8 Hatu unãti wanũ ika hawẽ tsauti anu shanẽ ibuhaira tsaushũ txakabu unãtã beshtenũ, iwanã, hatu beis keyubaũmiski.
Shanẽ ibuhaira txakabutũ yunutxakaibu Deusũ hatu danãhairamiski. Hakia shanẽ ibuhaira pepatũ hawẽ yunuti kushipawẽ hatu pe yunumisrã, haburã, pepaki.
Shanẽ ibu unanepatũ huni txakabubu ana hatu uĩkatsi ikama hatu katutã hawaira hamapai tarãti shãkamawẽ hatu txushamamiski.
Uatiã shanẽ ibuhaira bena shanẽ ibuirã, yunua pepawẽ yunushanikiki. Hawẽ shanẽ ibu beshmasbu shanẽ ibushũkinã, yunuti kushipa pepawẽri ishãkanikiki.
Haskakẽ tsuabũra ea haibuwama ea nemamisbuki. Ha inũ, tsuabũra yura betsabu ea txibãmama hau ea ikũwãyamanũbũ hatu nemamisbuki, hamakiri xinãmakinã.
