1 Eska hawẽ ewã yusiã nĩkanishũ shanẽ ibuhaira Lemuelĩ hatu kenemakubainikiaki.
Epaã, mĩ ẽ huni bakewẽ taeshũ ẽ yusiã mia yusinũ nĩkakĩ pewawe. Mĩ ewã yusiãri danãkĩ nĩkasyamashãwẽ.
Kukaã, Deus ẽ yukakubaina ea nĩkatã Deusũ mia ea bimaima ẽ mia kainiwẽ taeshũ hawa ana betsa mia yusĩpa?
Epaã, mĩ ẽ bakewẽ taeshũ mĩ ibu huni inũ mĩ ibu aĩbũ yunuti inũ nemati hãtxa txibãkĩ nukũ yusiã danãyamakubaĩshãwẽ, shinãkubaini hawa hakimamarã.
Ha dukũ mĩ txitxi Lóide inũ mĩ ewa Eunicẽ Jesus Cristo ikũwãni txĩtuĩsbuma keska habias xinã miãri mĩ ikũhairawakĩ mĩ xinã mĩ betsa watiruma ẽ unaiĩ.
Mĩ bakeixta Deusũ hãtxa pepa meribi mia yusĩkĩ mia tapĩmakĩ hawẽ besti pashati Jesus Cristokiri mia unãmabu nĩkakĩ mĩ ikũwãnirã, xinaĩrawe.
