8 Matxupã txani yuibaũkinã, misi batapabu pimisbu keska wakĩ hatu nĩkamabaũmisbuki, hatũ shinã uke merã hatu mistukĩ txakabuwakinã.
Huni betsa hawa shinãma hatu hãtxa txakabu yuikinã, nupewẽ hatu txatxikĩ akawamisbuki, hawa merabewamarã. Hakia unanepabũ hatu yusĩkinã, hatu merabewamisbuki, dau pepa sheama keska wakinã.
Huni atimapa hawẽ hãtxa txakabuwẽ ha imisbuki. Txani yui yuananãkĩ hatu sinatamamisbuki, hawẽ haibube hatu sinatanamemakinã.
Unaĩsmapa hawẽ keshawẽ hãtxairã, ibubis txakabui dispiwẽ teneshekea keskamisbuki, hawẽ hiwea txakabuwairã.
Txikish inũ hamapai sharabu txakabuwanikarã, ha dabe hawẽ betsa kayabi keskaki.
