ hawẽ yunuti inũ hawẽ nemati besti txibãkĩ Deus daewatirubumaki, nũ unãnã.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

Hebreus 10:38

Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.