15 Haskamisbuwẽ taeshũ habu kupikinã, txakabuhairawẽ hatu bika tenemakĩ hawaira betsupe ika keska wakĩ hatu txakabuwakĩ yamawakĩ keyushanikiki, hawawẽ ana kayatima hatu wakinã.
Hakia ma matu anu txakabuhaira huaya eãri ẽ matu usãshanaii. Datei mã mawakatsis ikaya ẽ matuki kasheshanaii.
Mai anua niwe bei shubi shubi ibirãkĩ dasibi matu datebirãkĩ txakabuwabirãkĩ yamawabiranaya datei mã nuitapaya ẽ matuwẽ ana hawa nuiama ishanaii.
Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.
Txakabu betsa betsapa akĩ 6 kasmai 7ki amisburã, Senhor Deusũ hatu uĩ betxipaiama danãtxakayamai hatuki sinatahairamiski. Haskakiri matu yuinũ ea nĩkakãwẽ.
Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.
